നിയോഗം 2 Dark World Part X (മാലാഖയുടെ കാമുകൻ) 1555

ഈ ഫ്ലാറ്റിൽ ഒരാൾ പോലും അവരെ തൊടില്ല റോഷൻ.. അത് ഉറപ്പു തരുന്നു.., പിന്നെ മെറിൻ, ലിസ രണ്ടുപേരും ആപത്തുകളിൽ നിന്നും അവരെ രക്ഷിക്കുന്നും ഉണ്ടല്ലോ…”

അവൾ എന്റെ കൈ പിടിച്ചു..

“ധൈര്യം ഉണ്ടാകണം എന്ന് പറയേണ്ട ആവശ്യം ഇല്ല.. നിനക്ക് മരണത്തെ ഭയം ഇല്ല എന്നെനിക്ക് അറിയാം. അങ്ങനെ ഉള്ളവരെ എളുപ്പത്തിൽ കീഴടക്കാൻ ആകില്ല റോഷൻ.. എന്നാലും നമ്മൾ ആരോടാണ് എതിർക്കുന്നത് എന്ന് ഓർമ വേണം….”

അവൾ പറഞ്ഞപ്പോൾ എനിക്ക് കാര്യമായി ഒന്നും തോന്നിയില്ല.. ഞാൻ കാരണം ആർക്കും ഒന്നും സംഭവിക്കരുത്.. അതാണ് എന്റെ ആവശ്യം..

“മ്മ്മ്.. അപ്പോൾ നാളെ ഞാൻ എപ്പോൾ പോകണം?”

“നന്നായി റസ്റ്റ് എടുത്തു വൈകുന്നേരം പോയാൽ മതി.. അവൾ നിന്റെ പുറകെ വന്നോളും.. “

“ശരി.. സമ്മതം…റെവൻ എവിടെയാണ്? “

“റെവൻ സേഫ് ആണ്.. അതൊന്നും ചിന്തിക്കേണ്ട.. അവളുടെ മനസ്സിൽ ഉള്ളത് അവൾ തന്നെ അത് നിന്നോട് പറയണം.. നിങ്ങളുടെ കൂടിക്കാഴ്ച ആണ് ഇതിന്റെ ഗതി നിയന്ദ്രിക്കുന്നത്.. “

“മ്മ്മ് ഫൈൻ..”

“പോയി വരാം ബേബി.. ഡോണ്ട് വറി.. ഞാനുണ്ട് കൂടെ..സീ യു….”

അവൾ എന്റെ കവിളിൽ ഒന്ന് തലോടിയ ശേഷം ചുണ്ടിൽ ഒരു ഉമ്മ തന്നു.. അതിനു ശേഷം ബാൽക്കണിയുടെ കൈവരി വഴി താഴേക്ക് എടുത്തു ചാടി..

ഞാൻ താഴേക്ക് നോക്കി.. അവൾ നിലത്തു വീണു ഉരുണ്ടു എണീറ്റ് ഓടിപോയി ഇരുളിൽ മറഞ്ഞു..

***

“ഞാൻ മെറിൻ ചേച്ചിയുടെ ഒപ്പം കിടക്കാം..”

കഴിച്ചു കൊണ്ടിരിക്കുമ്പോൾ ആണ് മീനു അത് പറഞ്ഞത്.. ഞാൻ ഒന്നും മിണ്ടിയില്ല.. അർച്ചന ചിരിച്ചു.. മെറിനും..

“ഫസ്റ്റ് നൈറ്റ് വേണ്ടേ പെണ്ണെ?”

മെറിൻ അവളെ നോക്കി ചോദിച്ചു.. അവൾക്ക് നാണം വന്നു..

“പോ അവിടുന്ന്…”

അവൾ തല കുനിച്ചപ്പോൾ എല്ലാവരും പൊട്ടിച്ചിരിച്ചു.. ലിസ ഒരു പുഞ്ചിരിയോടെ അവിടെ ഇരുന്നു..

“ലിസ ആർ യു ഓക്കേ?”

ഞാൻ അവളെ നോക്കി..

“യ ആം ഫൈൻ.. എന്തോ ഒരു… ഹേ ഒന്നും ഇല്ല റോഷൻ…”

അവൾ മെല്ലെ പറഞ്ഞു.. ഉടനെ അവൾ എല്ലാവരുടെയും ഒപ്പം കൂടി തമാശകൾ പറയാൻ തുടങ്ങി..

ഞാൻ എന്തിനാണ് പോയത് എന്ന് അവരോട് പറഞ്ഞിരുന്നു.. എന്നാൽ ഞാൻ വേറെ ഒരു ഗ്രഹത്തിൽ ആയിരുന്നു എന്ന കാര്യം അവർക്ക് ഉൾക്കൊള്ളാൻ ആയില്ല..

***

രാത്രി ഞാൻ നന്നായി ഉറങ്ങി.. രാവിലെ എഴുന്നേറ്റ് ചെന്നപ്പോൾ മെറിൻ പോകാൻ തയാറായി ഇരിക്കുന്നുണ്ട്..

“എസിപി.. സൂക്ഷിക്കണം..”

ഞാൻ അവിടെ ഇരുന്നു കൊണ്ട് പറഞ്ഞു..