പ്രാണേശ്വരി 12 [പ്രൊഫസർ ബ്രോ] 523

“ഡാ നിന്നോട് ഒരു കാര്യം ചോദിക്കാം നീ സത്യസന്ധമായി പറയണം… ”

എന്തെങ്കിലും കുനിഷ്ടാകും എന്നറിയാം എങ്കിലും തലയാട്ടി സമ്മതിച്ചു കൊടുത്തു

“അവന്റെ സ്ഥാനത് നീ ആണെന്ന് കരുതുക. നീ ഇഷ്ടപ്പെടുന്ന പെണ്ണ് വേറെ ഒരുത്തനെ ഇഷ്ടപ്പെടുന്നു അത് നീ ഇഷ്ടപ്പെടാത്ത ഒരാൾ കൂടി ആണ് അതിന്റെ പേരിൽ അവനുമായി വഴക്കുണ്ടാകുന്നു പ്രിൻസിപ്പൽ നിന്നെ വിളിച്ചു വഴക്ക് പറയുന്നു ഇത്രയും ഒക്കെ സംഭവിച്ചിരിക്കുന്ന സാഹചര്യത്തിൽ നിനക്ക് അവനെ കുടുക്കാൻ പറ്റിയ ഒരവസരം വരുന്നു നീ അത് ഉപയോഗിക്കുമോ ഇല്ലയോ ”

ഞാൻ ഒന്ന് ആലോചിച്ചു നോക്കി… ശരിയാണ് ചിലപ്പോൾ ഞാനും അങ്ങനെ ചെയ്യുമായിരിക്കും

ചില സമയത്ത് ദേഷ്യം നമ്മളെ നമ്മൾ അല്ലാതെ ആക്കും ആ സമയത്ത് പറയുന്നതും ചെയ്യുന്നതും എല്ലാം തെറ്റായിരിക്കും ആ ഒരു സമയത്താകാം നിതിനും അങ്ങനെ ചെയ്തിട്ടുണ്ടാകുക

“ആവോ എനിക്കറിയില്ല ”

സമ്മതിച്ചു കൊടുക്കാൻ ഒരു മടി

“ഡാ ഞാൻ എല്ലാം മറന്നു എന്നല്ല അതിനർത്ഥം എനിക്ക് വിഷമം ഉണ്ട് പക്ഷെ നീ അവനെക്കുറിച്ചു ഒന്ന് ചിന്തിച്ചു നോക്ക്. ആ സംഭവത്തിന്‌ ശേഷം ഇത്രയും നാൾ അവൻ കുറ്റബോധത്തോടെ ആയിരിക്കും കഴിഞ്ഞിട്ടുണ്ടാകുക ഇപ്പോഴും ഞാൻ അവനോട് ദേഷ്യം കാണിച്ചാൽ ആ കുറ്റബോധം അവന് എന്നും ഉണ്ടാകും. പശ്ചാത്താപത്തെക്കാൾ വലിയ പ്രായ്ശ്ചിത്തം വേറെ ഇല്ല എന്നല്ലേ ബൈബിളിൽ പറഞ്ഞിരിക്കുന്നത് ”

എപ്പോഴും കളിയും ചിരിയും മാത്രമായി എന്റൊപ്പം നടക്കുന്ന മാളു ചേച്ചിയുടെ കാര്യഗൗരവത്തോടെ ഉള്ള സംസാരം ഞാൻ അപ്പോളായിരുന്നു കേൾക്കുന്നത്. അറിയാതെ അവളെ കുറച്ചു സമയം നോക്കി നിന്നു പോയി

“എന്താടാ ഇങ്ങനെ നോക്കുന്നത് ”

“ഏയ്യ് മാസ്സ് ഡയലോഗ് കേട്ട് നോക്കിനിന്നു പോയതാണ്”

“പോടാ പൊട്ടാ… ഞാൻ കാര്യം പറഞ്ഞതാണ് ”

“ആഹ് എന്തേലും ആകട്ടെ… അല്ല ആന്റി കുറച്ചു സമയമായല്ലോ അവനോട് സംസാരിക്കുന്നത് എന്താകുമോ എന്തോ ”

“നടക്കാൻ പോകുന്നത് ഞാൻ പറയാം… നമ്മൾ ഇപ്പൊ റൂമിൽ പോകും കുറച്ചു കഴിയുമ്പോൾ അമ്മ വരും കൂടെ നിതിനും കാണും അവന്റെ സങ്കടം എല്ലാം മാറിയിട്ടുണ്ടാകും”

“ഓഹ്‌ പിന്നേ… ”

“നീ കണ്ടോ ”

“ആഹ് കാണാം… ഇപ്പൊ നീ വാ നമുക്ക് റൂമിൽ പോകാം ഉണ്ണിയേട്ടൻ അവിടെ ഒറ്റക്കല്ലേ ”

ഞങ്ങൾ തിരിച്ചു റൂമിൽ എത്തുമ്പോൾ ഉണ്ണിയേട്ടൻ ഭയങ്കര ആലോചനയിലാണ്

“എന്താണ് മോനെ ഇത്ര ആലോചന… ”

പുള്ളി ചിരിച്ചുകൊണ്ട് എന്നെ തിരിഞ്ഞു നോക്കി

“ഏയ്യ് ഒന്നൂല്ല… ഇവളെയും കെട്ടിക്കൊണ്ട് പോയാൽ വീട്ടിലെ പണി മുഴുവൻ ഞാൻ ചെയ്യേണ്ടി വരുമല്ലോ എന്നാലോചിച്ചതാ… ”

അത് കേൾക്കേണ്ട താമസം മാളു ഉണ്ണിയേട്ടന്റെ അരികിലേക്ക് പാഞ്ഞു. ചെന്ന ഉടനെ കൈ ചുരുട്ടി ആ നെഞ്ചിൽ ഒരിടി കൊടുത്തു