വൈഷ്ണവം (അവസാന ഭാഗം) മാലാഖയുടെ കാമുകൻ 1452

അവൾ ചിലപ്പോൾ ചന്ദനം നെറ്റിയിൽ തൊടുവിച്ചു തരും എന്ന് അവന് തോന്നി എങ്കിലും അവൾ അകത്തേക്ക് വേഗം നടന്നു പോയി..

അവൻ ഒരു നിമിഷം അങ്ങനെ നിന്നു..

അവന്റെ ഫോൺ ശബ്ധിച്ചു..

“തേൻമൊഴി കാളിങ്” എന്ന് കണ്ടപ്പോൾ അവൻ ഫോൺ എടുത്ത് ചെവിയിൽ വച്ചു.

“കുഴപ്പമില്ല..”

അവൻ എന്തോ ചോദ്യത്തിന് മറുപടി കൊടുത്തു..

“ശരി..”

അവൻ അതുകൂടെ പറഞ്ഞു ഫോൺ വച്ചു.

“ച്ചെ.. നാൻ..”

പുറകിൽ ഒച്ച കേട്ടപ്പോൾ അവൻ ഫോൺ മാറ്റിവച്ചു വാവയെ വൈഷ്ണവിയുടെ കൈകളിൽ നിന്നും കോരി എടുത്തു..

അവൻ അവളെ കൊഞ്ചിച്ചപ്പോൾ വൈഷ്ണവി നോക്കി നിന്നു.

അല്പ നേരം കഴിഞ്ഞപ്പോൾ അവൾ വാവക്ക് വേണ്ടി കൈ നീട്ടി എങ്കിലും അവൾ പോയില്ല.

“ഡീ.. നിന്റെ അച്ഛാ ഉടനെ അങ്ങ് പോകും.. പിന്നെ അമ്മയെ ഉണ്ടാകുള്ളൂ ട്ടോ..”

വൈഷ്ണവി തമാശ പോലെ അത്‌ പറഞ്ഞപ്പോൾ വിഷ്ണു ഒന്ന് നടുങ്ങി..

“ച്ച പോവോ..?”

അവൾ സംശയത്തോടെ അവനെ സൂക്ഷിച്ചു നോക്കി..

“പിന്നെ.. നിന്റെ അച്ചക്ക് വേറെ അമ്മ വരും.. ബാ നമുക്കെ പാപ്പം കഴിക്കാം..? അമ്മ വാവക്ക് കാക്കയെ കാണിച്ചു തരാം..? എന്റെ പൊന്നല്ലേ.. വാ..?”

വൈഷ്ണവി അത്‌ പറഞ്ഞു കൈ നീട്ടിയപ്പോൾ അവൾ അതിൽ വീണു..

ചാടി ചെന്നവളെ വാരി അണച്ചു അവൾ ഉമ്മവച്ചു..

“അമ്മക്ക് നീയല്ലേ ഉള്ളു വാവേ..”

അവൾ പോകുന്ന വഴി വാവയോടു പറഞ്ഞത് വിഷ്ണു കേട്ടു.. അവൻ ഒന്നും മിണ്ടാതെ അര ഭിത്തിയിൽ ഇരുന്നു..

ഒരു പുഞ്ചിരിയോടെ..

•••