നിയോഗം 2 Dark World Part X (മാലാഖയുടെ കാമുകൻ) 1554

അതൊന്നു വട്ടം കറങ്ങിയപ്പോൾ ഭൂമിയുടെ മറുവശത്തു ചന്ദ്രന്റെ ഒരു ഭാഗം ഞാൻ കണ്ടു…

“വാ..”

ട്രിനിറ്റി എന്നെയും കൈ പിടിച്ചു കൊണ്ടുപോയി വേറെ വാതിലുകൾ തുറന്നു അന്ന് വന്ന സ്പേസ് ഷിപ്പിൽ കയറി..

അത് പോലെ കുറച്ചു സ്പേസ് ഷിപ് ഉണ്ട് ഈ വലിയ മദർ ഷിപ്പിൽ. ഒരു കപ്പലിൽ ലൈഫ് ബോട്ടുകൾ പോലെ..

ഒപ്പം വേറെ ഒരാൾ കൂടി കയറി..

അവളുടെ പേര് മെല്ലിറ്റ എന്നാണ്. ട്രിനിറ്റിയെ പോലെ നീല കണ്ണുകൾ ഉള്ള ഒരു സുന്ദരി.. അവൾ ആണ് സ്പേസ് ട്രാവൽ മൊത്തം നിയന്ദ്രിക്കുന്നത്..

അവൾ മുൻപിൽ ഇരുന്നു സ്പേസ് ഷിപ് മദർ ഷിപ്പിൽ നിന്നും റിലീസ് ചെയ്തു..

“ട്രിനിറ്റി..? ഇത് ഭൂമിയിലേക്ക് ഇറങ്ങുമ്പോൾ സാറ്റലൈറ്റ്, അല്ലെങ്കിൽ റഡാർ അങ്ങനെ വല്ല മനുഷ്യ നിർമിത ടെക്നോളജി ഈ ഷിപ്പിനെ കാണുമോ?”

എന്റെ സംശയം ഞാൻ ഉടനെ ചോദിച്ചു..

“ഇല്ല റോഷൻ.. ഇതിൽ സ്റ്റെൽത് മോഡ് ഉണ്ട്..

ഒന്നിനും ഇത് വരുന്നതോ പോകുന്നതോ അറിയില്ല.. പക്ഷെ നമ്മൾ അന്ന് വന്ന കുന്നിന്റെ അപ്പുറത് ഉള്ള ഒരു വീട്ടിലെ രണ്ടുപേർ ഇത് കണ്ടിരുന്നു.. “

അവൾ പറഞ്ഞു തീർന്ന ഉടനെ ഷിപ് ഭൂമി ലക്ഷ്യം ആക്കി കുതിച്ചിരുന്നു..

ഭൂമിയുടെ അന്തരീക്ഷത്തിൽ അത് ഇടിച്ചു കയറിയപ്പോൾ വല്ലാതെ ചൂട് കൂടി.. ഘർഷണം ഇതിന്റെ മെറ്റൽ നിർമിത ബോഡി ചൂടാക്കിയത് ആണ്..

ഭൂമിയുടെ ഗ്രാവിറ്റി എന്നെ വല്ലാതെ നോവിച്ചു.. എനിക്ക് തല കറങ്ങി.. കണ്ണ് മറിഞ്ഞു പോയി..

“ഹോൾഡ് ഓൺ റോഷൻ.. അത് പതിവ് ആണ്.. കുറച്ചു ശുദ്ധ ജലം കുടിച്ചാൽ മാറിക്കോളും.

റെവൻ അവിടെ ഉണ്ടാകും. അവൾക്ക് സിഗ്നൽ കൊടുത്തിരുന്നു ഞാൻ..”

ട്രിനിറ്റി എന്നെ ചേർത്ത് പിടിച്ചപ്പോൾ എന്റെ ബോധം പകുതി പോയി.. തല പൊട്ടുന്നത് പോലെ..

സ്പേസ് ഷിപ് താഴേക്ക് അതിവേഗത്തിൽ സഞ്ചരിച്ചു ആ കൊച്ചു കുന്നിന്റെ മുകളിൽ ഇറങ്ങി..ഒരു കുലുക്കത്തോടെ അതിന്റെ കാലുകൾ ഭൂമിയിൽ ഉറച്ചു.

ട്രിനിറ്റി എന്നെയും വലിച്ചു പൊക്കി പുറത്തേക്ക് ഉള്ള ഡോർ തുറന്നു..

ഉടനെ ഞാൻ ശർദിച്ചു.. തല പൊട്ടുന്നത് പോലെ.. തലയും പൊത്തി പിടിച്ചു ഞാൻ നിലത്തേക്ക് വീണു.. കണ്ണിൽ മൊത്തം ഇരുളിമ.. എനിക്ക് അലറി കരയാൻ തോന്നി..

“റെവൻ എവിടെ? റോഷന് വെള്ളം അത്യാവശ്യം ആണ്.. “

ട്രിനിറ്റി പകച്ചു ചുറ്റും നോക്കി.. ഡുക്കാട്ടി പാനിഗാലെ അവിടെ തന്നെ ഉണ്ട്.. റെവൻ ഇല്ല..

“ട്രിനിറ്റി.. എന്ത് ചെയ്യും?”

മെല്ലിറ്റ വേവലാതിയോടെ ചോദിച്ചത് ഞാൻകേട്ടു..

ട്രിനിറ്റി ശരവേഗതയിൽ കുന്ന് ഇറങ്ങി ഓടി കാട്ടിലൂടെ പോകുന്നത് ഞാൻ അവ്യക്തമായി കണ്ടു..

***

“മോനെ.. കിണറ്റിൽ വെള്ളം കോരി കളിക്കരുത് എന്ന് പറഞ്ഞിട്ടില്ലേ വാവേ?? അടി കിട്ടും നിനക്ക്..”

അപ്പുറത്തെ കുന്നിന്റെ അടിയിൽ ഉള്ള വീട്ടിലെ ചെറുപ്പക്കാരി പെണ്ണ് വെള്ളം കോരുന്ന ശബ്ദം കേട്ടപ്പോൾ വിളിച്ചു ചോദിച്ചു കൊണ്ട് ഉമ്മറത്തേക്ക് ചെന്നു..