നിയോഗം 2 Dark World Part X (മാലാഖയുടെ കാമുകൻ) 1563

ഞാൻ അവളെ നോക്കി..

“അനാ എന്ന് ഇഷ്ടമുള്ളവർ വിളിക്കും.. ബട്ട് ഇറ്റ്സ്‌ അനാബെൽ..”

പേര് കൊള്ളാം… എന്ന് ഞാൻ ഓർത്തു.. അവൾ വണ്ടി നല്ല സ്പീഡിൽ വിട്ടു..

“എവിടെയാ ഇറക്കേണ്ടത്?”

“ശോഭ.. ഇഫ് യു ഡോണ്ട് മൈൻഡ്…”

“ഓ ശോഭയിൽ ആണോ… നൈസ്.. ആൻഡ് കുറച്ചു സങ്കടം ഉണ്ടല്ലോ മുഖത്ത്? എന്താ പെണ്ണ് തേച്ചിട്ടു പോയോ?”

അവൾ ഒരു ചിരിയോടെ ചോദിച്ചു..

“ഏയ് അതൊന്നും അല്ല.. ഞാൻ മാരീഡ് ആണ്.. അതും രണ്ടു ഭാര്യമാരും ഉണ്ട്…”

“ഗോഡ്… രണ്ടു ഭാര്യമാരോ? ചുമ്മാതല്ല സങ്കടം.. ബട്ട് എന്റെ ചെക്കൻ എങ്ങാനും വേറെ ഒരുത്തിയെ ഇഷ്ടപെട്ടാൽ ഞാൻ കൊല്ലും കേട്ടോ.. ആ കാര്യത്തിൽ ഞാൻ സെൽഫിഷ് ആണ്..”

അവൾ ചിരിച്ചു കൊണ്ട് പറഞ്ഞു.. ഞാനും ചിരിച്ചു..

“അപ്പോൾ കണ്ടുവച്ചിട്ടുണ്ട് അല്ലെ?”

“യാ യാ.. ബട്ട് പിടി തരുന്നില്ല.. എനിക്ക് കണ്ടപ്പോൾ തന്നെ ഇഷ്ടമായി..”

അവൾ തെല്ലു നിരാശയോടെ പറഞ്ഞു..

“ഓഹ് അവൻ ഉറപ്പായും ഇഷ്ടപെടും.. ഈ സുന്ദരിയെ കണ്ടു ഇഷ്ടപെടാതിരിക്കാൻ തക്ക കാരണം ഒന്നും എനിക്ക് തോന്നുന്നില്ല…”

അത് കേട്ടതും അവളുടെ മുഖം വിടർന്നു.. സന്തോഷം..

“തങ്ക്സ്‌ റോഷൻ..”

അവൾ കുലുങ്ങി ചിരിച്ചു. അവളോട് സംസാരിച്ചു എന്റെ മൈൻഡ് ഒക്കെ ഒന്ന് ക്ലിയർ ആയി..

അവൾ എന്നെ ശോഭയിൽ കൊണ്ട് ഇറക്കി. ഞാൻ ഇറങ്ങിയപ്പോൾ അവളും ഇറങ്ങി നിന്നു..

“റോഷൻ.. എല്ലാം ശരിയാകും.. സങ്കടം ഒന്നും വേണ്ടാട്ടോ..”

അവൾ ചിരിച്ചു കൊണ്ട് പറഞ്ഞു..

അപ്പോൾ ആണ് ഏടത്തിയുടെ മിനി കൂപ്പർ ഓടിച്ചു കൊണ്ട് അർച്ചന വന്നത്.. മീനുവും അതിൽ ഉണ്ട്… അവൾ എന്റെ അടുത്ത് കാർ നിർത്തി..

രണ്ടുപേരും ഒരുമിച്ചു കാറിൽ ചാരി നിൽക്കുന്ന അന്നയെ നോക്കി.. രണ്ടിന്റെയും കണ്ണിൽ ഇതാരാണ് എന്ന സംശയം..

“അനാ.. മീറ്റ് മൈ ഗേൾസ്….ഡോക്ടർ അർച്ചനാ ആൻഡ് മീനാക്ഷി…”

“അർച്ചു, മീനു ഇതെന്റെ ഫ്രണ്ട് അനാ”

ഞാൻ അവരെ ഒന്ന് പരിചയപ്പെടുത്തി.. അവർ ഒന്ന് സംസാരിച്ചു..

“ഒടുക്കത്തെ ഭാഗ്യം ആണ് റോഷൻ നിന്റെ.. ദേവത പോലെ രണ്ടെണ്ണം.. ഹാവ് എ വണ്ടർഫുൾ ലൈഫ്.. ആൻഡ് പ്രെയ്‌ ഫോർ മി… എന്റെ കാര്യം കൂടെ ഒന്ന് വർക്ക്ഔട്ട് ആകണം..”

അവൾ ചിരിച്ചു..

“അനാ.. അവൻ നിന്റെ ആണെങ്കിൽ അവൻ നിന്നെ തേടി ലോകത്തിന്റെ ഏതു കോണിൽ പോയി ഒളിച്ചാലും വരും.. ബി ഹാപ്പി… ആൻഡ് താങ്ക്സ് ഫോർ ഡ്രോപ്പിംഗ് മി.. ഇടക്ക് വരാം കേട്ടോ.. ബി24ഇൽ ഞങ്ങൾ ഉണ്ടാകും..”

ഞാൻ അവളെ നോക്കി..

“താങ്ക്സ്… താങ്ക്സ് എ ലോട്ട്‌.. ആ വാക്കുകൾ ശരിയാണ്.. ഉറപ്പായും വരും. എന്നാൽ ഞാൻ പോകട്ടെ..? ബൈ.. ഗേൾസ് ബൈ….”

അവൾ യാത്ര പറഞ്ഞു പോയി.. ഉടനെ അർച്ചന മുഖം വീർപ്പിച്ചു എന്നെ നോക്കി.. മീനു പിന്നെ പറയണ്ട.. അസൂയ മുഴുത്ത സാധനം ആണ് അത്..

ഞാൻ വണ്ടിയുടെ പുറകിൽ കയറി..

“ഇവളെ കാണാൻ ആണോ പോയത്?”

“അല്ല.. അവൾ എനിക്ക് ഒരു ലിഫ്റ്റ് തന്നതാണ്.. “

ഞാൻ മെല്ലെ പറഞ്ഞു.. സംഗതി ആവൊനിയാക്കിനെ വരെ കൊന്നു എങ്കിലും ഇതുങ്ങൾ ഇടഞ്ഞാൽ അതിനേക്കാളും പണി ആകുമല്ലോ എന്നത് നന്നായി അറിയുന്നത് കൊണ്ട് ഞാൻ മാന്യം ആയി തന്നെ മറുപടി കൊടുത്തു..