നിഴലായ് അരികെ -8 [ചെമ്പരത്തി] 369

 

“മ്മ്മ്….. വീട്ടിൽ…..??? ”

 

“കൂട്ടുകാരിയെ കാണാൻ എന്ന് പറഞ്ഞു……. ”

 

“മ്മ്….താൻ അത്രയ്ക്ക് പാവം ഒന്നും   അല്ലാ ല്ലേ…??”

 

“എനിക്കൊന്നു കാണണം എന്ന് തോന്നിയത്  കൊണ്ടാ……”

പ്രിയ തല കുനിച്ചു.

 

“ദാ മക്കളെ ചായ……”

വസുന്ധരാമ്മ അപ്പോഴേക്കും ചായയുമായെത്തി.

പ്രിയ വേഗം എഴുന്നേറ്റു ചായ മേടിച്ചു നന്ദനും, നിരഞ്ജനക്കും കൊടുത്തു ഒന്ന് അവളും എടുത്തു.

 

“അമ്മക്ക്…???”

 

“ഞാൻ… ചായകുടി കുറവാണ് കുട്ട്യേ…..ഇവർക്കേ ഇങ്ങനെ ഇടയ്ക്കിടയ്ക്ക് വേണ്ടൂ… ”

 

 

കുറച്ചു നേരം ഇരുന്നു സംസാരിച്ചതിന് ശേഷം അവർ പോകാനിറങ്ങി…

 

ഗേറ്റ് കടന്നതും ആര്യയുടെ വണ്ടി  അവരെ മറികടന്നു മുറ്റത്തേക്ക്  കയറി…

 

“ഓ……വന്നോ വേതാളം….???”

പ്രിയയുടെ മുഖം ഇരുണ്ടു….

 

“നിനക്കെന്താ പ്രിയാ ആര്യമിസ്സിനോട് ഇത്രയ്ക്കു ദേഷ്യം????……അത് പോലെ നിന്നെക്കഴിഞ്ഞും സാമ്പത്തീക സ്ഥിതി കുറഞ്ഞ ഒരിടത്തേക്ക് പോകാൻ നിനക്കെന്താ വട്ടാണോ..??? ”

 

 

“ഹ്മ്മ്…..”

അവൾ പുച്ഛത്തിൽ ഒന്ന് മുഖം കോട്ടി.

 

“നീ ഓർക്കുന്നുണ്ടോ നിരഞ്ജനാ….. രണ്ടു വർഷം മുൻപ് നമ്മൾ മേലോത്തുംകുന്ന് ക്ഷേത്രത്തിൽ ഉത്സവത്തിനു പോയത്…രാത്രി ഗാനമേളയൊക്കെ ഉണ്ടായിരുന്നത്…. ??

 

“പിന്നെ…….. അന്നല്ലേ ഗാനമേളക്കിടക്ക്… ഏതോ ഒരു ഗ്ലാമർ ചേട്ടനെ തട്ടി താഴെ ഇട്ടതിനു അങ്ങേരുടെ ഭാര്യ എന്റെ മോന്തക്കിട്ട് പൊട്ടിച്ചത്…. ”

 

“അപ്പൊ നീ മറന്നിട്ടില്ല അല്ലെ…???  ???