⚔️ദേവാസുരൻ⚒️ s2 ep13(Demon king-DK) 3543

സമർ കുറെ വിളിച്ചു നോക്കി….. പക്ഷെ ഒരു രക്ഷയുമില്ല….. അവൻ പാർവതിയെ നോക്കി…..

അവൾ തനിക്ക് നേരെ വരുന്നവരെ ഒരു വെറി പിടിച്ച മൃഗത്തെ പോലെ വെട്ടി വീഴ്ത്തുന്നു….. അവൾ കാണിക്കുന്ന ഈ ആയോധന കഴിവ് സമറിനു സങ്കൽപ്പിക്കുവാൻ പോലും പറ്റുന്നതിനും അപ്പുറമാണ്…..

ആദിമ കാലങ്ങളിൽ യുദ്ധങ്ങളിൽ ശത്രുക്കളെ നിഗ്രഹിക്കുവാൻ രാജ കുടുംബങ്ങൾ പരിശീലിക്കുന്ന ശ്രേഷ്ഠമായ സംഹാരിണി വിദ്യ……

അവന് വെറും കേട്ടറിവ് മാത്രമുള്ള വിദ്യ……
ഒരാൾ വർഷങ്ങളോളം തപം ചെയ്യും പോലെ പരിശീലിച്ചാലെ ഇത് പഠിക്കുവാനാവു…..
കൂടാതെ ഇങ്ങനെ ഒരു വിദ്യ പഠിപ്പിക്കുവാൻ ഇന്ന് ആരുമില്ല…. കാരണം ഇതിന്റെയെല്ലാം ഗ്രന്ഥം യുദ്ധ കാല സമയങ്ങളിൽ തന്നെ നശിച്ചിരുന്നു……

എങ്ങനെയൊക്കെ ആണെങ്കിലും പാർവതി ഇതെങ്ങനെ പഠിച്ചെന്ന് അവനൊരു നിമിഷത്തേക്ക് ചിന്തിച്ചു……

ഇല്ല……

പാർവതിക്ക് ഈ വിദ്യ അറിയില്ല…..
അങ്ങനെ അറിയുമെങ്കിൽ ഞങ്ങളുടെയൊക്കെ അന്ത്യം എപ്പോഴേ തീർന്നേനെ…..

പിന്നെ അവൾ ഇപ്പോൾ എങ്ങനെ പെട്ടെന്ന്……

അവന് എത്ര ശ്രമിച്ചിട്ടും ഒരു എത്തും പിടിയും കിട്ടിയില്ല….. അവസാനം അവന്റെ ദൃഷ്ടി പതിഞ്ഞത് അവനിലാണ്…. ഇന്ദ്രൻ എന്ന് താൻ സ്വയം തെറ്റ്ധരിച്ചു വച്ചിരിക്കുന്ന രുദ്രനിൽ……

അവനെല്ലാം വളരെ കൗതുകത്തോടെ നോക്കി നിൽക്കുന്നു……
ആ നിർത്തം കണ്ടാൽ ഒരു യുദ്ധം അഭ്യസിക്കുന്ന ഗുരുവിനെ പോലാണ് അവന് തോന്നിയത്…..

. സമർ ഒരിക്കൽ കൂടെ അവളെ നോക്കി….

ഒരു ആശങ്കയും കൂടാതെ വെട്ടി നുറുക്കുന്നു…..ഒരു മൃഗത്തെ പോലെ….
അവൾ പൂർണ്ണമായും ചോരയാൽ ചുവന്നിരുന്നു….. അവൾക്ക് നേരെ വരുന്ന എല്ലാത്തിനെയും അവൾ വെട്ടിയരിഞ്ഞു

കൈ കാല് തല അങ്ങനെ പല അവയവങ്ങൾ പലയിടത്തായി വീണു കിടക്കുന്നു…… അവിടമാകെ രക്തക്കളമായി മാറിക്കഴിഞ്ഞിരിക്കുന്നു……

അവന്റെ മുഖം വലിഞ്ഞു മുറുകി….. സമർ ഒരു ഭ്രാന്തനെ പോലെ ചുറ്റും നോക്കി…..

ഒരു വലിയ ചുറ്റിക കിടക്കുന്നു…..
സമർ വേഗമാ കൂടം എടുത്ത് രുദ്രന് നേരെ നടന്നു……അവൻ അപ്പോഴും പാറുവിന്റെ താണ്ഡവം ആസ്വദിച്ചു നിൽക്കുകയാണ്…..

സമർ വരുന്നത് പോലും അവൻ നോക്കിയില്ല
വളരെ പെട്ടെന്നാണ് സമർ വീശിയ ആ ചുറ്റിക അവന്റെ തലയുടെ ഒരു ഭാഗത്തു പതിഞ്ഞത്…..

രുന്ദ്രൻ നിന്നിടത്ത് നിന്ന് തെറിച്ച് താഴെ വീണുപോയി….. അത്ര ശക്തിയോടെയായിരുന്നു അവന്റെ പ്രഹരം…..
അതോടെ രുദ്രന്റെ കഥ കഴിഞ്ഞെന്നാണ് അവൻ വിചാരിച്ചത്….

എന്നാൽ അവന് തെറ്റി….. താഴെ വീണ രുദ്രൻ നിമിഷങ്ങൾ കൊണ്ട് ചാടിയെഴുന്നേറ്റു…. യാതൊരു പ്രശ്നവും കൂടാതെ…..  സമറിനാകേ ഭ്രാന്ത് പിടിക്കും പോലെ തോന്നിയിരുന്നു…. കാരണം ഒരു ചുറ്റിക കൊണ്ട് തലക്ക് ഇത്ര വലിയ പ്രഹരം ഏറ്റ ആൾ ജീവിക്കുക എന്നത് അസാധ്യമാണ്…..

എന്നാൽ രുദ്രൻ അതാ എഴുന്നേറ്റ് നിൽക്കുന്നു….

കുറച്ചു മുന്നേ എല്ലാത്തിനും തല കുനിച്ചു നിന്ന പാർവതി ഒരു യോദ്ധാവിനെ പോലെ എല്ലാം നശിപ്പിക്കാൻ തുടങ്ങി…..
ഇപ്പോൾ ഇത്ര ബലമായ ചുറ്റിക കൊണ്ട് അടികിട്ടിയിട്ടും രുദ്രൻ എഴുന്നേറ്റ് നിൽക്കുന്നു….

താൻ പകൽ സ്വപ്നം കാണുകയാണോ എന്ന് വരെ സമറിനു തോന്നി…. അതുപോലാണ് നടക്കുന്ന കാര്യം…..

താഴെ നിന്നും എഴുന്നേറ്റ രുദ്രൻ സമറിനെ നോക്കിയൊന്ന് ചിരിച്ചു……

‘”” ഹ ഹ ഹ ഹ…….
സമർ…… നീ എന്റെ കൈകൊണ്ട് തീരാൻ ആണോ ഈ വെപ്രാളം കാണിക്കുന്നത്…… ഒന്ന് വിളിച്ചെങ്കിൽ ഞാൻ വന്നേനെ അല്ലോ……'””

രുദ്രൻ ഒരു പരിഹാസ ചിരിയോടെയാണ് അത് പറഞ്ഞത്…..അവന്റെ സിരകളിൽ അഗ്നി പടർന്നു… ഭ്രാന്ത്‌ പിടിച്ചവനെ പോലെയവൻ നിന്നിടത്ത് നിന്നും ചാടി കറങ്ങി രുദ്രന്റെ നെഞ്ചിലേക്ക് ആ ചുറ്റിക വീശി…..

അത് കൃത്യം പതിച്ചത് അവന്റെ ഹൃദയം വരുന്ന ഭാഗത്താണ്….. നേരത്തെ മർദിച്ചതിന്റെ നാലിരട്ടി ശക്തിയിൽ…..
പക്ഷെ അതവന്റെ ദേഹത്ത് കൊണ്ടു എന്നല്ലാതെ ഒന്ന് അനങ്ങുക പോലും ചെയ്തില്ല…ഒപ്പം രുദ്രന് ഒന്നും സംഭവിച്ചിട്ടുമില്ല….

ഒരു നടുക്കത്തോടെ സമറിന്റെ കയ്യിലെ ചുറ്റിക താഴെ വീണു……
രുദ്രൻ അവനെ നോക്കിയൊന്ന് ചിരിച്ചു…..