നിയോഗം 2 Dark World Part X (മാലാഖയുടെ കാമുകൻ) 1563

അയാളുടെ കൈ ഒടിഞ്ഞതൊക്കെ വീണ്ടും പ്ലാസ്റ്റർ ചെയ്തിരുന്നു.. അയാളുടെ അവസ്ഥ വളരെ മോശം ആയിരുന്നു….
യൂറിൻ പോലും പോകാത്ത അവസ്ഥ. പക്ഷെ മെറിനോ ലിസക്കോ അതിൽ സങ്കടം തോന്നിയില്ല. അയാൾ ചെയ്തതിന്റെ ഇരട്ടി തിരിച്ചു കൊടുത്തു അവർ.

ലിനു വന്നു.. ഡിഎ രണ്ടുപേരെ വണ്ടിയിൽ കയറ്റി..

“ലിനു. സൂക്ഷിക്കണം. ഇവരെ ഓഫീസിൽ എത്തിച്ചു കൈമാറിയ ശേഷം മാത്രം മതി ഫോൺ പോലും എടുക്കുന്നത്..അതുപോലെ ഞങ്ങളെയും വിളിക്കണ്ട.. വന്നോളാം..”

ലിസ ഓർഡർ കൊടുത്തു. അവർ എവിടെ ആണെന്നും നേരിട്ട് റാണയെയും ഡിഎയും കൊണ്ടുവരാം എന്നും ആണ് ഡിജിപിയെ ഇവർ അറിയിച്ചത്. ആരെയും വിശ്വസിക്കാൻ പറ്റില്ല എന്ന് ലിസ തന്നെ പറഞ്ഞു.

“ശരി മാം.. അവിടെ വച്ച് കാണാം..”

ലിനു ഡിഎ രണ്ടു പേരെയും കയറ്റിയ ട്രവലറിൽ കയറി പോയി.. അതിൽ ആയുധധാരികൾ ആയ നാലുപേർ വേറെ ഉണ്ടായിരുന്നു.

മെറിൻ ജീപ്പ് എടുത്തു.. ലിസ മുൻപിലും.. റാണ പുറകിൽ തല താഴ്ത്തി ഇരുന്നു.. അയാളുടെ കൈ ബന്ധിച്ചിരുന്നു.

“ഞങ്ങൾക്കിട്ട് ഉണ്ടാക്കാൻ നോക്കി അവസാനം ന്യൂസ് മൊത്തം നീ ആണല്ലോടാ…അവന്റെ ഒരു കളി..”

ലിസ അയാളെ നോക്കി ചിരിച്ചു.. അയാൾ ഒന്നും മിണ്ടിയില്ല..

മെറിൻ ഒരു ഒഴിഞ്ഞ സ്ഥലത്തു വണ്ടി നിർത്തി.. ലിസയും ഇറങ്ങി..

റാണയെ അവർ വലിച്ചു ഇറക്കി അയാളുടെ ഒരു കയ്യിലെ വിലങ് അഴിച്ചു പുറത്തു കൊണ്ടുവന്നു..

“റാണ.. നിന്നെ കൊന്നില്ലെങ്കിൽ എനിക്ക് സമാധാനം ഉണ്ടാകില്ല…

സൊ.. ഡിജിപി ഓഫീസിൽ കൊണ്ടുപോകുന്ന വഴിക്ക് നീ രക്ഷപെടാൻ നോക്കിയപ്പോൾ എനിക്ക് ഷൂട്ട് ചെയ്യേണ്ടി വന്നു എന്ന് റിപ്പോർട്ട് പോകും..

എന്റെ നേരെ ഒരു അനേഷണം ഉണ്ടാകും എന്നാലും ലിസ ഉണ്ട് സാക്ഷി.. സൊ.. യുവർ ടൈം ഈസ് അപ്പ്..”

റാണ ഞെട്ടി..

“നോ.. നോ.. എന്നെ ഡിജിപി ഓഫീസിൽ ആക്കണം.. മെറിൻ.. ദിസ് ഈസ് ടൂ മച്‌..പ്ലീസ്…”

അയാൾ അത് പറഞ്ഞു പേടിച്ചു ചുറ്റും നോക്കി..

“ആരും വരില്ലെടാ.. നീ അവന്റെ പെണ്ണിനെ തൊട്ടു.. വിശ്വസിച്ചു ഒപ്പം നടന്ന ഞങ്ങളെ തൊട്ടു..

നിന്റെ ഈ സ്ഥാനം നീ മറന്നു.. ജനങ്ങളെ സേവിക്കേണ്ട നീ അത് മറന്നു.. സൊ നീ മരിക്ക്‌..”

മെറിൻ അയാളെ പിടിച്ചു റോഡിൻറെ സൈഡിലേക്ക് തള്ളി.. അതിന്റെ അപ്പുറം പുല്ല് ആണ്..

“ഗുഡ്ബൈ റാണ.. സീ യു ഇൻ ഹെൽ…”

മെറിൻ പറഞ്ഞപ്പോൾ അയാൾ ഓടാൻ ശ്രമിച്ചു.. മെറിൻ സർവീസ് പിസ്റ്റൾ എടുത്തു ലോഡ് ചെയ്തു..

പെട്ടെന്നാണ്..

ലിസ ബൂട്ടിന്റെ ഇടയിൽ നിന്നും ഒരു കറുത്ത പിസ്റ്റൾ എടുത്തു നിമിഷ നേരം കൊണ്ട് ലോഡ് ചെയ്തു മെറിന് നേരെ നീട്ടി വെടി പൊട്ടിച്ചു…

വെടി കൊണ്ട മെറിൻ വേദന കൊണ്ട് അലറിക്കൊണ്ട് ജീപ്പിന്റെ ബോണറ്റിലേക്ക് മലർന്നു വീണു.. ചോര ചീറ്റി ഒഴുകി..
മെറിന്റെ കയ്യിൽ ഇരുന്ന പിസ്റ്റൾ തെറിച്ചുവന്നു ലിസയുടെ കാൽച്ചുവട്ടിൽ വീണു. അവൾ അത് കുനിഞ്ഞു എടുത്തു..