നിയോഗം 2 Dark World Part X (മാലാഖയുടെ കാമുകൻ) 1554

അവൾ അയാളുടെ വലത്തേ കൈയ്യിൽ പിടിച്ചു ചുറ്റി..

അയാളുടെ തോളിൽ ചവുട്ടിയ ശേഷം വെട്ടിച്ചു ഒരു വലി വലിച്ചു..

റാണയുടെ അലർച്ച മുഴങ്ങുന്നതിന് മുൻപേ കപ്പ പൊട്ടും പോലെ അയാളുടെ കൈ തോളിൽ നിന്നും പൊട്ടി തൂങ്ങി…

അതിനു ശേഷം അവളുടെ ചുരുട്ടിയ മുഷ്ടി അയാളുടെ വായും മൂക്കും ചേർത്ത് ഒരു ചുംബനം കൂടി നടത്തി… അയാൾ ചലനരഹിതൻ ആയി..

അത് കണ്ടു അർച്ചന കണ്ണ് പൊത്തി പിടിച്ചു..എന്നാൽ മീനു അത് നോക്കി രസിച്ചു..

“ഇവനെ നേരിട്ട് നമ്മൾ കൊടുക്കുന്നില്ല ലിസ.. പ്ലാൻ എ തന്നെ മതി..”

ലിസ അത് സമ്മതിച്ചു.. മെറിൻ കൈ പൊക്കി അടുത്തുള്ള പാറക്കൂട്ടത്തിലേക്ക് നോക്കി ഒരു സിഗ്നൽ കാണിച്ചു..

അതിനു ശേഷം ഡിഎ രണ്ടുപേരെയും വലിച്ചു ഗുണ്ടകളുടെ ജീപ്പിൽ ഇട്ടു.. വേദനയും ഇടിയും കിട്ടി ബോധം പോയി കിടന്ന റാണയെ കെട്ടി വരിഞ്ഞു അവരുടെ ഒപ്പം തന്നെ ഇട്ടു..

ചുറ്റിനും ശവശരീരങ്ങൾ കിടന്നിരുന്നു.

***

മൈതാനത്തിന്റെ അടുത്ത മരക്കൂട്ടങ്ങളുടെ ഇടയിൽ ഒരാൾ ഉണ്ടായിരുന്നു.. ഒരു ഉയർന്ന പാറക്കെട്ടിൽ അവൾ കിടക്കുകയായിരുന്നു..

അവൾ കയ്യിൽ ഉണ്ടായിരുന്ന Vektor SS-77 മെഷീൻ ഗൺ അവിടെ വച്ച് എണീറ്റ് നിന്നു..

അതിനു ശേഷം നിലത്തു വച്ച സ്നൈപ്പർ കയ്യിൽ എടുത്തു തോളിൽ തൂക്കി..

ഒന്ന് കൂടി ചുറ്റും നോക്കി.. മെറിൻ ദൂരെ നിന്നും എല്ലാം ഓക്കേ ആണെന്ന് കൈ കാണിക്കുന്നത് അവൾ കണ്ടു.. അവൾ തിരിച്ചു കൈ കാണിച്ചു.. അവൾ മുഖം മറച്ചിരുന്നു.

“ലവ്ഡ് ഇറ്റ്…”

അവൾ അത് സ്വയം പറഞ്ഞ ആ ഗൺ എടുത്തു തിരിഞ്ഞു നടന്നു… കാട്ടിലേക്ക്..

അവിടെ നിർത്തിയിരുന്ന ഹോണ്ട ആഫ്രിക്കൻ ട്വിൻ ബൈക്കിന്റെ അടുത്തെത്തി അവൾ സ്നൈപ്പർ ഓരോ ഭാഗങ്ങൾ ആയി ഊരിമാറ്റി ബാഗിൽ ഇട്ടു..

****

മെയ്‌വൂൺ ഗ്രഹം..

ഒരു പ്രണയ സല്ലാപം കഴിഞ്ഞു കെട്ടിപിടിച്ചു കിടക്കുകയായിരുന്നു ഞാനും ട്രിനിറ്റിയും…

അവൾ എന്നെ മുറുക്കെ കെട്ടിപിടിച്ചിരുന്നു… അവളുടെ വാല് എന്റെ ദേഹത്തു ചുറ്റി അവൾ എന്നെ കെട്ടിപിടിച്ചു ചുംബിച്ചു..

“എനിക്ക് നിന്നെ വിടാൻ തോന്നുന്നില്ല റോഷൻ..”

അവൾ എന്റെ മുഖം തഴുകി.. ഞാൻ അവളുടെ നെറ്റിയിൽ ഒരു ഉമ്മ കൊടുത്തു.

“എന്നാലും പേടിക്കണ്ട.. എനിക്ക് കിട്ടിയ ഭാഗ്യം ആണ് നീ.. എന്നെ സ്നേഹിക്കുന്നത് തന്നെ എന്റെ അതിഭാഗ്യം.. ഞങ്ങളുടെ തലമുറയിലെ കൃതിരിൻ പെണ്ണിന് കിട്ടാത്ത ഭാഗ്യം..”

അവൾ അതും പറഞ്ഞു എന്നെ മുറുക്കി കെട്ടിപിടിച്ചു കിടന്നു..

ഞാനും അവളെ വലിച്ചു കോരി ദേഹത്തേക്ക് ഇട്ടു.. അങ്ങനെ കുറച്ചു നേരം കിടന്ന ശേഷം ഞങ്ങൾ എഴുന്നേറ്റു.. വേഷം മാറി.

ക്വീൻ ഞങ്ങളെ കാണാൻ വന്നിരുന്നു.. ഇന്ന് ഞാൻ പോവുകയാണ്..
മെയ്‌വൂണിനോട് വിട പറയുകയാണ്..

ക്വീൻ, അവൾ അല്പം ഗൗരവത്തിൽ ആയിരുന്നു.. എന്നെ യാത്ര ആക്കാൻ വന്നതാണ്.. പോകാനുള്ള ദിവസം അവൾ ആണ് തീരുമാനിച്ചത്.. രണ്ടു ദിവസം മുൻപേ ആണ്.

ഞാൻ ആരോടും യാത്ര പറഞ്ഞില്ല.. കുട്ടികളെ കെട്ടിപിടിച്ചു ചുംബിച്ചു.. എല്ലാ കുട്ടികളെയും… അവർക്കൊക്കെ എന്നോട് നല്ല സ്നേഹം ആണ്..