നിയോഗം 2 Dark World Part X (മാലാഖയുടെ കാമുകൻ) 1554

റാണ ഞെട്ടി വിറച്ചു ലിസയെ നോക്കി..

ലിസ ഒരു പുഞ്ചിരിയുമായി നിൽക്കുകയായിരുന്നു.. അവൾ റാണയെ നോക്കി ഒരു കണ്ണ് ഇറുക്കി കാണിച്ചു.. വല്ലാത്ത ഒരു ചിരിയോടെ…

റാണയുടെ മുഖത്തും ഒരു പുഞ്ചിരി വിടർന്നു.

****
രാത്രി 7 മണി. Somewhere Unknown

ട്രിനിറ്റി റെവന്റെ ആരോഗ്യനില നോക്കി അവിടെ നിന്നും തിരിച്ചു വരുകയായിരുന്നു.. റെവന്റെ ഒപ്പം മെല്ലിറ്റ ഉണ്ട്.. റെവൻ ജീവനോടെ ഉള്ളത് വളരെ ഭാഗ്യം ആണെന്ന് അവൾ കരുതി..

അവൾ ഓടിച്ചിരുന്ന കറുത്ത ഡുക്കാട്ടി മോൺസ്റ്റർ 1200 ബൈക്ക് അത്യാവശ്യം നല്ല സ്പീഡിൽ ആയിരുന്നു..

ഒരു കാട്ടുവഴി ആണ്.. അവൾ അല്പം കൂടി സ്പീഡ് കൂട്ടി.. ശോഭ ആയിരുന്നു അവളുടെ ലക്ഷ്യം. റോഷൻ ഡാർക്കിനെ കണ്ടതിന് ശേഷം എന്തായി എന്ന് അറിയില്ല..

അവൾ അത് ചിന്തിച്ചു വണ്ടി പായിച്ചു..

പെട്ടെന്നാണ് റോഡിന്റെ ഒരു വശത്തു നിന്നും ഇരച്ചു കയറി വന്ന മെഴ്‌സിഡസ് ജി വാഗൺ അവളുടെ ബൈക്കിനു നേരെ വന്നത്…

നല്ല സ്പീഡിൽ ആയിരുന്ന ബൈക്ക് അവൾക്ക് നിയന്ദ്രിക്കാൻ ആയില്ല..

ജി വാഗൺ ചാടി വന്നു ബൈക്കിൽ ഇടിച്ചു..വട്ടം കറങ്ങി കുത്തിമറിഞ്ഞ ബൈക്കിൽ നിന്നും ട്രിനിറ്റി തെറിച്ചുപോയി..

വായുവിൽ മലക്കം മറിഞ്ഞ അവൾ പൂച്ചയെപ്പോലെ ഇരുകൈകളും കാലുകളും കുത്തി നിലത്തു നിന്നു തല പൊക്കി നോക്കി… അവൾ ദേഷ്യം കൊണ്ട് ഒന്ന് ചീറ്റി..

ബൈക്ക് പോയി കുറച്ചു ദൂരെ വീണു റോഡിൽ ഉരസി നീങ്ങി നിന്നു..

ജി വാഗൺ അലറി വട്ടം തിരിഞ്ഞു റോഡിൽ നിന്നു.. അതിന്റെ ലൈറ്റുകൾ തെളിഞ്ഞു..

അതിൽ നിന്നും അവൾ ഇറങ്ങി.. ഡാർക്ക് എയ്ഞ്ചൽ..

“ട്രിനിറ്റി..റെവനെ ഞാൻ കൊല്ലാതെ വിട്ടതാണ് പക്ഷെ നിനക്ക് മരിക്കാൻ സമയം ആയി…. “

അവൾ അത് പറഞ്ഞ ശേഷം പുറകിൽ നിന്നും ആറോളം കൂർത്ത കത്തികൾ ഇരുകൈകളുടെയും കൈവിരലിൽ കൊരുത്തു എടുത്ത ശേഷം അലറിക്കൊണ്ട് ട്രിനിറ്റിക്ക് നേരെ ആഞ്ഞു എറിഞ്ഞു…

തുടരും..

സ്നേഹത്തോടെ എം.കെ