നിഴലായ് അരികെ -8 [ചെമ്പരത്തി] 368

ആര്യ ചെറിയൊരു പകപ്പോടെ നന്ദനെ നോക്കി….

ന്താണാവോ സാറിനു പറയാനുള്ളത്??? ”

അവൾ ചോദ്യത്തിൽ ചെറിയൊരു പുച്ഛം കലർത്തി….

 

“അമ്മൂ…. പ്രിയയുടെ കാര്യം നിനക്കറിയാമല്ലോ…..  അച്ഛനെയും പപ്പയെയും അവളുടെ വീട്ടുകാരുമായി സംസാരിക്കാൻ വിടണം എന്നോർത്ത് ഇരിക്കുകയായിരുന്നു.അതിനിടയിൽ ആണ്  നിന്റെ ആക്‌സിഡന്റ്…. പിന്നൊന്നും നടന്നില്ല… ”

 

ആര്യ നന്ദനെ ഒന്നു തുറിച്ചു നോക്കി…

 

“സോറിടീ……എന്ത് പറ്റിതാണെന്നു ഞാൻ ഇത് വരെ ചോദിച്ചില്ല… അതെങ്ങനെ ആക്‌സിഡന്റ് കഴിഞ്ഞപ്പോൾ മുതൽ മോന്തേം വീർപ്പിച്ചു ഇരുപ്പല്ലായിരുന്നോ…..അന്ന് എന്ത് പറ്റിയതാ നിനക്ക്???? ”

 

“ഇത്രയും നാൾ,  ഞാൻ മിണ്ടാതിരുന്നാലും, നീ എന്നോട് വന്നു മിണ്ടുമായിരുന്നല്ലോ നന്ദാ…. ഏറിപ്പോയാൽ രണ്ടു ദിവസം…..അതിൽ കൂടുതൽ നമ്മൾ തമ്മിൽ പിണങ്ങിയിരുന്നിട്ടില്ല… ഞാൻ മിണ്ടാതെ ഇരുന്നാലും നീ സമ്മതിക്കാറില്ലായിരുന്നു……ഒരു പെൺകുട്ടിയുടെ കത്ത് കിട്ടിയപ്പോഴേക്കും നിനക്ക് ഞാൻ അന്യയായോ???….????”

അവളുടെ ശബ്ദം ഇടറിപ്പൊട്ടി….

“പിന്നെ പ്രിയ.. അവൾ നിനക്ക് ചേരില്ല നന്ദാ… അവളുടെ കത്ത്……… ”

 

“അമ്മൂ മതി…..”

നന്ദൻ ഒച്ചയുയർത്തി,  അവളെ പൂർത്തിയാക്കാൻ അനുവദിക്കാതെ തടഞ്ഞു.

 

“നന്ദാ…. ഞാൻ…….”

 

“വേണ്ട അമ്മൂ……. ”

നന്ദന്റെ സ്വരം കടുത്തു.

“അവളെക്കുറിച്ചു ഏറെക്കുറെ എനിക്കറിയാം…നിനക്ക് അവളോട് എന്തോ ദേഷ്യം ഉണ്ടെന്നും എനിക്ക് മനസ്സിലാകുന്നുണ്ട്…..പിന്നെ അതിനെ കുറിച്ച് പറയാൻ അല്ല നിന്നെ ഞാൻ ഇവിടേയ്ക്ക് കൂട്ടിക്കൊണ്ട് വന്നത്….”