മഹാനദി 9 (ജ്വാല ) 1447

ഒരേ ദിനചര്യയുടെ തുടർ ദിനങ്ങൾ, 

മലയാള പത്രങ്ങളിൽ കാണുന്ന കൊലപാതകം, ഭവനഭേദനം  തുടങ്ങിയ പ്രശസ്തമായ ഏത് കേസിലെ പ്രതികളാണെങ്കിലും വൈകിട്ട് സബ്‌ജയിലിൽ എത്തും, അങ്ങനെ അങ്ങനെ രണ്ടു ദിവസം കഴിഞ്ഞു.,.,.,

◆◆◆◆◆◆◆

മൂന്നാമത്തെ ദിവസം.,.,.,

ഇന്ന് എന്റെ കേസ് പരിഗണിക്കുന്ന ദിവസം ആണ്, 

കണ്ണുകൾ എപ്പോഴും സൂപ്രണ്ടിന്റെ റൂമിലേക്ക് ആയിരുന്നു, ആരെങ്കിലും വരുമോ എന്ന ഉത്കണ്ഠ, എന്റെ മാത്രം അവസ്ഥ അല്ലായിരുന്നു അത് മിക്ക  സെല്ലിലെയും തടവുകാർ ഇങ്ങനെ ഒക്കെ ആയിരുന്നു. 

ഏകദേശം  നാലുമണിയോടെ അടുപ്പിച്ച് ആയി  കാണും എന്നെ വിളിക്കാൻ പോലീസ് എത്തി, 

വികാര നിർഭരമായ യാത്ര, ബോസിനോട് കെട്ടിപിടിച്ച് യാത്ര പറഞ്ഞു, അപ്പോൾ ആരോ പറഞ്ഞു, 

” സന്ദീപേ ബീഡിയുടെ കാര്യം മറക്കണ്ട, 

അവരുടെ സാധനങ്ങൾ തിരിച്ചു ഏൽപ്പിച്ചു വീണ്ടും തടിയൻ ബുക്കിൽ ഒപ്പ്  വച്ചു.  എന്റെ ബെൽറ്റ് നോക്കുമ്പോൾ കാണുന്നില്ല, 

” അവിടെയുള്ള ഏതെങ്കിലും എടുത്ത് ഇട്ട് കൊണ്ട് പോടോ, 

എന്നുള്ള പോലീസുകാരന്റെ ഡയലോഗ് കേട്ടപ്പോ പിന്നെ ബെൽറ്റ് ഒന്നും എടുക്കാൻ നിന്നില്ല,  പുറത്ത് സാം ഉണ്ടായിരുന്നു, മനസ്സിലാകെ ഒരു മരവിപ്പ്,. മനസ്സിന്റെ ഉള്ളിൽ കറുത്ത വലയം എന്നെ വന്നു മൂടി ഈ ലോകത്ത് നിന്ന് തന്നെ ഒറ്റപ്പെടുത്തി…