നിഴലായ് അരികെ -8 [ചെമ്പരത്തി] 369

“നീ ദേഷ്യപെടേണ്ട അമ്മൂ…….. അയാൾ ഈ കാര്യം നിന്നോട് ചോദിക്കാമോ എന്ന് ചോദിച്ചു,  ഞാൻ അത് നിന്നോട് ചോദിച്ചു… അത്രേ ഉള്ളൂ….അതിനു ഇത്രയധികം നീ ക്ഷോഭിക്കേണ്ട ആവശ്യം ഇല്ല……. “

 

 

എന്നാൽ ആര്യ അതിനു മറുപടി കൊടുക്കാതെ തിരിഞ്ഞു വണ്ടിക്കടുത്തേക്കു ചവിട്ടി തുള്ളി  നടന്നു..

 

എന്ത് ചെയ്യണം എന്നറിയാതെ നന്ദൻ, ഇരു കൈകളും ഇടുപ്പിലൂന്നി കുറച്ചു നേരം നിന്നു….

പിന്നെ പതിയെ പുറത്തേക്കു നടന്നു.

വണ്ടിക്കരികിൽ ചെല്ലുമ്പോൾ ആര്യ, ഹാന്ഡിലിനു മുകളിലേക്കു തല കുമ്പിട്ടു കിടക്കുന്നുണ്ട്…..

 

“പോകാം നമുക്ക്..??? ”

 

ശാന്ത സ്വരത്തിൽ നന്ദൻ ആര്യയോട് ചോദിച്ചു..

അവൾ നേരെ ഇരുന്നുവെങ്കിലും പിന്നോട്ട് മാറിയില്ല..മുഖം ഇരുണ്ടു മൂടിതന്നെയിരുന്നിരുന്നു…

 

“അമ്മൂ…. നീ ഇപ്പോൾ വണ്ടി ഓടിക്കണ്ട.. ഞാൻ ഓടിച്ചോളാം…. നിന്റെ കൈ വയ്യാത്തതല്ലേ… ”

 

അവൾ അതിനും മറുപടി കൊടുക്കാതെ ഹെൽമറ്റ് എടുത്തു തലയിൽ വച്ചു വണ്ടി നേരെയാക്കി സ്റ്റാൻഡും തട്ടി  കീ ക്ക് വേണ്ടി നന്ദന് നേരെ  കൈനീട്ടി…….

 

ഇനി പറഞ്ഞിട്ട് കാര്യം ഇല്ല എന്ന് മനസിലാക്കിയ നന്ദൻ കീ അവൾക്ക് കൊടുത്തു…

 

ആര്യ, പതിവിനു വിപരീതമായി പതിയെ ആണ് ഓടിച്ചത്.ഇടതു കൈ അവൾ ഇടയ്ക്കിടയ്ക്ക് വേദനിക്കും പോലെ കുടഞ്ഞു കൊണ്ടിരുന്നു.

ഇടക്കെല്ലാം നന്ദൻ സംസാരിക്കാൻ ശ്രമിച്ചുവെങ്കിലും ഒന്നോ രണ്ടോ മൂളലിൽ അവൾ മറുപടി ഒതുക്കി….

അവളുടെ മനസ്സ് ഇവിടെങ്ങും അല്ല എന്ന് മനസിലായ നന്ദൻ പിന്നീടൊന്നും ചോദിച്ചില്ല.

നന്ദന്റെ വീട്ടിൽ വണ്ടി വച്ചിട്ട്, കീ വണ്ടിയിൽ തന്നെയിട്ട് അവൾ തിരിഞ്ഞു നടന്നു..

 

അവളുടെ പോക്ക് നോക്കി കുറച്ചു നേരം നിന്ന നന്ദൻ…… വീട്ടിലേക്ക് കയറി.

 

*******

 

 

പിറ്റേന്ന് നന്ദൻ, പ്രിയയോട് പറഞ്ഞത് പോലെ അച്ഛന്റെ കയ്യിൽ നമ്പർ കൊടുത്തിട്ട്, പ്രിയയുടെ വീട്ടിൽ വിളിപ്പിച്ചു……

 

“അവർ എന്ത് പറഞ്ഞു അച്ഛാ…?? ”

നന്ദൻ തെല്ലൊരു ഉദ്വെഗത്തോടെ ചോദിച്ചു..