വൈഷ്ണവം (അവസാന ഭാഗം) മാലാഖയുടെ കാമുകൻ 1441

തേൻമൊഴി അതൊന്ന് നോക്കി ഫോൺ എടുത്ത് ആരെയോ വിളിച്ചു..

വേഗത്തിൽ നടന്നു പോകുന്ന വൈഷ്ണവിയുടെ അടുത്ത് നിർത്തി..

അവൾ ഒന്നും മിണ്ടാതെ വേഗം ബൈക്കിൽ കയറി ഇരുന്നു..

ആ സമയത്ത് അവിടെ നിൽക്കുന്നത് അത്രക്ക് നല്ല കാര്യമല്ല എന്നവൾക്ക് തോന്നി..

തിരികെ പോരുമ്പോൾ വൈഷ്ണവി ഒന്നും മിണ്ടാതെ അല്പം അകലം പാലിച്ചു ഇരുന്നു..

ഒന്നും മിണ്ടിയില്ല രണ്ടുപേരും..

അവളും മനസ്സിൽ എന്തൊക്കെയോ ഉറപ്പിച്ച മട്ടിൽ ആയിരുന്നു..

ഗേറ്റ് കടന്ന് പോർച്ചിൽ വണ്ടി നിന്നപ്പോൾ അവൾ ഇറങ്ങി..

ബൈക്ക് ഓഫ്‌ ആക്കാതെ വിഷ്ണു അവളെ ഒന്ന് നോക്കി.

“മോളുടെ ഒപ്പം കുറച്ചു ദിവസം നിൽക്കണം.. അപേക്ഷയാണ്..”

അവൾ അത് പറഞ്ഞു മെല്ലെ അകത്തേക്ക് നടക്കാൻ ഒരുങ്ങിയപ്പോൾ വിഷ്ണു ബൈക്ക് ഓഫ്‌ ചെയ്തു..

“ഒന്നും കഴിച്ചില്ലല്ലോ..? വാ..?”

അവൾ വിഷ്ണുവിന്റെ മുഖത്ത് നോക്കി ചോദിച്ച ശേഷം അകത്തേക്ക് നടന്നു.

അവൻ അനുസരണയോടെ അവളുടെ പുറകെ ചെന്നു..

അവൻ കൈ കഴുകി ഇരുന്നപ്പോൾ അവൾ വേഗം കാസറോളിൽ നിന്നും വെള്ളേപ്പം എടുത്ത് പത്രത്തിൽ വച്ചു..

ഒപ്പം താറാവ് റോസ്റ്റും..

അത് അവൾ അവന്റെ മുൻപിൽ വച്ചു അവനെ ഒന്ന് നോക്കി..

“നിനക്ക് എന്നോട് ദേഷ്യം ഉണ്ടോ..?”

അവൻ ചോദിച്ചപ്പോൾ അവൾ പുഞ്ചിരിച്ചു.

“ഇല്ല.. ഞാൻ ഓക്കേ ആണ്.. വിഷ്ണുവിന്റെ സന്തോഷം ആണ്‌ എന്റെ സന്തോഷം..”

“ഇവിടെ ഇരിക്ക്..”

അവൻ അവളുടെ കൈ ഒന്ന് പിടിച്ചു വലിച്ചപ്പോൾ ഒരു പൂക്കെട്ട് പോലെ അവൾ അവന്റെ അടുത്തേക്ക് വന്നു..