നിയോഗം 2 Dark World Part X (മാലാഖയുടെ കാമുകൻ) 1555

അവൻ ഒരു ഞരക്കത്തോടെ കഴുത്തു പിടിച്ചു മെല്ലെ എഴുന്നേറ്റു..

“ഹൌ മാൻ?”

അവൻ എന്നെ നോക്കി ചോദിച്ചു.. ശ്വാസം ആഞ്ഞു വലിച്ചു.. എനിക്ക് നേരെ വന്നു ഇടിക്കാൻ നോക്കി.

ഞാൻ മുൻപോട്ട് കുതിച്ചു ഉയർന്നു ചാടി ഒന്ന് അന്തരീക്ഷത്തിൽ തിരിഞ്ഞു വീശിയ എന്റെ കാൽ പടക്കം പൊട്ടും പോലെ ആണ് അവന്റെ മുഖം അടച്ചു കൊണ്ടത്..

ശക്തമായ കിക്ക്‌ കൊണ്ട് അവൻ പുറകോട്ട് തെറിച്ചു ഭിത്തിയിൽ തല അടിച്ചു നിലത്തു വീണു.. മെല്ലെ എഴുനേൽക്കാൻ നോക്കിയപ്പോൾ ഞാൻ ഓടി ചെന്ന് അവന്റെ നെറ്റിയിൽ തന്നെ ശക്തമായി ഒരു ഇടി കൊടുത്തു..

അവൻ പിന്നെ അനങ്ങിയില്ല.. അവനെ വളരെ എളുപ്പത്തിൽ തന്നെ കീഴടക്കാൻ എനിക്ക് കഴിഞ്ഞു.. അതോടെ എന്റെ ആത്മവിശ്വാസം നന്നായി ഒന്ന് ഉയർന്നു..

ഞാൻ തിരിഞ്ഞു നോക്കി..

“ഇയാളെ തോൽപ്പിക്കാൻ നിങ്ങൾക്ക് കഴിയുമായിരുന്നല്ലോ..? “

മെറിനും ലിസയും ചിരിച്ചുകൊണ്ട് നോക്കി..

“വൗ.. ഇമ്പ്രെസ്സിവ്…നിന്റെ ശക്തി ഒന്ന് കാണാൻ വേണ്ടിയല്ലേ….!”

അവർ രണ്ടുപേരും വന്നു എന്റെ കൈ പിടിച്ചു..

“നൈസ്… നല്ല വേഗത.. അപ്പോൾ നിന്റെ ട്രെയിനിങ് ഫലം കണ്ടു. ഇത് ഇവിടെ തീരുന്നു റോഷൻ.. ഈ നഗരം ട്രിപ്പിൾ 6 ക്ലിയർ ആണ്.., ഇനി ഇവരുടെ മയക്കു മരുന്ന് ശേഖരം കൂടിയേ ഉള്ളു.. അത് പിടിക്കാൻ ആള് പോയിട്ടുണ്ട്.. ഈ തലവേദന ഇതോടെ ഒഴിഞ്ഞു…”

മെറിൻ പറഞ്ഞു.. സന്തോഷത്തോടെ…

“വാട്ട് എബൌട്ട് റാണ?”

ഞാൻ ചോദിച്ചു..

“വാ.. അതൊക്കെ ഞങ്ങൾ നോക്കാം….”

അവൾ പൊലീസുകാരെ വിളിച്ചു അയാളെ കൊണ്ടുപോകാൻ പറഞ്ഞു.. പോലീസുകാർ വന്നു ബോധം പോയികിടന്ന അയാളെ കൊണ്ടുപോയി..

ഞാൻ തിരിച്ചു ഫ്ലാറ്റിലേക്ക് വന്നു.

****

വൈകുന്നേരം ഒരു നാല് മണി ആയപ്പോൾ ഞാൻ ഡ്രസ്സ് മാറി പുറത്തേക്ക് ഇറങ്ങി..

നില ലെനോൻ ഷർട്ടും ബ്രൗൺ പാന്റും ഒരു സ്പോർട്സ് ഷൂസും ധരിച്ചു.. ഫോൺ എടുത്തു.

അർച്ചനയും മീനുവും വീട്ടിലേക്ക് പോയിരുന്നു.. അവളുടെ അമ്മക്ക് സുഖം ഇല്ല.. കാണാൻ പോയത് ആണ്..

ഞാൻ മെല്ലെ പുറത്തു ഇറങ്ങി ബൈക്കിൽ കയറി.. ബൈക്ക് ഗേറ്റ് കടന്നു പുറത്തു വന്നതും ഒരു മഞ്ഞ നിറം ഉള്ള ലംബോർഗിനി ഉറൂസ് വന്നു എന്റെ വഴി ബ്ലോക്ക് ചെയ്തു..

ഞാൻ ബൈക്ക് നിർത്തി..

ഡ്രൈവിംഗ് സീറ്റിലെ ഗ്ലാസ് താഴ്ന്നു.. ഒരു കൈ പുറത്തേക്ക് വന്നു ഒരു ലെറ്റർ എനിക്ക് നേരെ നീട്ടി.. ഞാൻ അത് വാങ്ങി നോക്കി..

“ഐ ആം വെയ്റ്റിംഗ് ഫോർ യു. ബ്ലെസ് മി വിത്ത് യുവർ പ്രെസൻസ്….ക്വീൻ”

അതാണ് അതിൽ ഉണ്ടായിരുന്നത്. ഞാൻ കാറിലേക്ക് നോക്കി..

അകം കാണുന്നില്ല.. ഉടനെ പുറകിലെ ഡോർ തുറന്നു.. അതെനിക്കുള്ള ഇൻവിറ്റേഷൻ ആണ്..

ഞാൻ ബൈക്ക് തിരിച്ചു അകത്തു തന്നെ വച്ച് തിരിച്ചു വന്നു ഒന്ന് ചുറ്റും നോക്കി വണ്ടിയിൽ കയറി..