വൈഷ്ണവം (അവസാന ഭാഗം) മാലാഖയുടെ കാമുകൻ 1452

“ഇവളുടെ ദേഹത്ത് തൊട്ടാൽ നിന്നെ ആയിരിക്കും ബോസ്സ് ആദ്യം തീർക്കുക.. സ്റ്റെല്ല..? യു ക്യാരി ഓൺ..”

അത്‌ കേട്ടപ്പോൾ അവളെ അടിക്കാൻ നിന്നവൻ പുറകോട്ടു മാറി അടങ്ങി നിന്നു. ദേഷ്യത്തോടെ..

വേറെ ഒരാൾ മുൻപോട്ട് വന്നു വൈഷ്ണവിയുടെ അടുത്ത് നിന്നു..

“ഹലോ..”

ആ സ്വരം കേട്ടപ്പോൾ ആണ്‌ വൈഷ്ണവി അതൊരു പെണ്ണാണ് എന്ന് തിരിച്ചറിഞ്ഞത്..

അത്ര നേരം ആരെയാണ് അയാൾ സ്റ്റെല്ല എന്ന് വിളിച്ചത് എന്ന് ആലോചിച്ചിരുന്നു അവൾ..

“മാഡം നല്ല സഹകരണം ആണല്ലോ.. എന്നാൽ കയറിക്കോളൂ.. സ്റ്റെല്ല… മേഡത്തിനെ ഒന്ന് ഹെല്പ് ചെയ്യൂ..”

അയാൾ മുൻപോട്ട് വന്നു ഡോർ തുറന്ന് പിടിച്ച് അത്‌ പറഞ്ഞപ്പോൾ ആണ്‌ കാതടപ്പിക്കുന്ന ഒരു മുഴക്കം പുറകിൽ നിന്നും വന്നത്..

എല്ലാവരും ഒന്ന് ഞെട്ടി വഴിയിലേക്ക് നോക്കി..

ഒരു കറുത്ത ഫോർഡ് മസ്താങ് ചുവന്ന ഹെഡ്ലൈറ്റ് മിന്നിച്ചുകൊണ്ട് അവർ നിന്ന വഴിയിലേക്ക് മെല്ലെ തിരിയുന്നുണ്ടായിരുന്നു..

അത്‌ കണ്ടതും അയാൾ ബൂട്ടിന്റെ ഇടയിൽ നിന്നും ഒരു പിസ്റ്റൾ വലിച്ചെടുത്തു.

എഞ്ചിൻ ഒന്ന് ഇരപ്പിച്ചു കാർ ഓഫ്‌ ആയപ്പോൾ എല്ലാവരും തയ്യാറായി നിന്നു..

വൈഷ്ണവിയുടെ കണ്ണുകൾ ആ കാറിന്റെ നമ്പർ പ്ലേറ്റിന്റെ അടിയിലെ എഴുത്തിൽ ആയിരുന്നു..

അവളുടെ ചുണ്ടിൽ ഒരു പുഞ്ചിരി വന്നു..

കാറിൽ നിന്നും ഇറങ്ങിയ ആളെ കണ്ടപ്പോൾ മറ്റുള്ളവരുടെ ചുണ്ടിൽ ഒരു ചിരിയാണ് വന്നത്..

“അതൊരു പെണ്ണാ.. ഡോണ്ട് മൈൻഡ്.. അവളെ കാറിൽ കയറ്റിക്കൊ.. വേസ്റ്റ് നോ ടൈം..”

അയാൾ അതും പറഞ്ഞു മുൻപോട്ട് നടന്നപ്പോൾ വൈഷ്ണവിയുടെ അടുത്ത് നിന്ന പെണ്ണ് ഒന്ന് ചാടി വട്ടം കറങ്ങി…

അവളുടെ കിക്ക് കൊണ്ട് പുറകിൽ നിന്ന രണ്ടുപേരും ഒരു അനക്കം പോലും ഇല്ലാതെ താഴെ വീണു..

“സ്റ്റെല്ല..?”

അയാൾ ഞെട്ടി തിരിഞ്ഞു അവളെ നോക്കി അലറി..

വൈഷ്ണവിയും ഞെട്ടി അവളെ നോക്കി..

“അത്‌ സ്റ്റെല്ല കിടായാത് കണ്ണേ..”

കാറിന്റെ ഡോർ ചാരി തേൻമൊഴി മെല്ലെ മുൻപോട്ട് വന്നപ്പോൾ അയാൾ ഒന്ന് പതറി..