പ്രാണേശ്വരി 12 [പ്രൊഫസർ ബ്രോ] 523

ഞാൻ മാളുവിന്റെ മുഖത്തേക്ക് നോക്കി. അവൾ എന്റെ മുഖത്തേക്ക് നോക്കി സമ്മതിക്ക് എന്ന ഭാവത്തിൽ കണ്ണ് കാണിച്ചു”അതിനെന്താ അമ്മേ ഞാൻ ശ്രദ്ദിച്ചു കൊള്ളാം “ഞാൻ അത് പറഞ്ഞപ്പോൾ ആ അമ്മയുടെ മുഖത്ത് ഒരാശ്വാസം വന്നു

“എന്നാൽ പിന്നെ ഞങ്ങൾ ഇറങ്ങട്ടെ.. അടുത്തുള്ള റൂമിൽ ഉണ്ടാകും അമ്മ പോകുന്ന സമയത്ത് ആ വഴിക്ക് വന്നാൽ മതി ”

“ശരി ടീച്ചറെ വളരെ നന്ദിയുണ്ട് ”

“ഏയ്യ് അതിന്റെ ആവശ്യം ഒന്നും ഇല്ലമ്മേ… അപ്പൊ ഞങ്ങൾ പോകുന്നു ”

ഞങ്ങൾ യാത്ര പറഞ്ഞു പുറത്തേക്ക് നടന്നു. പുറത്തിറങ്ങി ഉടൻ തന്നെ ഉണ്ണിയേട്ടൻ കിടക്കുന്ന റൂം തുറക്കാൻ തുടങ്ങി.

“മോളെ മാളു… ഒന്ന് നിന്നെ ”

“എന്താടാ ”

അവൾ വാതിലിന്റെ അടുക്കൽ തെന്നെ നിന്ന് എന്നെ നോക്കി

“നീ എന്താ പറഞ്ഞത് നീ ഇന്ന് പോകും ഞാൻ ഉണ്ടാകും എന്നോ… അതെപ്പോ തീരുമാനിച്ചു ”

“എടാ അത് പിന്നെ… നാളെയോ മറ്റന്നാളോ അവനെ ഡിസ്ചാർജ് ചെയ്യും അതുവരെ മതി. അവന്റെ വീട്ടിൽ ആർക്കും ഇവിടെ വന്ന്‌ നിൽക്കാൻ പറ്റില്ല അത് നിനക്കറിയാല്ലോ ”

ഉണ്ണിയേട്ടന്റെ വീട്ടുകാർ ഒക്കെ കേരളത്തിന്‌ പുറത്താണ് ആൾ സിനിമ പ്രാന്ത് മൂത്ത് ഇവിടെ വന്ന്‌ നിൽക്കുന്നതാണ്

“എന്നാ നീ നിന്നോ.. ”

“ഞാൻ എങ്ങനെയാ അവന്റെ ഒപ്പം ഒറ്റക്ക് നിൽക്കുന്നത് ”

“നിന്നെ കെട്ടാൻ പോകുന്നവൻ അല്ലെ അപ്പൊ നീ തന്നെ നിക്ക് ”

“എടാ എന്നാലും അമ്മ എന്ത് കരുതും ”

അവൾക് പുള്ളിയുടെ ഒപ്പം നിക്കണം എന്ന് ആഗ്രഹം ഉണ്ട് ആന്റി എന്ത് കരുതും എന്നുള്ളതാണ് പ്രശ്നം

“അയ്യടാ… കൊള്ളാല്ലോ മനസ്സിലിരിപ്പ്…ഒരുമിച്ചുള്ള താമസമൊക്കെ കല്യാണം കഴിഞ്ഞ് മതീട്ടോ ”

“പോടാ പട്ടി ”

“എടി വേറെ ഒരു പ്രശ്നമുണ്ട് ഞാൻ അമ്മയോട് ഇന്ന് തന്നെ വരും എന്നും പറഞ്ഞാണ് പോന്നത്… ”

“ആന്റിയോട് ഞാൻ പറഞ്ഞോളാം ”

“അത് മാത്രമല്ല ഞാൻ ഇടാൻ ഡ്രസ്സ്‌ ഒന്നും എടുത്തിട്ടില്ല ”

“അത് നമുക്ക് പുതിയത് വാങ്ങാം ”

ആവശ്യം അവളുടെ ആയതുകൊണ്ട് ക്യാഷ് ചിലവാക്കുന്നതിൽ യാതൊരു ബുദ്ധിമുട്ടും ഇല്ല.

“അപ്പൊ എന്റെ തിരുവോണം ആശുപത്രിയിൽ ആണല്ലേ… ”

ഞാൻ വെറുതെ ഒരു തമാശക്ക് പറഞ്ഞതാണെങ്കിലും മാളുവിന് അത് വിഷമമായി.പെട്ടന്ന് തന്നെ അവളുടെ മുഖം വാടി

“എടാ… നീ വേണമെങ്കിൽ പൊയ്ക്കോ… ഇവിടെ ഞാനും അമ്മയും നിന്നോളാം ”