വൈഷ്ണവം (അവസാന ഭാഗം) മാലാഖയുടെ കാമുകൻ 1452

വിഷ്ണു നടന്നു ബൈക്കിന്റെ അടുത്ത് എത്തിയപ്പോൾ നേരത്തെ കണ്ടതുപോലെ ഒരു പെണ്ണ് അവന് ഒരു ജാക്കറ്റ് കൊണ്ടുവന്നു കൊടുത്തു..

അവൻ അത്‌ ആ കീറിയ ഷർട്ടിന്റെ മുകളിൽ കൂടെ ധരിച്ചു..

“എല്ലായിടത്തും പെണ്ണുങ്ങൾ ആണല്ലോ.. വിഷ്ണു അല്ല കൃഷ്ണൻ എന്നായിരുന്നു പേര് വേണ്ടത്..”

വൈഷ്ണവി മെല്ലെ സ്വയം പറഞ്ഞു..

അവൻ അത്‌ കേട്ടത്പോലെ ഒന്ന് ചിരിച്ചു..

അതിനുശേഷം ബൈക്കിൽ കയറി അവളെ നോക്കിയപ്പോൾ അവളും പുറകെ കയറി..

ബൈക്ക് മുൻപോട്ട് നീങ്ങി..

“സത്യം പറ.. നീയിനി വല്ല ഗാങ് ലീഡറും ആണോ..? ഈ സിനിമയിൽ ഒക്കെ കാണും പോലെ..?”

വൈഷ്ണവി അത്‌ ചോദിച്ചപ്പോൾ വിഷ്ണു ചിരിച്ചു..

അവൻ ബൈക്ക് ഒരു അരുവിയുടെ അടുത്ത് നിർത്തി..

“വാ..”

അവൻ ഇറങ്ങി ഒരു കൊച്ചു പാറയിൽ കയറി അവളെയും കൈ പിടിച്ചു കയറ്റി..

അവർ അവിടെ ഇരുന്നു..

“ഇനി പറ.. നിനക്ക് എന്താ അറിയേണ്ടത്.?”

അവൻ ചോദിച്ചപ്പോൾ വൈഷ്ണവി അവന്റെ തോളിൽ തല വച്ചു ഇരുന്നു..

“എനിക്കൊന്നും അറിയണ്ട.. വിഷ്ണു എന്റെയാ.. എന്നാലും എനിക്ക് ആ പഴയ വിഷ്ണുവിനെയാ കൂടുതൽ ഇഷ്ടം..”

അവൾ പറഞ്ഞത് കേട്ടപ്പോൾ അവൻ അവളെ ചേർത്ത് പിടിച്ചു.

“നീ കരുതും പോലെ ഞാൻ ഗാങ്സ്റ്ററോ കൊള്ളക്കാരനോ ഒന്നും അല്ലാ..”

അവൻ ഇനി എന്താണ് പറയാൻ പോകുന്നത് എന്നറിയാൻ വൈഷ്ണവി അവന്റെ മുഖത്തേക്ക് നോക്കി ഇരുന്നു..

“പിന്നെ..?”

അവൾ അറിയാനുള്ള ആവേശത്തിൽ ചോദിച്ചു..

“നീ സെവൻ എന്ന് കേട്ടിട്ടുണ്ടോ..?”

അവൾക്ക് പെട്ടെന്ന് അവന്റെ ടാറ്റൂ ഓർമ വന്നു..

അപ്പോൾ അവൾ ചിന്തിച്ചത് തന്നെ.

“പ്രൈവറ്റ് സെക്യൂരിറ്റി ആൻഡ് ഇൻവെസ്റ്റിഗെഷൻ അല്ലെ..? മുഴുവൻ ലേഡീസ് ടീം ഉള്ള കമ്പനി.? അതല്ലേ സെവൻ..?”

അവൾ ആകാംഷയോടെ ചോദിച്ചു..

“യെസ്..”

“അതുമായി എന്താ ബന്ധം..?”

“എന്തായിരിക്കും ബന്ധം..?”

അവൻ തിരിച്ചു ചോദിച്ചു..