വൈഷ്ണവം (അവസാന ഭാഗം) മാലാഖയുടെ കാമുകൻ 1441

എന്നാലും അവൾ കാറിൽ നിന്നും നേർച്ചക്കുള്ള വസ്തുക്കൾ എടുത്ത് മെല്ലെ നടന്നു..

അമ്പലത്തിൽ പോയി നന്നായി പ്രാർത്ഥിച്ചു..

നേർച്ചകൾ നടത്തിയ ശേഷം അവൾ തിരിച്ചു വന്നു..

കാർ പാർക്ക്‌ ചെയ്ത സ്ഥലത്ത് എത്തിയപ്പോൾ അവിടെ ആരും ഇല്ലായിരുന്നു..

അവൾ വണ്ടിയിൽ കയറി അത്‌ മെല്ലെ ടൗണിലേക്ക് ഓടിച്ചു..

വീട്ടിൽ എത്തിയപ്പോൾ വിഷ്ണു വാവയെ കളിപ്പിക്കുകയാണ്.

“അഹ് വന്നോ..? നമുക്ക് അമ്മക്ക് ഒരു ഉമ്മ കൊടുത്താലോ..?”

അവൻ ചിരിയോടെ അവളെ നോക്കി.

“മ്മേ.. മ്മാ…”

അവൾ കയ്യിൽ ഇരുന്നു ചുണ്ട് കൂർപ്പിച്ചപ്പോൾ വൈഷ്ണവി കവിൾ കാണിച്ചു കൊടുത്തു.

“ശരിക്കും നിന്റെ പണി എന്താ..? അവൾ ശരിക്കും ബിസിനസ്സുകാരി ആണോ അതോ…?”

വൈഷ്ണവി കസേരയിൽ ഇരുന്നു ചോദിച്ചു..

“ശിവയുടെ ആളുകൾ ആണ് അത്‌.. അവൻ.. അവൻ ബോധവും വെളിവും ഒന്നും ഇല്ലാത്ത ഒരു പ്രാന്തനാണ്..”

വിഷ്ണു മറുപടിയായി അതാണ് പറഞ്ഞത്..

അവൾ അത്‌ പ്രതീക്ഷിച്ചിരുന്നു..

“എനിക്ക് അവനെ ഒന്ന് കാണണം..”

വൈഷ്ണവി അത്‌ പറഞ്ഞപ്പോൾ വിഷ്ണു ചിരിച്ചു..

“അതെനിക്ക് ഇഷ്ടപ്പെട്ടു.. എന്നാൽ പോവാം അല്ലെ..?”

അവൻ വാവയെ ജാനുവമ്മയുടെ അടുത്ത് കൊടുത്ത് അവന്റെ ബൈക്കിൽ കയറി..

അവൾ വേഗം ചെന്നു ബൈക്കിന്റെ പുറകിൽ കയറി ഇരുന്നു..

അത്‌ ഗേറ്റ് കടന്ന് കുതിച്ചു പാഞ്ഞു..

വണ്ടി കുറച്ചു ദൂരം ഓടിയ ശേഷം ഒരു മണ്ണിട്ട വഴിയിൽ എത്തി..

അവിടെ നിന്നും അല്പം കൂടെ മുൻപോട്ട്.. മെല്ലെയാണ് വിഷ്ണു ബൈക്ക് ഓടിച്ചത്..

അല്പം മുൻപോട്ട് പോയപ്പോൾ ഒരു ഇരു നിലയുള്ള പഴയ വീട് മുൻപിൽ കണ്ടു..

വിഷ്ണു വണ്ടി അവിടെ നിർത്തി..

“ചെന്നോളൂ.. കണ്ടിട്ട് വാ..”

അവൻ വൈഷ്ണവിയോട് പറഞ്ഞപ്പോൾ അവൾ അവനെ ഒന്ന് നോക്കി മുൻപോട്ട് നടന്നു..

വാതിൽ തുറന്ന് കിടന്നിരുന്നു.. അതിൽ കൂടെ അകത്തേക്ക് കയറിയപ്പോൾ ഒരു കോവണി മുകളിലേക്കും വേറെ ഒരു വഴി നേരെയും..

ഏതിലേക്ക് പോകണം എന്ന് ചിന്തിച്ചു നിന്നപ്പോൾ ആണ്‌ ഒരു ചിരി കേട്ടത്..