നിഴലായ് അരികെ -8 [ചെമ്പരത്തി] 368

“അവർ നമ്മളെക്കഴിഞ്ഞും സാമ്പത്തീകം ഉള്ളവർ ആണ്….. പക്ഷെ വിവരവും സംസ്കാരവും  വളരെ കുറവാണെന്നു സംസാരിച്ചപ്പോൾ മനസിലായി…. ചെന്നപ്പോൾ തന്നെ അവർ ഞങ്ങളോട് പറഞ്ഞത്..അവരുടെ കുട്ടിയെ, അവരെക്കഴിഞ്ഞും സാമ്പത്തീകസ്ഥിതി കുറഞ്ഞ ഒരു കോളേജ് വാദ്ധ്യാരെ കൊണ്ട് കെട്ടിക്കാൻ തീരെ താല്പര്യം ഉണ്ടായിട്ടല്ല, പിന്നെ ആ കൊച്ചിന്റെ നിർബന്ധം കാരണം ആണ്‌ ഈ ബന്ധത്തിന് സമ്മതം മൂളുന്നത് എന്നാണ്…..നമുക്കിത് വേണ്ട നന്ദൂട്ടാ…”

പറഞ്ഞത് ഫിലിപ്പ് ആണ്…

“ഞാൻ വിവാഹം കഴിക്കാൻ ആഗ്രഹിച്ചത് അവളെ ആണ്…. അല്ലാതെ വീട്ടുകാരെയോ സമ്പത്തോ അല്ല….. നടക്കുവാണെങ്കിൽ ഇതേ നടക്കൂ……”

പറഞ്ഞിട്ട് നന്ദൻ എണീറ്റ് പുറത്തേക്കു നടന്നു. വാതിൽ തുറന്ന നന്ദൻ പെട്ടന്ന്  ഞെട്ടി നിന്നു……….

മുന്നിൽ നിൽക്കുന്ന പ്രിയയെയും നിരഞ്ജനയെയും  കണ്ടു നന്ദൻ എന്ത് ചെയ്യണം എന്നറിയാതെ ഒരു നിമിഷം നിന്നു… പെട്ടന്ന് സമനില വീണ്ടെടുത്ത് അവരോടായി ചോദിച്ചു…

“നിങ്ങൾ എന്താ ഇവിടെ ?? ”

പ്രിയയും, നിരഞ്ജനയും ഒന്ന് പരസ്പരം നോക്കി…

“നന്ദേട്ടാ…… ഞങ്ങൾ…. അത്…. ആ.. അനുമോളെ കാണാൻ വന്നതാണ്…അപ്പോൾ അവളാണ് പറഞ്ഞത്… വീടിവിടാണെന്നു…..”

പ്രിയ പെട്ടന്ന് പറഞ്ഞു..

നന്ദന്റെ മുഖം ഒന്ന് ചുളിഞ്ഞു…

“പ്രിയാ…….നീയെന്താ നന്ദേട്ടൻ എന്ന് വിളിക്കുന്നത് .. അങ്ങനെ അല്ലല്ലോ നീ വിളിച്ചിരുന്നത്…????? ”

പ്രിയയുടെ കൈ നിരഞ്ജനയുടെ കയ്യിൽ മുറുകി…  മുഖത്തു  ചെറിയൊരു നടുക്കം മിന്നി മറഞ്ഞു.എങ്കിലും അത് സമർഥമായി  ഒളിപ്പിച്ചു അവൾ പറഞ്ഞു…..