നിയോഗം 2 Dark World Part X (മാലാഖയുടെ കാമുകൻ) 1555

“രണ്ടും നല്ല സന്തോഷത്തിൽ ആണല്ലോ?”

ലിസ ചോദിക്കുന്നുണ്ട്..

“വേദന ഉണ്ടോ മോളെ?”

മെറിൻ അർച്ചനയുടെ മുഖം തടവിക്കൊണ്ട് ചോദിച്ചു.. അവളുടെ കണ്ണുകൾ നിറഞ്ഞിരുന്നു.

“എന്താ ചേച്ചി ഇത്?ചേച്ചി ഇതുവരെ അത് വിട്ടില്ലേ??”

അർച്ചന അവളെ കെട്ടിപിടിച്ചു.. കണ്ണ് തുടച്ചു..

“എന്തിനാ എസിപി? അത് കഴിഞ്ഞു.. ഇനി അയാൾ ഇവരെയോ നിങ്ങളെയോ തൊടില്ല. പിന്നെ എന്തിനാണ് ഇത്രക്ക് ഫോർമൽ ആകുന്നത്?”

ഞാൻ പറഞ്ഞപ്പോൾ അവർ രണ്ടുപേരും ശബ്ദം കേട്ട ഭാഗത്തേക്ക് ഞെട്ടി തിരിഞ്ഞു നോക്കി..

എന്നെ കണ്ടതും രണ്ടുപേരും ചാടി എഴുന്നേറ്റു…

“ഡാ നീ…”

മെറിൻ വേഗം വന്നു എന്റെ ബനിയന്റെ കോളറിൽ പിടിച്ചു കുലുക്കി എന്നെ കെട്ടിപിടിച്ചു.. അത് ഞാൻ പ്രതീക്ഷിച്ചില്ല.. എന്നാലും തിരിച്ചു കെട്ടിപിടിച്ചു.. അവൾ എന്റെ നെഞ്ചിൽ മുഖം അമർത്തി..

“ചുമ്മാതല്ലാ ഇവർക്ക് ഇത്ര സന്തോഷം..” അവൾ നെഞ്ചിൽ മുഖം പൂഴ്ത്തി കൊണ്ട് തന്നെ പറഞ്ഞു.. അർച്ചനയും മീനുവും അത് കണ്ടു ചിരിക്കുകയാണ്..

“നൈസ് റ്റു സീ യു ബാക് മാൻ”

ലിസ അടുത്ത് വന്നു മുഷ്ടി ചുരുട്ടി കാണിച്ചതിൽ ഞാൻ കൈ തട്ടിച്ചു.

“എസിപി…? ഇതെന്തിനാ കരയുന്നെ? വന്നില്ലേ ഞാൻ…”

ഞാൻ അവളെ പിടിച്ചു കണ്ണിൽ നോക്കി.. അവൾക്കും സങ്കടം പറയാൻ ഞാൻ മാത്രമേ ഉള്ളു എന്ന ഭാവം ആണ് അവൾക്ക്..

“ആം സോറി.. അയാൾ ഇവളെ അടിച്ചു..”

അവൾ കുറ്റബോധത്തിൽ പറഞ്ഞു..

“അത് പോട്ടെ.. അയാൾ എവിടെ? ജീവൻ ബാക്കി ഉണ്ടോ? “

ഞാൻ ചെറിയ ചിരിയോടെ അവളുടെ കണ്ണ് തുടച്ചു..

“അതൊക്കെ ഉണ്ട്…അവർ ഒക്കെ ഞങ്ങളുടെ രഹസ്യ താവളത്തിൽ ആണ്..
ഇന്ന് കമ്മീഷണർ മിസ്സിംഗ് ആണ് എന്ന ന്യൂസ് പോലും വരില്ല.. അവൻ മരണം ആഗ്രഹിക്കും റോഷൻ.. പക്ഷെ കൊടുക്കില്ല..”

ലിസ ആണ് പറഞ്ഞത്.

“ഒന്ന് കുളിക്കു.. അതിനു ശേഷം ചായ കുടിക്കാം.. ഈ അദ്ധ്യായം ഇവിടെ അടഞ്ഞു…”

ലിസ എന്നെ ഒന്ന് നോക്കി എന്തോ പറയാൻ വന്നു..

“എല്ലാം പറയാം ലിസ.. സമയം ഉണ്ട്…”

ഞാൻ അവളെ ക്രൊസ്സ്‌ ചെയ്തു പറഞ്ഞു.. അവൾ എന്നെ ഒന്ന് നോക്കി..

“ശരി റോഷൻ.. പിന്നെ കാണാം..”

അവൾ അത്രയും പറഞ്ഞു പുറത്തേക്ക് പോയി..

“കുളിച്ചിട്ട് വാ എസിപി.. സങ്കടം ഒന്നും വേണ്ട..”

ഞാൻ അവളോട് പറഞ്ഞു. അവൾ എന്നെ ഒന്ന് നോക്കി വയറിൽ മെല്ലെ ഒരു ഇടി തന്നു കുളിക്കാൻ വേണ്ടി അകത്തേക്ക് പോയി..

കുറച്ചു നേരം അർച്ചനയെയും മീനുവിനെയും സ്നേഹിച്ച ശേഷം ഞാൻ എണീറ്റ് ബാൽക്കണിയിൽ ചെന്നു..

“ആർ യു ഓക്കേ ബേബി?”

ആ ചോദ്യം ചെവിയിൽ വീണപ്പോൾ എന്റെ രോമങ്ങൾ എഴുന്നേറ്റു നിന്നു..

ഇരുളിന്റെ മറവിൽ ട്രിനിറ്റി.. ഞാൻ അവളെ കെട്ടിപിടിച്ചു ചുംബിച്ചു..

“റെവൻ.. അവൾക്ക് എങ്ങനെ ഉണ്ട്..?”

ഞാൻ ആകാംഷയോടെ ചോദിച്ചു..