മഹാനദി 9 (ജ്വാല ) 1447

പുറത്തെ കത്തി കൊണ്ടിരുന്ന ബൾബിൽ നിന്നുള്ള പ്രകാശം ഉറക്കം കെടുത്തി, 

എന്നാലും ഉറങ്ങാൻ ഒരു വിഫല ശ്രമം നടത്തി, കണ്ണടയ്ക്കുമ്പോൾ അമ്മയുടെ കരയുന്ന മുഖം  അതിന്റെ ഒപ്പം കൊതുകിന്റെ കടിയും, സെല്ലിന്റെ ഒരു ഭാഗത്ത് ആമത്തിരി കത്തിച്ചു വായിച്ചിട്ടുണ്ട്, കൊതുകുകൾ അതിനും വട്ടം വയ്ക്കുന്നുണ്ട്. 

” ഡോ… ഉറക്കം വരുന്നില്ലേ, 

” ഇല്ല  ചേട്ടാ, 

അയാൾ എന്റെ നേരെ  ഒരു ബീഡി നീട്ടി, 

ഞാൻ അത് വാങ്ങി ചുണ്ടിൽ വച്ചു  കത്തിച്ചു, വല്ലാത്ത ആയാസമാണ് പുക എടുക്കാൻ, 

ഞാൻ എന്നെകുറിച്ച് ഓർത്ത് നോക്കി ഇന്നലെ എസി റൂമിൽ ഡേവിഡോഫ് സിഗരറ്റ് വലിച്ച് കിടന്നവൻ ഇന്ന് പുൽപ്പായയിൽ കട്ടൻ ബീഡിയും വലിച്ച്.. ജീവിതത്തിന്റെ ഓരോ അവസ്ഥാന്തരങ്ങളെ… 

ഉറക്കമില്ലാത്ത ജയിലിലെ ആദ്യരാത്രി, എങ്ങനെയൊക്കെയോ നേരം വെളുപ്പിച്ചു എന്ന് പറയാം, 

നേരം പുലരാറായപ്പോഴാണ് കണ്ണുകൾ ഒന്നടഞ്ഞു വന്നത് പെട്ടന്നാണ് ഒരു ശബ്ദം കേട്ട് ഞെട്ടി ഉണർന്നത്, കാവൽ നിൽക്കുന്ന പോലീസുകാരൻ സെല്ലിന്റെ കമ്പികളിൽ ഹെവി മെറ്റൽ ഗിത്താറിന്റെ സ്ട്രിങ്ങുകളിൽ ചലിപ്പിക്കുന്നത് പോലെ ലാത്തി കൊണ്ട് അടിച്ചതാണ് അലാറം അത്രേ തടവുകാരെ എഴുന്നേൽപ്പിക്കാനുള്ള തന്ത്രം. 

വീണ്ടും എല്ലാവരും വാതിലിനോട് ചേർന്ന് അഭീമുഖമായി ഇരുപ്പുറപ്പിച്ചു, വീണ്ടും അവരുടെ എണ്ണൽ പ്രക്രിയ തുടങ്ങി, 

പിന്നെയും കുറെ കഴിഞ്ഞാണ് ചായ കിട്ടിയത്, ചായക്ക് കടുപ്പവും, പാലും, മധുരവും ഒന്നുമില്ല തനി വാട്ട ചായ…  വീടല്ലല്ലോ ആരെയും ചീത്തപറയാനും പറ്റില്ല….  അതും കുടിച്ചു കൊണ്ടിരുന്നപ്പോൾ സെൽ തുറന്ന് പ്രഭാതകൃത്യങ്ങൾക്കായി തുറന്നു വിട്ടത്,