പതിനാറാം 👹 തീയാട്ട് {Sajith} 1512

താഴെ തമ്മിലിടിച്ച് രണ്ടും ഉരുണ്ടു വീണു അപ്പുവിൻ്റെ ഇടി കൊണ്ട് ഗൗരിയുടെ തലയ്ക്ക് ചെറിയൊരു വേദന.

 

“”അയ്യോ മോളേ…””,””വാ എഴുന്നേക്ക്…””,

 

അപ്പു വേഗം ഗൗരിയെ പിടിച്ചെഴുന്നേൽപ്പിച്ചു. 

 

“”എവെടെ നോക്കിയാ ചേച്ചീ ഓടണെ…””,””മനുഷൻ്റെ തല പൊട്ടീന്നാ തോന്നണെ…””,

 

“”അച്ചോടാ…””,””ചേച്ചി നോക്കാ…””,””എവടെ തല കൊണ്ടാ…””,

 

“”ദാ ഇവ….””,

 

ഗൗരിയുടെ സംസാരം പകുതിക്കെ നിന്നു. പിന്നെ നോട്ടം അപ്പൂൻ്റെ കവിളിലേക്കായി.

 

“”ചേച്ചീൻ്റെ കവിളിലെന്താ പറ്റിയെ…””,

 

ഗൗരി അപ്പൂൻ്റെ കവിളിലൊന്നു തോട്ടു.

 

“”കവിളിലോ…””,””കവിളിലെന്താ…””,

 

ഗൗരി അടക്കിപിടിച്ച് ചിരിക്കാൻ തുടങ്ങി…

 

“”ഇവടെ തന്നെ നിക്ക് വേറെ എങ്ങട്ടും പോവല്ലേ…””,””ഞാനിപ്പ വരാം…””,

 

കൈ കൊണ്ട് അവിടെ നിക്കാൻ പറഞ്ഞ് ഗൗരി വേഗം പോയി മേശപ്പുറത്തിരുന്ന കണ്ണാടിയുമായി അപ്പുവിനടുത്തെത്തി…

 

“”ഇത് നോക്കിയെ…””,

 

ഗൗരി കണ്ണാടി അപ്പുവിന് നേരെ പിടിച്ച് കാണിച്ച് കൊടുത്തു. 

 

കവിളിലെ പാട് കണ്ടതും അപ്പൂനാകെ നാണമായി കൂടെ നാണക്കേടും. കുഞ്ഞൂട്ടൻ നേരത്തേ കടിച്ചപാടാണത്. അവള് തറപ്പിച്ച് പടികൾക്ക് മുകളിലേക്ക് നോക്കി. അവിടെ കുഞ്ഞൂട്ടനെ കണ്ടില്ല…

 

“”എന്ത്‌ പറ്റിയതാ ചേച്ചി വല്ലതും കടിച്ചോ…””,

 

“”ആഹ്… മോളേ…””,””ഒരു പട്ടി കടിച്ചതാ…””,

 

“”അത് കൊള്ളാലോ…””,””വേഗം വാക്സിനെടുത്തോ…””,””ഇല്ലേ…””,

 

“”ടീ ടീ… വല്ലാണ്ട്…””,””ട്ടോ…””,

 

“”ഓഹ് സരി…””,

 

ഗൗരി അവിടെ നിന്നും നീങ്ങിയപ്പഴേക്കും അപ്പു അവളെ പിടിച്ചു നിറുത്തി.

 

“”മോളേ പോവല്ലേ…””,””നല്ല വെശപ്പ്ണ്ട്…””,””ഈ കോലത്തിൽ അവരുടെ മുന്നിലെങ്ങാനും പോയാ ആകെ നാണം കെടും ഒരു ബുദ്ധി പറഞ്ഞ് താ…””,

 

“”ചെയ്ത ആളോട് ഭക്ഷണം കൊണ്ട് തരാൻ പറ…””,””പിന്നെ ഐസ് വച്ചാ പാട് മാറി കിട്ടും…””,””ഏട്ടനെ പറഞ്ഞ് വിട്ടാ മതി ആരും കാണാതെ ഞാൻ കൊടുത്തയക്കാം…””,

 

“”അത് കൊള്ളാം…””,””ഞാനെന്നാ മോളിൽ പോവാ…””,””ആഹ് ജന്തൂനെ ഞാൻ പറഞ്ഞയക്കാം…””,

 

“”ഹ…ഹ…ഹ….””,

 

ഗൗരി പോയ്ക്കഴിഞ്ഞ് അപ്പു മുകളിലേക്ക് പോന്നു. ലക്ഷ്യം കുഞ്ഞൂട്ടൻ്റെ മുറിയായിരുന്നു. 

 

കുളി കഴിഞ്ഞ് ഒരു മുണ്ടും ഷർട്ടും ഇട്ട് കണ്ണാടിക്ക് മുൻപിൽ നിന്ന് മുടി ചീവായിരുന്നു കുഞ്ഞൂട്ടൻ. അപ്പു നേരെ മുറിയിൽ കയറി ചെന്ന് കട്ടിലിൽ ഇരുന്നു. ചുണ്ട് കൂർപ്പിച്ചാണ് വച്ചിരിക്കുന്നത്. അവളുടെ ആഹ് ഇരുത്തം കണ്ണാടിയിലൂടെ തന്നെ കുഞ്ഞൂട്ടൻ കണ്ടിരുന്നു…

 

“”എന്താണ്…,””,””ഒരുമ്മ കൂടി കിട്ടാത്തേൻ്റെ വെഷമം മൊഖത്ത്ണ്ടല്ലോ…””,

 

“”പൊയ്ക്കോണം അവിട്ന്ന് ഒരുമ്മ കിട്ടിയതിന് തന്നെ ആകെ നാണം കെട്ടിരിക്യാ…””,

 

“”എന്ത് പറ്റി…””,

 

കുഞ്ഞൂട്ടൻ ചീപ്പൊക്കെ അവിടെ വച്ച് അപ്പൂനടുത്ത് വന്നിരുന്നു.

 

“”ദാ ഇത് നോക്ക്…””,

 

അപ്പു തൻ്റെ കവിളിലെ പാട് ചൂണ്ടിക്കാട്ടി കൊടുത്തു. കുഞ്ഞൂട്ടൻ അവിടെയൊന്ന് വിരലോടിച്ചു. അപ്പു പക്ഷെ വേഗംന്ന് കൈ തട്ടിമാറ്റി.

 

“”ആഹ് നോക്കട്ടെ…””,

 

“”ഇത്രേം നോക്കിയാ മതി…””,””വല്ലാണ്ട് തൊട്ടും പിടിച്ചും നോക്കിയാ നിനക്കെയ് ഇനീം കടിക്കാൻ തോന്നും…””,

 

“”സത്യം….””,

 

“”പൊക്കോണം…””,””ഇതും വെച്ച് ഞാനെങ്ങനെയാ അവരുടെ ഒക്കെ മുന്നിൽ പോവാ…””,””നീ തന്നെ പറയ്…””,

 

“”അയാനെന്താ നീ ധൈര്യയിട്ട് എറങ്ങിക്കോ പെണ്ണേ…””,

 

“”പോടാ പട്ടീ…””,””നിനക്കത് പറയാ പാടിരിക്കണത് ഇൻ്റെ കവിളത്തല്ലേ…””,

 

“”എന്നിട്ട് നീ ഇവടെ ഇരിക്കാനാണോ പരിപാടി…””,””ആഹ്…””,””പാട് പോണ വരെ…””,””എന്നാ ഇവടെ ഇരി ഞാൻ താഴെ പോയിട്ട് വരാ…””,

 

“”അയ്യട അങ്ങനെ ഒഴിവാവാൻ നോക്കണ്ട…””,””പോയി വല്ലതും കഴിക്കാൻ എടുത്തിട്ട് വാ എനിക്ക് വെശക്ക്ണു…””,

 

“”ഓഹോ… പകപോക്കുകയാണല്ലേ…””,

 

“”അതേ…..””,””പോയി എടുത്തിട്ട് വാടാ…””,

 

“”കടിച്ചത് ഞാനായി പോയി അതോണ്ട്…””,

 

“”ഓഹ് പിന്നേ…””,””അല്ലേലും നിന്നെ കൊണ്ട് എടുപ്പിക്കാൻ എനിക്കറിയാട്ടോ…””,

 

“”അമ്മാ തായേ…””,

 

കുഞ്ഞൂട്ടൻ അപ്പൂൻ്റെ മുമ്പിൽ കൈകൂപ്പി കുനിഞ്ഞു. അപ്പു ഒന്ന് ചിരിച്ചു. 

 

“”ഞാനെന്നാ പോയിട്ട് വരാ…””,

 

“”വരുമ്പൊ ഗൗരി കൊറച്ച് ഐസ് തരും അതും വാങ്ങി പോരെ…””,

 

കുഞ്ഞൂട്ടൻ താഴെ എത്തി. കനകമ്മയെ കണ്ട് രണ്ടാൾക്കുള്ള ദക്ഷണം മുകളിലേക്ക് എടുത്തു. ഒന്ന് കുഞ്ഞൂട്ടനും മറ്റേത് അപ്പൂനും. അവൾക്കെന്തോ വയ്യാഴികയാണെന്നൊക്കെ പറഞ്ഞ് അവൻ തൽക്കാലം തലയൂരി. പക്ഷെ അടുത്തത് ഗൗരിയുടെ അടുത്താണല്ലോ…

 

കുഞ്ഞൂട്ടന് ഐസ് എടുത്ത് കൊടുക്കുന്നതിനിടയ്ക്ക് അവനെ ഒന്നാക്കി ചിരിച്ച് കൊണ്ടിരുന്നു ഗൗരി. കുഞ്ഞൂട്ടൻ വേഗം ഐസും വാങ്ങി ഭക്ഷണവും എടുത്ത് മുകളിലേക്ക് പോന്നു. 

 

കുഞ്ഞൂട്ടനെ കാത്ത് മുറിയിൽ തന്നെ ഇരിക്കായിരുന്നു അപ്പു. ആദ്യം ഐസ് കവിളിൽ വച്ചു. ഇല്ലേ ഭക്ഷണം കഴിച്ച് കഴിമ്പഴേക്കും ഐസ് വെള്ളമാവും…

 

കുഞ്ഞൂട്ടൻ തന്നെയാണ് ഓരോ ഐസ്ക്യൂബും അപ്പൂൻ്റെ കവിളിൽ വച്ച് കൊടുത്തത്. ഓരോ തവണ വയ്ക്കുമ്പഴും അവള് കണ്ണ് ഇറുക്കി അടച്ച് ചുണ്ടുകൊണ്ട് ഓരോ ഗോഷ്ടി കാണിക്കും അതും ആസ്വദിച്ച് മൃദുലമായ അവളുടെ കവിളിൽ കുഞ്ഞൂട്ടൻ അൽപ്പ നേരം തഴുകി കൊണ്ടേ ഇരുന്നു. ഐസ് തിരുന്നത് വരെ അങ്ങനെ തന്നെ ചെയ്തു. 

 

ശേഷം ഭക്ഷണം എടുത്ത് കഴിച്ചു. തണുത്തിരുന്നു. എന്നാലും നല്ല രുചി. രണ്ടു പേരും ഭക്ഷണം കഴിച്ച് കഴിഞ്ഞ് പാത്രവുമായി കുഞ്ഞൂട്ടൻ താഴേക്ക് പോയി. തിരെകെ ഒരു കുപ്പി വെള്ളവുമായെത്തി. രണ്ടു പേരും ഓരോ വർത്താനങ്ങളും പറഞ്ഞ് വൈകുനേരം വരെ മുറിയിൽ തന്നെയായിരുന്നു. കുഞ്ഞൂട്ടൻ്റെ മുഖത്തേ പാടുകളൊക്കെ പൂർണ്ണമായും കുറഞ്ഞിരുന്നു. അതോണ്ട് അതിനെ കുറിച്ചുള്ള ചോദ്യം മാത്രം അപ്പൂൻ്റെ ഭാഗത്ത് നിന്നുണ്ടായില്ല….

 

***☆***