നിഴലായ് അരികെ -8 [ചെമ്പരത്തി] 368

 

“നന്ദൂട്ടി…. എന്റെ മോളായിട്ട്, നന്ദൂട്ടന്റെ കൂടെ ഈ വീട്ടിൽ ഉണ്ടാകണം എന്നായിരുന്നു എന്റെ ആഗ്രഹം…. അതിനു വേണ്ടിയാണു ഞാൻ പ്രാർത്ഥിച്ചു കൊണ്ടിരുന്നത്…. പക്ഷെ ഭഗവാൻ എന്റെ പ്രാർത്ഥന കേട്ടില്ല……. ”

വസുന്ധരാമ്മ പറഞ്ഞുകൊണ്ട് നിറഞ്ഞു വന്ന കണ്ണുകൾ തുടച്ചു…

 

“എല്ലാവരുടെയും ആഗ്രഹം അങ്ങിനെ ആയിരുന്നു. പക്ഷെ അതവർ മാത്രം അറിഞ്ഞില്ല…. ഇനീപ്പോ അതോർത്തു കരഞ്ഞിട്ടെന്തു കാര്യം…. അവരുടെ ഇഷ്ടം പോലെ ആകട്ടെ……നന്ദൂട്ടൻ എവിടെ??   അവനോടു, ആ സാറിന്റെ ഫോട്ടോ ഉണ്ടെങ്കിൽ ഒന്നു ഫിലിപ്പിന്റെ ഫോണിലേക്കു അയച്ചു കൊടുക്കാൻ പറഞ്ഞിരുന്നു….. ”

 

“അവൻ മുകളിൽ ഉണ്ട്… ആരോ വിളിച്ചിരുന്നു…. അവരോട് സംസാരിച്ചു കൊണ്ട് പോയതാ….. ”

 

****

 

പിറ്റേന്ന്  പ്രകാശും ഫിലിപ്പും കൂടി പ്രിയയുടെ വീട്ടിൽ പോയി….. വൈകുന്നേരം ആയപ്പോഴേക്കും തിരിച്ചെത്തി…രണ്ടു പേരുടെയും മുഖത്തു ഒരു തെളിച്ചം ഉണ്ടായിരുന്നില്ല..

ആര്യയും റോബിനും ഒഴികെ എല്ലാവരും നന്ദന്റെ വീട്ടിൽ ഒത്തുകൂടി….

 

“അമ്മു എവിടെ മമ്മി?? ….”

നന്ദൻ എമിലിയോട് ചോദിച്ചു.

 

“അവൾ കൂട്ടുകാരെ ആരെയോ കാണാൻ ഉണ്ടെന്നു പറഞ്ഞു പോയതാ…… ”

 

നന്ദന്റെ കണ്ണുകൾ ഒന്നു ചുരുങ്ങി….

“മ്മ്മ്…..”

അവൻ ഗൗരവത്തിൽ ഒന്ന് മൂളിക്കൊണ്ട് തലയാട്ടി.

 

“പോയിട്ടെന്തായി…. ”

ചോദിച്ചത് വസുന്ധരാമ്മ ആയിരുന്നു…

 

“അത്…….. അത് നമുക്ക് യോജിക്കുന്നതല്ല.  വസൂ……..”

പ്രകാശ് ആണ് പറഞ്ഞത്…പിന്നെ തിരിഞ്ഞു നന്ദനോട് പറഞ്ഞു…

“അത് നമുക്ക് വേണ്ട മോനെ…. ”

 

“എന്ത് കൊണ്ട്??….അത് പറഞ്ഞില്ലല്ലോ അച്ഛൻ……”