നിയോഗം 2 Dark World Part X (മാലാഖയുടെ കാമുകൻ) 1563

മുഴുമിപ്പിക്കുന്നതു മുൻപേ തന്നെ മുഖം അടച്ചു ഒരെണ്ണം കിട്ടി.. വേദനിപ്പിക്കാൻ അല്ല.. മെല്ലെ..

അടിച്ചതും അവൾ എന്നെ മുറുക്കെ കെട്ടിപിടിച്ചു അലറിക്കരഞ്ഞു.. മുഖം നെഞ്ചിൽ അമർത്തി വച്ചതു കൊണ്ട് ശബ്ദം അധികം പുറത്തു വന്നില്ല.. ഞാൻ അവളെ മുറുക്കെ കെട്ടിപിടിച്ചു.

കരഞ്ഞോട്ടെ എന്ന് ഞാനും കരുതി… അവളുടെ കറുത്ത തിങ്ങിയ മുടിയിൽ മുഖം ചേർത്ത് ഞാനങ്ങനെ നിന്നു.. അല്പം കഴിഞ്ഞപ്പോൾ കരച്ചിൽ മെല്ലെ ഒതുങ്ങി…

“ആ പെണ്ണുങ്ങൾ.. അവരുടെ ഒപ്പം ആയിരുന്നോ?”

ആഹാ ബെസ്റ്റ്‌.. അവളുടെ ചോദ്യം കേട്ടപ്പോൾ എനിക്ക് ചിരി ആണ് വന്നത്..
അവളുടെ ആദ്യ ചോദ്യം ഞാൻ വേറെ പെണ്ണുങ്ങളുടെ ഒപ്പം ആയിരുന്നോ എന്നാണ്.. ട്രിനിറ്റിയുമായി കല്യാണം കഴിഞ്ഞ കാര്യം പറഞ്ഞാൽ ക്വീൻ കൊല്ലുന്നതിനും മുൻപേ ഇവൾ എന്നെ കൊല്ലും..

അവൾ തല പൊക്കി നോക്കി..

“എന്താ ഇത്ര ചിരി? പറ.. അവരുടെ ഒപ്പം ആയിരുന്നോ?”

ഗൗരവം ആണ്.. അസൂയ മുഴുത്ത സാധനം.. ദേവീ..

“ദേവി കോപത്തിൽ ആണല്ലോ? “

ഞാൻ ചുമ്മാ ഒരു ചൂണ്ട ഇട്ടു നോക്കി.. കവിൾ ചുവന്നു ഒരു ചിരി വന്നത് അവൾ വേഗം മറച്ചു കളഞ്ഞു…

“കണ്ട പെണ്ണുങ്ങളുടെ കൂടെ കിടന്നു വന്നിരിക്കുകയാണ്.. പോ.. “

അവൾ എന്നെ തള്ളിമാറ്റി പോകാൻ നോക്കി.. ഞാൻ അവളുടെ കൈ പിടിച്ചു വലിച്ചു ഭിത്തിയോട് ചേർത്ത് വച്ച് അവളുടെ അരക്കെട്ടിൽ പിടിച്ചു..

“ഇസ്സ്സ്സ്സ്സ്‌…”

അവൾ അങ്ങനെ പൊങ്ങി കുത്തി.. ഉടനെ ഞാൻ അവളുടെ ചെവിയിൽ ഒരു ചുംബനം കൊടുത്തു കഴുത്തിൽ മെല്ലെ ഒന്ന് കടിച്ചു..

“മ്മ്മ്… ശ്സ്സ്സ്സ്‌…”

അവൾ വിറച്ചുകൊണ്ട് എന്നിലേക്ക് ചാഞ്ഞു.. പെണ്ണ് വഴങ്ങി എന്ന് എനിക്ക് മനസിലായി..

“അവർ എന്നെ കൊണ്ടുപോയത് പരിശീലിപ്പിക്കാൻ ആണ്.. ആരും അറിയരുത് എന്ന് പറഞ്ഞത് കൊണ്ടാണ് പറയാത്തത്. നമുക്കും ജീവിക്കണ്ടേ? വേണ്ടേ എന്റെ മീനൂട്ടിക്ക്?”

ഞാൻ മെല്ലെ അവളുടെ കാതിൽ മന്ദ്രിച്ചു..

“എന്താ വിളിച്ചേ?”

“മീനൂട്ടി എന്ന്…?”

“അല്ല. അതിനും മുൻപേ…? “

“എന്റെ മീനൂട്ടി എന്ന്… എന്താ? “

അവൾ മുഖം പൊക്കി എന്റെ കണ്ണിൽ നോക്കി.. കറുത്ത കൃഷ്ണമണികൾ വിടർന്നു നിൽക്കുന്നു.. ഇളം നനവ്.. ചുവന്ന അധരങ്ങൾ വിടർന്ന്… നാണം..

ഞാൻ ചിരിച്ചപ്പോൾ അവൾ നാണത്തോടെ തല താഴ്ത്തി… ഇതൊരു പൂച്ചക്കുട്ടി ആണ്.. ദേഷ്യപ്പെട്ടാൽ നഖം വച്ച് മാന്തുകയും ഒന്ന് സ്നേഹിച്ചാൽ പറ്റിചേരുകയും ചെയ്യുന്ന ഒരു പൂച്ചക്കുട്ടി…

“അതെ.. കണ്ടപ്പോൾ മനസിലായി ക്വീൻ ഒന്നും അല്ല എന്ന്.. തമാശക്ക് ചെയ്തതാ…”

അവൾ എന്റെ താടിയിൽ ഒരു ഉമ്മ തന്നു.. മുറുക്കെ കെട്ടിപിടിച്ചു..

“ഞാനും…”

പുറകിൽ നിന്നും രണ്ടുകൈകൾ കൂടി എന്നെ ചുറ്റിവരിഞ്ഞപ്പോൾ ഞാൻ അവളെയും കൂടെ നടുക്ക് നിർത്തി അമർത്തി കെട്ടിപിടിച്ചു…

അവരുടെ മേനിയുടെ ഇളം ചൂടിൽ ലയിച്ചു ഞാൻ അങ്ങനെ നിന്നു.. സകല ലോകവും മറന്ന്…

****