രുധിരാഖ്യം -12 [ചെമ്പരത്തി] 345

മിന്നലിന്റെ ശക്തിയും കുറഞ്ഞു കുറഞ്ഞു വന്നു.

അവസാനം ആ മുറിവ് പൂർണമായും ഉണങ്ങിയതോടെ, അവളുടെ ശരീരത്തിന്റെ വിറയൽ അവസാനിപ്പിച്ചുകൊണ്ട് ആ മിന്നൽ തിരികെ മാവികയുടെ ശരീരത്തിലേക്ക് തന്നെ ഒതുങ്ങി.

ഒന്ന് ശരീരം കുഴഞ്ഞുപോയ ഇന്ദു തന്റെ കാൽമുട്ട് മടങ്ങി മാവിക കിടക്കുന്നതിന് അടുത്ത് കുളപ്പടവിലേക്ക് ഇരുന്നു പോയി.

വീണ്ടും രുധിരാഖ്യത്തിന്റെ പ്രകാശം നിലച്ചു. അതോടെ മാവികയുടെ ശരീരത്തിൽ ഉണ്ടായിരുന്ന നിറം മാറ്റവും അപ്രത്യക്ഷമായി.

വീണ്ടും രുധിരാഖ്യം അതിന്റെ തനതായ നിറത്തിൽ,ചുവപ്പ് നിറത്തിൽ തന്നെ പ്രകാശിക്കുവാൻ തുടങ്ങി.പക്ഷേ അതിന് തീരെ തെളിച്ചം ഉണ്ടായിരുന്നില്ല.!! തീർത്തും മങ്ങിയിരുന്നു.! പക്ഷേ അതിനൊപ്പം തന്നെ അത്രനേരം മങ്ങി പോയിരുന്ന ഇന്ദ്രനീലവും പ്രകാശിക്കുവാൻ തുടങ്ങി.

തല കുനിച്ച് മുട്ടുകുത്തി നിന്നിരുന്ന ഇന്ദു, മാവികയുടെ വാൽച്ചിറകിന്റെ തുമ്പ് പതിയെ വിറയ്ക്കാൻ തുടങ്ങുന്നത് കണ്ട് ഞെട്ടി തലയുയർത്തി അവളെ ആകമാനം നോക്കി. മാവികയുടെ ശരീരത്തിലൂടെ പതിയെ ഒരു വിറയൽ കടന്നുപോകുന്നു.!!

പെട്ടെന്ന് ഇന്ദുവിനെ ഞെട്ടിച്ചുകൊണ്ട് മാവിക അതിശക്തമായി ശ്വാസം ഏങ്ങി വലിച്ച് ഞെട്ടി കണ്ണ് തുറന്നു.! അവളുടെ കണ്ണുകൾ വല്ലാതെ മിഴിഞ്ഞിരുന്നു.!

ഒരു പിടച്ചിലോടെ എഴുന്നേറ്റിരുന്ന മാവിക ഇരുകൈകളും പിന്നിൽ കുത്തി ഉറക്കെ ചുമച്ചു. ഓരോ വട്ടം ചുമയ്ക്കുമ്പോഴും കറുത്ത നിറത്തിലുള്ള രക്തം അവളുടെ വായിൽ നിന്ന് പുറത്തേക്ക് തെറിച്ചു. രക്തം വീണ് അവളുടെ ശരീരവും കറുത്ത നിറമായി.

എന്തുചെയ്യണമെന്നറിയാതെ ഇന്ദുവും അവരെ ഇരുവരെയും ഭീതിയോടെ നോക്കിനിന്ന മറ്റുള്ളവരും ആകെ പകച്ചു.

കുറേ ഏറെനേരം വല്ലാതെ