വൈഷ്ണവം (അവസാന ഭാഗം) മാലാഖയുടെ കാമുകൻ 1441

“അതൊക്കെ നമുക്ക് വാങ്ങാം.. നീ ഒക്കെ അല്ലെ വിഷ്ണു..?”

അവൾ വിഷ്ണുവിനെ നോക്കി..

“പോകാം..”

അവൻ സമ്മതം മൂളിയപ്പോൾ അവളുടെ കവിളുകൾ ഒന്ന് ചുവന്നു..

ആരെയോ കാണാൻ എന്നതുപോലെ ആ നീണ്ട മിഴികൾ ഒന്ന് തുടിച്ചു..

വിഷ്ണു അതൊന്ന് ശ്രദ്ധിച്ചു..

അവൾ എന്തോ ഒരു കാര്യം ഈ യാത്ര കൊണ്ട് ഉദ്ദേശിക്കുന്നുണ്ട് എന്ന് അവന് മനസിലായി..

അതുകൊണ്ട് തന്നെ ഒപ്പം നിൽക്കാൻ അവൻ തീരുമാനിച്ചു..

ഭദ്ര അകത്തേക്ക് പോയി വേഗം തന്നെ തിരിച്ചു വന്നു..

എല്ലാവരും വണ്ടിയിൽ കയറി..

“ആദ്യം ഒരു സൂപ്പർമാർക്കറ്റ്.. ഇടാനുള്ളത് ഒക്കെ വാങ്ങാം..എന്നിട്ട് എയർപോർട്ട്‌.. ഓക്കേ..?”

ഭദ്ര ഇരുവരെയും ഒന്ന് നോക്കി..

“എവിടെക്കാ നമ്മൾ പോകുന്നത്..?”

വൈഷ്ണവി അതിശയത്തോടെ ചോദിച്ചു..

“കാഷ്മീർ…”

അവൾ പതിയെ അത് പറഞ്ഞു ഗിയർ മാറ്റി വണ്ടി മുൻപോട്ട് എടുത്തു…

വൈഷ്ണവി കണ്ണ് മിഴിച്ചു വിഷ്ണുവിനെ നോക്കി.. അവൻ കണ്ണിറുക്കി കാണിച്ചപ്പോൾ അവൾ ഭദ്രയെ നോക്കി..

എന്താ ഭാവം എന്ന് അറിയാൻ പറ്റുന്നില്ല… പക്ഷെ ആൾ സന്തോഷവതിയാണ്..

അവരുടെ വണ്ടി മുൻപോട്ട് പോയപ്പോൾ ഭദ്രയുടെ റൂമിൽ മേശയുടെ മുകളിൽ ഇരുന്ന നീലകണ്ണുകൾ ഉള്ള ഒരു ചെറുപ്പക്കാരന്റെ ഫോട്ടോ പുഞ്ചിരി തൂകുന്നുണ്ടായിരുന്നു…

അവൾ എന്നെ തേടി വരും എന്ന ഉറപ്പോടെ..

അവസാനിച്ചു..

ഇത്ര നാളും തന്ന സപ്പോർട്ടിന് ഒത്തിരി സ്നേഹം..

ഭദ്രയുടെ കഥ അവൾ തന്നെ പറയട്ടെ അല്ലെ..? 🙂☺️