നിഴലായ് അരികെ -8 [ചെമ്പരത്തി] 368

തിരയെണ്ണിക്കൊണ്ട് തന്റെ കയ്യിലുള്ള ഐസ്ക്രീമിന്റെ പേപ്പർ പതിയെ പൊട്ടിച്ചു. വായിലേക്കടുപ്പിച്ചതും കയ്യിലൊരു പിടി വീണു..

നോക്കിയപ്പോൾ ആര്യ, അവളുടെ ഐസ്ക്രീം തീർത്തിട്ട് അടുത്തതിനു കൈ നീട്ടുന്നു…

കണ്ണു മിഴിച്ച നന്ദൻ, ഒരു ചെറുചിരിയോടെ കയ്യിലിരുന്ന ഐസ്ക്രീം അവൾക്ക് കൊടുത്തു… എങ്കിലും കണ്ണ് ഐസ്ക്രീം വണ്ടിയിൽ തന്നെയാണെന്ന് കണ്ട നന്ദൻ കുസൃതിയോടെ  ചോദിച്ചു…

 

“ഇനീം വേണോ അമ്മൂസെ…?? ”

 

“ഉം….. “അവൾ വേണമെന്ന് തലയാട്ടി.

 

“തൊണ്ടവേദന വരും പെണ്ണെ……”

 

“സാരമില്ല… ഞാൻ സഹിച്ചു… ”

 

“ആ……. നിനക്കതു പറയാം ഞാൻ കാരണം ആണ് പനി വന്നത് എന്നും പറഞ്ഞു അമ്മയും അച്ഛനും കൂടി എന്നെ പറയാത്തത് ഒന്നുമില്ല… ”

 

“കണക്കായിപ്പോയി…..”

 

അവൾ തിരിഞ്ഞിരുന്നു. കുറച്ചു സമയത്തെ നിശ്ശബ്ദതക്കു ശേഷം അവൾ പറഞ്ഞു

“അല്ലെങ്കിലും എന്നെ പറയാൻ സമ്മതിക്കാനോ, പറയുന്നത് കേൾക്കാനോ നിനക്കു പറ്റില്ലല്ലോ…..”

 

മറുപടി കിട്ടാഞ്ഞപ്പോൾ അവൾ തിരിഞ്ഞു നോക്കി.പക്ഷെ നന്ദൻ അപ്പോഴേക്കും ഐസ്ക്രീം വില്പനക്കാരന്റെ അടുത്തെത്തിയിരുന്നു….

 

“ഓ…… പോയോ അപ്പോഴേക്കും……”

 

കുറച്ചു സമയത്തിനുള്ളിൽ നന്ദൻ തിരിച്ചെത്തി, രണ്ടു കോൺ ഐസ്ക്രീമുമായിട്ട്.

ഒന്ന് ആര്യയ്ക്ക് കൊടുത്തിട്ട് നന്ദൻ അവിടിരുന്നു…

വീണ്ടും കുറച്ചു നിമിഷത്തെ നിശ്ശബ്ദതതക്ക് ശേഷം നന്ദൻ അവളോട് പറഞ്ഞു

 

“അമ്മൂ… എനിക്ക് നിന്നോടൊരു കാര്യം പറയാനുണ്ട്……………… ഇത്രയും നാൾ നിന്നോട് പറയാൻ പറ്റിയ സാഹചര്യം ആയിരുന്നില്ലല്ലോ  എന്റേത്….ആ കത്തുകളുടെ മുകളിൽ ഉള്ള ടെൻഷൻ അല്ലായിരുന്നോ……ഇനിയെങ്കിലും നിന്നോട് പറയണം…. എന്തായിരുന്നാൽ തന്നെയും അതിന്റെ മറുപടിയും തരണം എനിക്ക്…”