നിയോഗം 2 Dark World Part X (മാലാഖയുടെ കാമുകൻ) 1563

അയാൾ എന്നെ കണ്ടു തല താഴ്ത്തി പോയി.. അകത്തു നിന്നും എന്തൊക്കെയോ തല്ലി തകർക്കുന്ന ശബ്ദം.. ഞാൻ വേഗം അങ്ങോട്ട് ചെന്നു..

ഹാളിൽ നിന്ന് എന്തോ പറഞ്ഞ മെറിൻ അവസാനം പറഞ്ഞത് അങ്ങോട്ട് ചെന്ന ഞാൻ കെട്ടു.

“ബട്ട് ഹി ക്യാൻ…”

ഞാൻ അകത്തേക്ക് ചെന്ന് നോക്കി.. വല്ലാത്ത ഒരു മനുഷ്യൻ.. നല്ല പൊക്കം.. നീണ്ട മുടി ജട ആക്കി വച്ചിരിക്കുന്നു. പാറ പോലെ ഉറച്ച കൈകൾ.. എനിക്ക് ഒത്ത എതിരാളി ആയിരിക്കും എന്നെനിക്ക് തോന്നി..

“ഹെല്പ് വേണോ റോഷൻ?”

“നോട് നെസസ്സറി..”

അത് പറഞ്ഞു ഞാൻ അയാളുടെ നേരെ ചെറു പുഞ്ചിരിയോടെ ചെന്നു.. ലിസയും മെറിനും ഹാളിന്റെ അപ്പുറം പോയി കസേരകളിൽ ഇരുന്നു..

“ഹു ദി ഫക്ക് ആർ യു?”

അയാൾ ചോദിച്ച ഉടനെ തന്നെ അയാളുടെ കൈകൾ ചീറി വന്നു.. സെക്കൻഡിൽ ഒരു നിമിഷം കൊണ്ട് ഞാൻ അതിൽ നിന്നും ഒഴിഞ്ഞു.. അവൻ ചിരിച്ചു..

ഞാൻ കാലു വീശി ഒരു അടി അടിച്ചപ്പോൾ അവൻ കൈ വച്ച് തടഞ്ഞു..

“ആഹ്ഹ്…”

ഞാൻ അറിയാതെ ഒന്ന് വേദനിച്ചു കരഞ്ഞു.. അവന്റെ കൈ ഇരുമ്പു പോലെ.. കാലു നന്നായി വേദനിച്ചു.

“അയൺ ആം…”

അവൻ കൈ പൊക്കി കാണിച്ചു. അതിനു ശേഷം ശക്തമായി എന്റെ നേരെ ഇരു കൈകളും മാറി മാറി വീശി.. ഞാൻ വേഗതയിൽ ഒഴിഞ്ഞു മാറി എങ്കിലും ഒരെണ്ണം കൊണ്ടത്‌ എന്റെ നെഞ്ചിനാണ്‌..

ഇടി കൊണ്ട് ഞാൻ പുറകോട്ട് പോയി.. അവൻ ചാടി വന്നു എന്റെ നെഞ്ച് നോക്കി മുട്ടുമടക്കി ചാടി..

വേഗതയിൽ വെട്ടിതിരിഞ്ഞു ഞാൻ അവന്റെ പുറകിൽ മെല്ലെ ഒരു ചവിട്ട് കൊടുത്തു..

അവൻ നിലത്ത് ബാലൻസ് ചെയ്തു നിന്നു. നടന്നു എന്റെ നേരെ വന്നു..

അവൻ നിലത്തേക്ക് തവള പോലെ പതുങ്ങി തെറിച്ചു മുകളിലേക്ക് ചാടി മലക്കം മറിഞ്ഞു ഇരുകാലുകളും വിടർത്തി എന്റെ തലയുടെ ഇരുവശത്തും നിന്നും ആഞ്ഞു അടിച്ചു.. ഇതുവരെ ഞാൻ കാണാത്ത ഒരുതരം മൂവ്..

വലത്തേ കാൽ മുൻപോട്ട് വച്ച് ഞാൻ ഇരുകൈകളും കൂട്ടി പിടിച്ചു മടക്കി പൊക്കി അവന്റെ കാലിന്റെ അടി ബ്ലോക്ക് ചെയ്തു.. എന്റെ മടക്കിയ കയ്യിന്റെ എല്ലിൽ ആണ് അവന്റെ ഇരു പാദത്തിന്റെയും ജോയിന്റ് ഇടിച്ചത്..

അലർച്ചയോടെ അവൻ നിലത്തു വീണു…

ഞാൻ ഒരു ചാട്ടം ചാടി വായുവിൽ കറങ്ങി തിരിഞ്ഞു കാലു വീശി അവൻ നിലത്തു വീണു അനങ്ങുന്നതിനു മുൻപേ തന്നെ അവന്റെ തലക്ക് തന്നെ അടിച്ചു..

നിലത്തു നിവർന്നു വീണ അവന്റെ വലത്തേ കൈ പിടിച്ചു ഒന്ന് ചുറ്റിക്കറങ്ങി ഞാൻ അവനെ ഒന്ന് മുകളിലേക്ക് വലിച്ചു.. അവന്റെ ശരീരം പൊങ്ങി..

ഒന്ന് കൂടി കറങ്ങിയ ശേഷം ഞാൻ എന്റെ വലത്തേ കാൽ അവന്റെ കഴുത്തിൽ കൂടി ചുറ്റി ഇരു കൈകളും വലിച്ചു പിടിച്ചു വലത്തേ കാലിൽ മറ്റേ കാലും വച്ച് മുറുക്കി..

ആ ലോക്ക് നന്നായി എൻഗേജ് ചെയ്യാൻ എനിക്ക് കഴിഞ്ഞു..

ഞാൻ അവന്റെ കഴുത്തു മുറുക്കി… ഇങ്ങനെ പിടിച്ചാൽ കഴുത്തിന്റെ എല്ലു പൊട്ടിപ്പോകും.. അവൻ ശ്വാസം മുട്ടി നന്നായി തളർന്നപ്പോൾ ഞാൻ ലോക്ക് റിലീസ് ചെയ്തു അവനെ ചവുട്ടി തെറിപ്പിച്ചു എണീറ്റ് നിന്നു..