നിയോഗം 2 Dark World Part X (മാലാഖയുടെ കാമുകൻ) 1563

ഡോർ അടച്ചപ്പോൾ വണ്ടി മുൻപോട്ട് നീങ്ങി.. വണ്ടി ഓടിച്ചിരുന്നത് ഒരു പെണ്ണ് ആണ്.. ഒരു ഇരുനിറം ഉള്ള ഒരു പെണ്ണ്.

“എന്നെ നോക്കണ്ട.. ഞാൻ ഒരു ഡ്രൈവർ മാത്രം ആണ്.. നിങ്ങളെ കൂട്ടി കൊണ്ടുപോകാൻ പറഞ്ഞു..”

അവൾ അത് പറഞ്ഞു എന്നെ നോക്കി ചിരിച്ചു..

“ഞാൻ വന്നില്ലായിരുന്നു എങ്കിൽ?”

ഞാൻ തിരിച്ചു ചോദിച്ചു..

“അതിന്റെ ഉത്തരം എനിക്ക് അറിയില്ല.. “

അവൾ അത് പറഞ്ഞു വണ്ടി നല്ല സ്പീഡിൽ പായിച്ചു.. ആദ്യമായി ആണ് ഞാൻ ഇത്തരം ഒരു വണ്ടിയിൽ കയറുന്നത്..
പണ്ട് എന്നെ കൊല്ലാൻ കൊണ്ടുപോയപ്പോൾ റോൾസ് റോയ്സിൽ ആണ് കൊണ്ടുപോയത് എന്ന് ഒരു പുഞ്ചിരിയോടെ ഞാൻ ആലോചിച്ചു..

“നിന്റെ പേരെന്താ?”

ഞാൻ അവളോട് ചോദിച്ചു..

“പേരിൽ ഒക്കെ എന്തിരിക്കുന്നു, റോഷൻ?”

തിരിച്ചു ചോദ്യം…

“ഓഹ് ഐ സീ.. എന്റെ പേര് എന്തായാലും റോഷൻ എന്നല്ല…”

ഞാൻ മറുപടി കൊടുത്തു..

“റിയലി? പിന്നെ എന്താണ്?”

“ഒരു പേരിൽ ഒക്കെ എന്തിരിക്കുന്നു മിസ്?”

അവൾ എനിക്കിട്ട് വീശിയത് അതെ പോലെ ഞാൻ തിരിച്ചു കൊടുത്തു.. അവൾ ചിരിച്ചു.. അതോടെ ഞാൻ പുറത്തേക്ക് നോക്കി ഇരുന്നു.

വണ്ടി കുറെ കാട്ടുവഴികളിൽ കൂടി സഞ്ചരിച്ചു എത്തി നിന്നതു ഞാൻ ഇതുവരെ കാണാത്ത ഒരു സ്ഥലത്തു ആണ്..

റോഡ് അവിടെ അവസാനിക്കുന്നു..

കുറച്ചു മാറി പൊട്ടിപൊളിഞ്ഞ ഒരു കെട്ടിടം.. പള്ളി പോലെ തോന്നി.. റോഡിൻറെ ഒരു വശം കൊച്ചു മൈതാനം പോലെ ഇളം പുല്ല് വളർന്നു നിൽക്കുന്നു..

അതിന്റെ താഴേക്ക് ഒരു കൊല്ലി ആണ്.. അടിയിൽ നിൽക്കുന്ന വലിയ മരങ്ങളുടെ തലപ്പ് മാത്രം കാണാം.. ഉള്ളിലേക്ക് കൊടും കാട് ആണ്.. അവൾ വണ്ടി ആ കൊച്ചു മൈതാനത്തേക്ക് കയറ്റി അവൾ നിർത്തി…

“ഗുഡ് ലക്ക്..”

അവൾ എന്നെ നോക്കി അത് പറഞ്ഞ ശേഷം വണ്ടിയിൽ നിന്നും ഇറങ്ങി നടന്നു.. അവൾ ധരിച്ചത് നീല ജീൻസും ഷർട്ടും ഷൂസും ആയിരുന്നു..

ഒരു മരത്തിന്റെ പുറകിൽ കിടന്ന ഒരു സിബിആർ 650എഫിൽ കയറി എന്നെ ഒന്ന് കൂടി ചിരിച്ചു നോക്കി അവൾ ആ ബൈക്ക് വേഗതയിൽ ഓടിച്ചുപോയി..

ഞാൻ വണ്ടിയിൽ നിന്നും ഇറങ്ങി.. വണ്ടിയുടെ ബോണറ്റിൽ ചാരി നിന്ന് ചുറ്റും നോക്കി.. ആകെ ഒരു വല്ലാത്ത നിശബ്ദത.. ഏതൊക്കെയോ പക്ഷികളുടെ ബഹളം.. വല്ലാത്ത ഒരു സ്ഥലം.

“റോഷൻ………..”

ഒരു തേനരുവി ഒഴുകുന്ന പോലെ മധുരമായ ഒരു ശബ്ദം എന്റെ പുറകിൽ കേട്ടപ്പോൾ ഞാൻ തിരിഞ്ഞു നോക്കി..

ഒരു നിമിഷം എന്റെ ദേഹം തളർന്നു..

കഥകളിൽ മാത്രം കേട്ടിട്ടുള്ള ദേവതാ സൗന്ദര്യം… വെട്ടിത്തിളങ്ങുന്ന ചുവന്ന മുടിയും…, സാഗരം മാറി നിൽക്കുന്ന നീല കണ്ണുകളും, ചോര തൊട്ട് എടുക്കാവുന്ന അധരങ്ങളും കവിളുകളും…

ചുവന്ന ഒറ്റ വേഷത്തിൽ കൽപ്രതിമകൾ മാറി നിൽക്കുന്ന ശരീര സൗന്ദര്യം.. നീണ്ട കൈകളും, ആ കയ്യിൽ ഒരു ചുവന്ന റോസാ പുഷ്പവും..

ഇതുവരെ കേൾവിയിൽ മാത്രം ഉള്ള, മീനുവിന്റെ രൂപത്തിൽ എന്റെ അരികിൽ ഒരിക്കൽ വന്ന, ഇതുവരെ സ്വപ്നത്തിൽ പോലും കാണാത്ത സൗന്ദര്യത്തിന്റെ ഉടമ ആയ ക്വീൻ… അഥവാ ഡാർക്ക് എയ്ഞ്ചൽ..