നിഴലായ് അരികെ -8 [ചെമ്പരത്തി] 368

 

“അത്…. മിസ്സ്‌…. ഞങ്ങൾ ഇവിടൊരു കൂട്ടുകാരിയെ കാണാൻ വന്നതാ… അപ്പോൾ അവൾ പറഞ്ഞു, നന്ദൻ സാറിന്റെ വീടിതാണെന്നു.  അങ്ങനെ കയറിയതാ….”നിരഞ്ജന പെട്ടന്ന് പറഞ്ഞു…

 

 

“മ്മ്മ്…. ശരി….. ”

ആര്യ, പ്രിയയെ ഒന്നു നോക്കി തലയാട്ടിയിട്ട് തിരിഞ്ഞു നടന്നു..

 

“ഭാഗ്യം നമ്മൾ പറഞ്ഞതൊന്നും മിസ്സ്‌ കേട്ടില്ല എന്ന് തോന്നുന്നു…..അടുത്ത പണി വരുന്നതിനു മുൻപ് പോകാം… ”

നിരഞ്ജന, പ്രിയയെ വിളിച്ചു വേഗം മുൻപോട്ട് പോയി.

 

 

 

വൈകുന്നേരം എല്ലാവരും ആര്യയുടെ വീട്ടിൽ ഒത്തുകൂടി…

 

 

 

 

“നന്ദൂട്ടീ….. മോളുടെ കൈക്ക് എങ്ങനുണ്ട്??”

വസുന്ധരാമ്മ ആര്യയോട് ചോദിച്ചു……

 

“വലിയ പ്രശ്നം ഒന്നുമില്ലമ്മേ…….. പിന്നെ നന്നായിട്ടു വഴങ്ങി കിട്ടുന്നില്ല…. ”

 

” അത് കുറച്ചു ദിവസം കഴിയണം നന്ദൂട്ടി. നല്ലപോലെ ചുരുക്കുകയും നിവർത്തുകയും ചെയ്താൽ മതിയാകും….. പിന്നുണ്ടല്ലോ …………കുറച്ചു മുൻപ് ആ പെങ്കൊച്ചിന്റെ വീട്ടുകാർ വിളിച്ചിരുന്നു…. അവർക്കു പ്രശ്നം ഒന്നുമില്ല…. ഈ ആലോചനയുമായി മുന്പോട്ട് പോകാം എന്നാണ് അവർ പറയുന്നേ…..അടുത്ത ഞായറാഴ്ച അവർ ഇങ്ങോട്ട് വന്നാലോ എന്ന് ചോദിച്ചു ……”  പ്രകാശ് എല്ലാവരോടും ആയി പറഞ്ഞു നിർത്തി

 

നന്ദന്റെ ഒഴികെ മറ്റാരുടെയും മുഖത്തു,  നന്ദൻ പ്രതീക്ഷിച്ചൊരു തെളിച്ചം ഉണ്ടായില്ല…

 

“എടിപിടീന്ന് ചാടിപിടിച്ചു വേണോ?????….. നല്ലപോലെ ആലോചിച്ചു നോക്കീട്ടു പോരെ നന്ദൂട്ടാ?? ”

വസുന്ധരാമ്മ അപേക്ഷാഭാവത്തിൽ നന്ദന്റെ മുഖത്തേക്ക് നോക്കി….

 

“ഇനീപ്പോ എന്ത് ആലോചിക്കാനാ അമ്മേ……എനിക്ക് ആ കുട്ടിയെ ഇഷ്ടം ആണ് അത്ര തന്നെ…. പിന്നെ ഞാൻ  അത്രക്ക് കുഞ്ഞ് ഒന്നും അല്ലല്ലോ….സ്വന്തമായിട്ടു ഒരു തീരുമാനം എടുക്കാൻ പറ്റാതിരിക്കാൻ.. ”

 

 

“അതിന്റെ പേരിൽ നിങ്ങൾ തമ്മിൽ ഒരു തർക്കം വേണ്ട….. നന്ദൂട്ടന്റെ ഇഷ്ടം അതാണെങ്കിൽ അങ്ങനെ തന്നെ നടക്കട്ടെ……”അത്രയും നേരം മിണ്ടാതിരുന്ന ഫിലിപ്പ് അവസാന തീരുമാനം പോലെ പറഞ്ഞു.