നിയോഗം 2 Dark World Part X (മാലാഖയുടെ കാമുകൻ) 1555

“ഞാൻ അടുത്ത് വരുന്നില്ല.. നിന്റെ ധൈര്യം.. നിന്നിലുള്ള ആ അമ്മയുടെ ധൈര്യം എനിക്ക് ഇഷ്ടമായി.. എന്നെ കണ്ട കാര്യം ആരോടും പറയാതെ ഇരിക്കുക.. ആ രത്‌നം വീടിന്റെ കിഴക്കേ മൂലയിൽ കുഴിച്ചിടുക, നിന്റെ ആഗ്രഹങ്ങൾ ഒക്കെ നടക്കും. പൊയ്ക്കോട്ടേ.. പേടിക്കണ്ട… “

ആ ജീവി അതും പറഞ്ഞു ഒരു പ്രേതെക താളത്തിൽ വാലും ആട്ടി നടന്നു മറയുന്നത് ഒരു സ്വപ്നത്തിൽ എന്നവണ്ണം അവൾ നോക്കി നിന്നു..

***

ട്രിനിറ്റി തിരിച്ചു വന്നപ്പോൾ ഞങ്ങൾ സ്പേസ് ഷിപ്പിൽ കയറി… സീറ്റിൽ ഇരുന്നു ലോക്ക് ചെയ്തു.. കാര്യങ്ങൾ വിചാരിച്ചതു പോലെ നടക്കാത്തതിന്റെ ആകുലത ട്രിനിറ്റിക്ക് ഉണ്ടായിരുന്നു.

വല്ലാത്തൊരു ശബ്ദത്തോടെ സ്പേസ്ഷിപ് ആകാശത്തേക്ക് ഉയർന്നു പൊങ്ങി മേഘങ്ങൾക്കിടയിൽ കയറി..

***

അർച്ചനയും മീനുവും ഫ്ലാറ്റിൽ എത്തിയ പുറകെ ലിസയും മെറിനും അവിടെ എത്തി..

അവർ ശോഭയിലേക്ക് കയറിയപ്പോൾ കൈ ഉയർത്തി കാണിച്ചു അപ്പുറത്തു കിടന്നിരുന്ന ആഫ്രിക്കൻ ട്വിൻ ബൈക്കിൽ ഇരുന്ന ആൾ വണ്ടി മുൻപോട്ട് എടുത്തു.. മെറിനും കൈ കാണിച്ചു..

“അവളുടെ കാര്യം വേറെ ആരും അറിയരുത്.. അതങ്ങനെ ഇരിക്കട്ടെ അല്ലെ… “

മെറിൻ ലിസയോട് പറഞ്ഞപ്പോൾ അവൾ സമ്മതിച്ചു..

ഗേറ്റിൽ വണ്ടി നിർത്തി ഇറങ്ങിയപ്പോൾ രണ്ടുപേർ ബൈക്കിൽ വന്നു.

ഒരാൾ കൈ കാണിച്ചു ആ ജീപ്പ് മുൻപോട്ട് ഓടിച്ചു കൊണ്ടുപോയപ്പോൾ മെറിനും ലിസയും ഫ്ലാറ്റിലേക്ക് കയറി..

“ആ പെണ്ണ് പാവം.. എനിക്ക് വല്ലാതെ തോന്നുന്നു.. “

മെറിൻ ലിഫ്റ്റിൽ ആയിരിക്കുമ്പോൾ ലിസയോട് പറഞ്ഞു..

“മ്മ്മ്.. അതെ.. റോഷൻ അറിഞ്ഞാൽ നിന്നെ എടുത്തു ബാൽക്കണിയിൽ നിന്നും താഴേക്ക് ഇടുമോ മെറിൻ?”

ലിസ അല്പം നർമത്തോടെ ചോദിച്ചു.

“എന്റെ ഈശോയെ.. എനിക്ക് പേടി ആകുന്നുണ്ട് ലിസ… “

മെറിൻ നെഞ്ചിൽ കൈവച്ചു.

അവർ ഫ്ലാറ്റിലേക്ക് കയറി.. അർച്ചന സെറ്റിയിൽ ഇരിക്കുന്നുണ്ട്..

മെറിൻ അവളുടെ അടുത്ത് പോയി ഇരുന്നു..

“മുത്തേ… ചേച്ചിയോട് ക്ഷമിക്കണം.. ഇനി ഞാൻ ജീവനോടെ ഉള്ളപ്പോൾ ആരും എന്റെ കുട്ടിയെ തൊടില്ല..

വാക്ക് തരുന്നു.. ഇൻ റിട്ടേൺ അവനെ ഞാൻ കൊല്ലാതെ കൊല്ലും.. അവൻ മരണം ആഗ്രഹിക്കും.. എന്നാൽ കൊടുക്കില്ല… ഈറ്റ്സ്‌ മൈ പ്രോമിസ്…”

മെറിൻ അവളെ കെട്ടിപിടിച്ചു അത് പറഞ്ഞു ഉമ്മവച്ചു..

“ഇറ്റ്സ്‌ ഓക്കേ ചേച്ചി.. അയാളുടെ തനി സ്വരൂപം കാണാൻ കഴിഞ്ഞില്ലേ..? അടിച്ചു എന്നല്ലാതെ എന്നെ തൊടാൻ അനുവദിച്ചില്ലല്ലോ… സാരമില്ല…”

അവളും മെറിനെ കെട്ടിപിടിച്ചു..

“പണ്ട് ഒരു പിന്നു കുത്തിയതിന് ആണ് ഇപ്പോൾ നമ്മൾ ഒക്കെ ഇവിടെ ഇരിക്കുന്നത്… അന്ന് കരഞ്ഞു പിഴിഞ്ഞ് ബോധം പോയവൾ ആണ് ഐ ക്യാൻ ടേക്ക് ഇറ്റ് എന്നും പറഞ്ഞു ആളാവുന്നത്.. ഒന്ന് പോടീ.., നീ അവിടെ നിന്ന് കരഞ്ഞു കൂവുന്നത് ഞങ്ങൾ കണ്ടു…”

മീനുവിന്റെ ഡയലോഗ് കേട്ടപ്പോൾ മെറിനും ലിസയും ചിരിച്ചു..
അർച്ചന ആണെങ്കിൽ ആകെ നാണിച്ചു മുഖം താഴ്ത്തികളഞ്ഞു..