നിഴലായ് അരികെ -12 [ചെമ്പരത്തി] 378

പണ്ട് ഇവളുടെ പപ്പയും മമ്മിയും ഞങ്ങൾക്ക് തന്നൊരു വാക്ക് ഉണ്ട്….. ഒരിക്കലും അവളെ ഞങ്ങളിൽ നിന്നു പിരിക്കില്ല എന്ന്….. അത് കൊണ്ട് തന്നെ ആണ്  ഞങ്ങൾ ഒരു തീരുമാനം എടുത്തത്………. ”

ഒന്ന് നിർത്തിയതിനു ശേഷം അവർ തുടർന്നു…

“നീ……. നിന്റെയും നന്ദൂട്ടിടെയും കല്യാണം ഞങ്ങൾ എല്ലാവരും കൂടി  ഉറപ്പിച്ചു….. അടുത്ത മാസം അവസാനത്തേക്കു…. ഡേറ്റ് നിങ്ങളോടും കൂടി ആലോചിച്ചു ഫിക്സ് ചെയ്യാം എന്ന് കരുതി…. പിന്നെ ഈ കല്യാണത്തിന് എതിര് പറയാൻ ആണ് നോക്കുന്നതെങ്കിൽ അച്ഛൻ പറഞ്ഞത് പോലെ…… പിന്നെ നീ ഞങ്ങളെ ജീവനോടെ  കാണില്ല…… സത്യം.. ”

പറഞ്ഞു നിർത്തിയപ്പോഴേക്കും അവരെ വിറക്കാൻ തുടങ്ങിയിരുന്നു….

തിരിച്ചൊന്നും പറയാനാകാതെ നന്ദൻ ആകെ വിറങ്ങലിച്ചു നിന്നു….

പടക്കളത്തിൽ നിരായുധൻ ആക്കപ്പെട്ടവനെ പോലെ…….

കുറെ നേരം അവിടെ തലകുനിച്ചു ഇരുന്ന നന്ദന്റെ കണ്ണുകൾ ചുവന്നു നീറാൻ തുടങ്ങിയിരുന്നു…..

കുറെ നേരം ആരും ഒന്നും മിണ്ടിയില്ല….

തല കുനിച്ചിരുന്ന അവൻ  പെട്ടന്ന് എന്തോ ഓർത്തപോലെ പെട്ടന്ന് തലയുയർത്തി…. ചെറിയൊരു തെളിച്ചം അവന്റെ മുഖത്തു മിന്നി മാഞ്ഞു….

“അത് നിങ്ങൾ എല്ലാവരും കൂടെ തീരുമാനിച്ചാൽ പോരല്ലോ…… അവളുടെ കൂടി  ജീവിതം  അല്ലെ അപ്പോൾ അവൾ അല്ലെ തീരുമാനം എടുക്കേണ്ടത്…… ”

ഒരു വെല്ലുവിളി പോലെ അവൻ എല്ലാവരെയും നോക്കി…

അവൻ,  സ്റെപ്പിനരികെ ഭിത്തിയിൽ ചാരി നിന്നിരുന്ന ആര്യയ്ക്ക് നേരെ തിരിഞ്ഞു….

“പറഞ്ഞു കൊടുക്ക് അമ്മൂ…..ഇവർക്ക്…. ഞാൻ നിന്റെ ബെസ്റ്റ് ഫ്രണ്ട് ആണെന്ന്….. മറ്റൊന്നും നമ്മൾ തമ്മിലില്ല എന്ന്…. നിനക്ക് എന്നെ കല്യാണം കഴിക്കാൻ കഴിയില്ല എന്ന്…..പറഞ്ഞു കൊടുക്ക്‌………