നിഴലായ് അരികെ -8 [ചെമ്പരത്തി] 368

 

 

 

 

*******

 

 

ഞായറാഴ്ച പ്രിയയുടെ വീട്ടുകാർ വന്നു….ഏറെക്കുറെ എല്ലാവർക്കും  നന്ദന്റെ വീടും ചുറ്റുപാടും ഇഷ്ടപ്പെട്ടു….

 

രണ്ടു ദിവസം കഴിഞ്ഞിട്ട്  നന്ദന്റെയും, ആര്യയുടെയും വീട്ടുകാർ പ്രിയയുടെ വീട് കാണാൻ പോയി….

ആര്യ, ക്ലാസ്സ് ഉണ്ടെന്നു പറഞ്ഞു പോക്ക് ഒഴിവാക്കി…

ഒരാഴ്ചക്ക് ശേഷം കല്യാണം ഉറപ്പിച്ചു മോതിരം മാറ്റം നടത്തി….

 

വെക്കേഷന് കല്യാണം നടത്താം എന്ന് എല്ലാവരും കൂടി തീരുമാനിച്ചു….

 

മറ്റുള്ളവരുടെയെല്ലാം മുഖം തെളിഞ്ഞില്ലെൻകിലും നന്ദനും പ്രിയയും ഹാപ്പി ആയിരുന്നു….കോളേജിലും കുറെപ്പേരൊക്കെ  അവരുടെ വിവാഹനിശ്ചയത്തിന്റെ കാര്യം അറിഞ്ഞുതുടങ്ങി    എങ്കിലും നന്ദന്റെ മനസ്സിൽ,  ആര്യയുടെ ശീത സമരത്തിന്റെ കാരണം അറിയാത്തതു കൊണ്ട്,  ഒരു നെരിപ്പോട് എരിഞ്ഞുകൊണ്ടിരുന്നു ….

 

 

രണ്ടാഴ്ചക്ക് ശേഷം നന്ദൻ, ബോബിയുടെ ആലോചന മുൻപോട്ട് കൊണ്ടുപോകാൻ ഫിലിപ്പ് നോട്‌ പറഞ്ഞു….

ബോബിയുടെ ഫോട്ടോ കണ്ട് എല്ലാവർക്കും ഇഷ്ടപ്പെട്ടത് കൊണ്ട്, നാളെ,  ഞായറാഴ്ച വീട്ടുകാരെയും കൂട്ടി ആര്യയെ പെണ്ണുകാണാൻ എത്താൻ ബോബിയെ അറിയിച്ചു…

ആര്യയോട്, നാളെ ഒരു കൂട്ടർ കാണാൻ വരുന്നുണ്ട് എന്ന് പറഞ്ഞിരുന്നു എങ്കിലും ആരാണെന്നു പറഞ്ഞില്ല….

 

പക്ഷെ അവൾ വസുന്ധരമ്മയെ സോപ്പിട്ടു ആരാണ് വരുന്നതെന്ന് അറിഞ്ഞു…..

 

അന്ന് വൈകുന്നേരം ആര്യയുടെ കാൾ നന്ദനെ തേടിയെത്തി…..

 

“നന്ദാ……നീ എവിടാ….? ”

 

“അമ്മൂസെ…….. ഞാൻ കുറച്ചു ദൂരെ ആണ്…..എന്തെ???? ”

 

എനിക്കൊന്നു കാണണം നിന്നെ…. ഒരു കാര്യം പറയാനുണ്ട്…..ഞാൻ  ബീച്ചിൽ ഉണ്ടാകും…… ”

 

“അമ്മൂ…… എടാ എനിക്കിന്ന് അർജെന്റ് ആയിട്ട് ഒരു സ്ഥലം വരെ പോകാനുണ്ട്….നീ പറഞ്ഞോ ഇപ്പോൾ..ഞാൻ കേട്ടോളാം…. ”

 

“പറ്റില്ല ഫോണിൽ കൂടി പറയാൻ പറ്റുന്ന കാര്യം അല്ല… ”

 

“എന്നാൽ നമുക്ക് നാളെ കണ്ടാൽ പോരെ…??? “