വൈഷ്ണവം (അവസാന ഭാഗം) മാലാഖയുടെ കാമുകൻ 1452

അവൻ പറഞ്ഞു നിർത്തി പോക്കറ്റിൽ നിന്നും എന്തോ എടുത്തു..

വൈഷ്ണവി അതൊന്നും ഇഷ്ടപെടാത്ത രീതിയിൽ നിന്നു.

എന്നാലും ഒരു പുഞ്ചിരി മുഖത്ത് ഉണ്ടായിരുന്നു..

“ഞാൻ.. ആദിത്യ ഗ്രൂപ്പിന്റെ ഉടമ.. ഇഷ്ടപ്പെടുന്നത് എന്തും സ്വന്തമാക്കിയിട്ടേ ഉള്ളു..

ആ കോൺഫിഡൻസിൽ തന്നെ.. വൈഷ്ണവിക്ക് എന്നെപോലെ ഒരു സുന്ദരനെ ഒഴിവാക്കാൻ പറ്റില്ല എന്നുള്ള ഉറച്ച വിശ്വാസത്തിൽ ഞാൻ ചോദിക്കുന്നു..

വിൽ യു മാരി മി…?”

അത്‌ പറഞ്ഞ ഉടനെ അവൻ പോക്കറ്റിൽ നിന്നും എടുത്ത ബോക്സ്‌ തുറന്ന് ഒരു ഡയമണ്ട് മോതിരം അവൾക്ക് നേരെ നീട്ടി..

വൈഷ്ണവി മാത്രം അല്ലാ..

അത് കണ്ട വിഷ്ണുവും ഞെട്ടി..

എന്നാൽ ബാക്കി എല്ലാവരും കൈ അടിച്ചു പ്രോത്സാഹിപ്പിക്കുകയാണ് ചെയ്തത്..

മൊബൈൽ ക്യാമെറകൾ ആ നിമിഷങ്ങൾ ഒപ്പിക്കൊണ്ടിരുന്നു.

“സെ യെസ്.. വിൽ യു മാരി മി..മിസ്സ്‌ വൈഷ്ണവി..?”

അവൻ അവളുടെ അടുത്ത് ചെന്ന് അവളുടെ വിരലിൽ ആ മോതിരം ഇടാൻ ശ്രമിച്ചു..

“നോ…”

വൈഷ്ണവിയുടെ മറുപടി പെട്ടെന്ന് ആയിരുന്നു..

അവനിൽ നിന്നും അവൾ പുറകിലേക്ക് നീങ്ങി നിന്നു..

അവളുടെ ആ പ്രവർത്തി കണ്ട് ശിവ നടുങ്ങി നിന്നപ്പോൾ എല്ലാവരും നിശബ്ദർ ആയി..

അപ്പോൾ വിഷ്ണുവിന്റെ ചുണ്ടിൽ ഒരു പുഞ്ചിരി വന്നു.

അവൻ കാലുകൊണ്ട് തട്ടി മുണ്ടിന്റെ അറ്റം കൈകൊണ്ടു പിടിച്ചു അതൊന്ന് മടക്കി ഉടുത്തു.

മുടി ഒന്ന് ഒതുക്കി അവൻ മുൻപോട്ട് നടന്നു.

“ആരും എന്നൊടു നോ പറഞ്ഞിട്ടില്ല.. ജോക്ക് വേണ്ട വൈഷ്ണവി.. സെ യെസ്..”