രുധിരാഖ്യം -12 [ചെമ്പരത്തി] 343

വേഗതയിൽ കുന്നിന് മുകളിലേക്ക് നടന്നു. ഒപ്പം തങ്ങളുടെ ഇര രക്ഷപ്പെടാതിരിക്കാൻ ആയി ആ ജീവികൾ ഉണ്ടാക്കിയ വലയം ഏഥനോട്  അടുത്തടുത്തു വന്നുകൊണ്ടിരുന്നു.!!

ഏഥൻ ആ കുന്നിൻമുകളിൽ കയറി എത്തുന്നതിന് തൊട്ടു മുൻപേ തന്നെ ആ ജീവികൾ അവനെ ചുറ്റും വളഞ്ഞ് തൊട്ടടുത്തേക്ക് എത്തി.

പലവട്ടം സംശയം തോന്നിയ അവൻ തിരിഞ്ഞ് നോക്കിയെങ്കിലും അവയെല്ലാം മരങ്ങൾക്ക് പിറകിലൂടെ അവനെ കബളിപ്പിച്ചു കൊണ്ടായിരുന്നു അവനോട് അടുത്ത് വന്നിരുന്നത്.

കൃത്യമായി അവനെ ഒരു വൃത്തത്തിനുള്ളിലാക്കാൻ ഉള്ള സ്ഥലം കിട്ടിയതോടെ അവയെല്ലാം ഞൊടിയിടയിൽ അവനെ നടുവിൽ ആക്കി ചുറ്റും അടുത്തു കൂടി. ആ ജീവികളെ അവിടെ കണ്ട ഏഥൻ ഒന്ന് നടുങ്ങി.

“ലാവോറിസ്….!!!!!!!!”

പതിയെ ചുണ്ടനക്കിയ അവനെ ആകമാനം ഉലച്ചുകൊണ്ട് ഒരു വിറയൽ ശരീരത്തിലൂടെ കടന്നുപോയി.

രുധിരാഖ്യത്തിനൊപ്പം ഉണ്ടായിരുന്ന, താൻ അരയിൽ ഉറപ്പിച്ച വാൾ  ഞൊടിയിടയിൽ വലിച്ചൂരാൻ ശ്രമിച്ചങ്കിലും തലയ്ക്ക് പിന്നിൽ ശക്തമായ ഒരു അടി ഏറ്റതോടെ അവൻ തെറിച്ചു അടുത്തുള്ള മരത്തിൽ ചെന്നടിച്ച് താഴെ വീണു.

ബോധം മറഞ്ഞ അവനെ തൂക്കിയെടുത്ത് തോളിലിട്ട് ആ ജീവികൾ വീണ്ടും ആ കുന്നിനു മുകളിലേക്ക് കയറി.

അവിടെ പാറക്കല്ലുകൾ കൊണ്ട് കെട്ടിപ്പൊക്കിയ ഒരു കൊട്ടാരം, അല്പം ക്ഷീണിതമെങ്കിലും തലയുയർത്തി തന്നെ നിലനിന്നിരുന്നു.! കോട്ടയുടെ ചുറ്റുമതിലും ചില ഭാഗങ്ങളും കാലപ്പഴക്കം കൊണ്ടായിരിക്കണം ഇടിഞ്ഞു പൊളിഞ്ഞു തുടങ്ങിയിരുന്നു.