ഹൃദയരാഗം 29

Author : അച്ചു ശിവ | Previous Part

 

 

” പറയാം…. പക്ഷേ അപ്പച്ചി എനിക്ക് വാക്ക് തരണം…. ഞാന്‍ ചോദിക്കുന്നതിന് സത്യമേ പറയൂ എന്നും, മറ്റാരോടും ഇത്‌ പറയില്ല എന്നും “….

അവള്‍ അവരുടെ കൈയില്‍ പിടിച്ചു പറഞ്ഞു….

 

” ഏ…. എന്താ കാര്യം…. എന്തോ സീരിയസ് കാര്യമാണെന്ന് തോന്നുന്നല്ലോ…. നീ ആകെ വല്ലാതായല്ലോ “….

രുക്‌മിണിക്ക് എന്തോ ടെന്‍ഷന്‍ പോലെ തോന്നി….

 

” അപ്പച്ചി വാക്ക് താ “….

അവള്‍ വീണ്ടും പറഞ്ഞു….

 

” വാക്ക്…. നീ കാര്യം പറ “….

രുക്‌മിണി അക്ഷമയോടെ പറഞ്ഞു….

 

വാസുകി അവരുടെ കൈ വിട്ടിട്ട് അവളുടെ ഫോണ്‍ കൈയിലെടുത്തു…..

അല്‍പ്പനേരം ഫോണില്‍ എന്തൊക്കെയോ തപ്പിക്കൊണ്ടിരുന്നു….

 

” ഇതാരാ അപ്പച്ചി ? “….

മുഖവുര ഒന്നുമില്ലാതെ അവള്‍ പണ്ട് വിനയ് യുടെ ഓഫീസ് മുറിയില്‍ കണ്ട ചിത്രത്തിന്റെ ഫോണിലെടുത്ത ഫോട്ടോ അവരുടെ നേരെ കാണിച്ചു കൊണ്ട് ചോദിച്ചു….

 

രുക്‌മിണി കുറച്ചുനേരം ആ ഫോട്ടോയിലേക്ക് നോക്കി ഇരുന്നു…. അവരുടെ കണ്ണുകള്‍ മിഴിഞ്ഞു വന്നു…. വിശ്വസിക്കാനാവാതെ അവര്‍ ആ ഫോട്ടോയിലേക്ക് വീണ്ടും വീണ്ടും നോക്കി….

 

” വാസു…….. “….

അവരുടെ ചുണ്ടുകള്‍ ശബ്ദമില്ലാതെ പിറുപിറുത്തു…..

 

======== ======== ======== ======== ========