വൈഷ്ണവം (അവസാന ഭാഗം) മാലാഖയുടെ കാമുകൻ 1442

അവൾ അതും പറഞ്ഞു കുതറി അകത്തേക്ക് ഓടിയപ്പോൾ വൈഷ്ണവി തലയിൽ കൈവച്ചു നിന്നു.

“നിന്റെ അല്ലെ മോൾ..”

വിഷ്ണു പുറത്തേക്ക് നോക്കി പറഞ്ഞപ്പോൾ അവൾ അവന്റെ വയറിന്റെ വശത്ത് നഖം ഇറുക്കി.

“ആഹ് ഡീ…”

“ഓഹോ കഞ്ചാവ് തന്നു മയക്കി എന്നെ എന്തോ ചെയ്തു കുട്ടി ഉണ്ടാക്കിയതും പോരാ എന്നിട്ട് ഇപ്പൊ എന്റെ മാത്രം മോൾ ആണെന്നോ..? നിന്നെ ഞാൻ ഉണ്ടല്ലോ..”

അവൾ അവനെ ദേഹം മുഴുവൻ പിച്ചിയപ്പോൾ അവൻ രക്ഷ ഇല്ലാതെ അവളെ എടുത്തു പൊക്കി പിടിച്ചു..

“ഓഹോ.. ഇതെന്താ ഇവിടെ…?!”

ആ ചോദ്യം കേട്ടപ്പോൾ വിഷ്ണു അവളെ താഴെ നിർത്തി..

ഭദ്രയാണ്..

അവളുടെ വണ്ടി വന്നതോ അവൾ ഇറങ്ങി വന്നതോ അവർ അറിഞ്ഞിട്ടില്ല…

വൈഷ്ണവി ചിരി ഒതുക്കി നിന്നു..

“കൊച്ച് സ്കൂളിൽ പോകാൻ തുടങ്ങി.. എന്നിട്ടും ഒരു കുറവും ഇല്ലല്ലോ.. കമ്പനി ഒക്കെ എന്നിട്ട് എന്റെ തലയിലും.. ഇത് ശരിയാകില്ല കേട്ടോ…”

ഭദ്ര അതും പറഞ്ഞു പരിഭവത്തോടെ അവിടെ ഇരുന്നു.

“നിനക്ക് ഒപ്പം തേൻമൊഴിയും ചെമ്പകവും ഉണ്ടല്ലോ പിന്നെ എന്താ..?”

വിഷ്ണു അവിടെ ഇരുന്നു അവളെ നോക്കി.

“അതുപിന്നെ.. അതൊക്കെ ഉണ്ട്.. എന്നാലും നിങ്ങൾ ഇങ്ങനെ വെറുതെ ഇരുന്ന് പ്രേമിക്കുന്നത് കാണുമ്പോ ഒരു അസൂയ..”

അവൾ സത്യം മറച്ചു വെച്ചില്ല..

അത്‌ കേട്ടപ്പോൾ വൈഷ്ണവി ചിരിച്ചു..

“അത്ര നാളും പിരിഞ്ഞു ജീവിതത്തിന്റെ കുറവ് ഞങ്ങൾ ഇപ്പോൾ തീർക്കുന്നു.. നിനക്ക് ഒരുത്തനെ കണ്ടു പിടിച്ചാൽ എന്താ..?”

ഭദ്ര ഒന്നും മിണ്ടിയില്ല..