നിഴലായ് അരികെ 8

Author : ചെമ്പരത്തി

[ Previous Part ]

 

 

നീയെന്തിനാ പ്രിയാ ഇങ്ങനെ ദേഷ്യപ്പെടുന്നെ???..

നിരഞ്ജന പതിയെ കൈ വിടീച്ചുകൊണ്ട് പ്രിയയോട് ചോദിച്ചു.

 

“പിന്നെ???…. “ആ ചോദ്യം ഇഷ്ടപ്പെടാത്ത രീതിയിൽ ഒന്നു തുറിച്ചു  നോക്കിയിട്ട് പ്രിയ ചോദിച്ചു…. “നന്ദേട്ടൻ  വേറൊരുത്തിയെ ബൈക്കിൽ കയറ്റി കൊണ്ട് പോകുന്നത് കണ്ടു ഞാൻ പിന്നെ സന്തോഷിക്കണോ???? ”

നിരഞ്ജന കണ്ണു മിഴിച്ചു.

“നന്ദേട്ടനോ???? “?”അതെപ്പോ തൊട്ട്?? ”

 

“ആ… അതെന്നെ കെട്ടിക്കോളം എന്ന് പറഞ്ഞപ്പോൾ തൊട്ട്……. ”

 

“അതിനു അങ്ങേരു നിന്നെ കെട്ടിക്കോളാം എന്ന് പറഞ്ഞില്ലല്ലോ ?വീട്ടിൽ വന്നു ആലോചിക്കാം എന്നല്ലേ പറഞ്ഞുള്ളൂ…… ”

 

“ആ… അതുമതി…..എന്നെ ഇഷ്ടമാണല്ലോ….  പിന്നെ എന്റെ  വീട്ടുകാർ സമ്മതിക്കുമോ എന്നെ ഒരു സംശയം ഉള്ളൂ  ”

 

“അതെന്താ….???? ”

 

“എടീ മണ്ടൂസേ…..നിരഞ്ജനക്കുട്ടീ….. നന്ദേട്ടന്റെ  സാമ്പത്തീക സ്ഥിതി എന്റെ വീട്ടിലെത്തിക്കഴിഞ്ഞും കുറവാണ്…. അതുകൊണ്ട് തന്നെ. പക്ഷെ ഞാൻ എങ്ങിനെ എങ്കിലും അച്ഛനെയും അമ്മയെയും വീട്ടുകാരെയും  സമ്മതിപ്പിക്കും നോക്കിക്കോ… ”

 

“അതൊക്കെ പോട്ടെ…..നീ എന്തിനാ ദേഷ്യപ്പെട്ടതു എന്ന് പറ???  ആര്യ മിസ്സ്‌, സാറിന്റെ ഏറ്റവും അടുത്ത കൂട്ടുകാരി ആണെന്ന് ഈ കോളേജിൽ എല്ലാവർക്കും അറിയാം…. അവർ പോക്കും വരവും എല്ലാം  ഒന്നിച്ചു തന്നെ ആണ്… അത് ഇന്നാദ്യമായിട്ടല്ല… പിന്നെ നീ എന്തിനാണ് ദേഷ്യപ്പെടുന്നത്?? ”

 

“എനിക്കിഷ്ടമല്ല….. എന്റെ നന്ദേട്ടൻ വേറൊരുത്തിയുടെ കൂടെ നടക്കുന്നത്…… കല്യാണക്കാര്യം ഒരു  തീരുമാനം ആകട്ടെ….. ഒന്നിച്ചുള്ള വരവും പോക്കും ഞാൻ നിർത്തും…. ഒട്ടിപ്പിടിച്ചു പോണത് കണ്ടില്ലേ…. നാണമില്ലേ അവൾക്കു??? മറ്റൊരു പെണ്ണിനെ ഇഷ്ടമാണെന്നു പറഞ്ഞു അവളെ കെട്ടാൻ പോകുന്ന ആളുടെ കൂടെ നടക്കാൻ…..” ???

 

“നീ എന്തൊക്കെയാ പ്രിയാ ഈ പറയുന്നേ????