നിയോഗം 2 Dark World Part X (മാലാഖയുടെ കാമുകൻ) 1563

“നമ്മൾ ഒക്കെ ലൈഫിൽ വലിയ സ്ഥാനങ്ങളിൽ ഇരിക്കുന്നവർ ആണ്.. റാണയുടെ കയ്യിൽ നമ്മുടെ ഡീറ്റെയിൽസ് ഒക്കെ ഉണ്ട്.. അത് പോയാൽ ആലോചിച്ചു നോക്കിയിട്ടുണ്ടോ? എന്റെ ഭാര്യയെ അടക്കം ആണ് മാർക്കസ് ഡിമാൻഡ് ചെയ്തത്…”

അയാൾ തല കുനിച്ചു.. ആരും ഒന്നും മിണ്ടിയില്ല.. കാരണം അവർക്ക് അറിയാം വരുന്നത് ആരാണെന്ന്..

മാർക്കസ് അനറ്റോറിയ…കില്ലർ ആണ്, ഒരു തെളിവും ഇല്ലാതെ കൊല്ലാൻ മിടുക്കൻ.. പക്ഷെ പെണ്ണ് ആണ് അവനു എല്ലാം..

അവന്റെ പ്രതിഫലം തന്നെ മയക്കു മരുന്നുകളും സ്ത്രീകളും ആണ്..

ഇന്ത്യയിൽ ഒരു പ്രശസ്തനായ ഒരാളെ കൊല്ലാൻ ഇയാളെ ഒരു പ്രാവശ്യം വിളിച്ചിരുന്നു.. അന്ന് ട്രിപ്പിൾ 6 ടീമിലെ പത്തോളം പെൺകുട്ടികളെ ഇയാൾ ഒരു രാത്രി കൊണ്ട് കൊന്നിരുന്നു.. വിശന്ന ആൺ സിംഹം പോലെ ആണ് അയാൾ..

പക്ഷെ ഡിഎ വരെ തോറ്റുപോയ അവസ്ഥയിൽ അയാൾക്ക് എന്ത് ചെയ്യാൻ കഴിയും എന്ന് അവർ ആലോചിച്ചു..

“സ്നൈപ്പർ ഉപയോഗിക്കാൻ ആണ് പറഞ്ഞത്.. ഇനി നേരിട്ട് കളിച്ചാൽ നമ്മൾക്ക് ജയിക്കാൻ കഴിയില്ല..

ആദ്യമേ അങ്ങനെ തീർക്കേണ്ടത് ആയിരുന്നു.. റാണയെ എവിടെ ആണ് ഒളിപ്പിച്ചത് എന്ന് അറിയില്ല.. മെറിനെ പിന്തുടർന്ന് അവളെയും മൊണാലിസയെയും റാണയെയും പിന്നെ ഡിഎ രണ്ടുപേരെയും തീർക്കാൻ ആണ് പ്ലാൻ.. ഒന്ന് കൂടി പറയാം.. ഇതിൽ പോയാൽ നമ്മൾ ഇല്ല.. “

അയാൾ പറഞ്ഞു നിർത്തി.. ആരും ഒന്നും മിണ്ടിയില്ല..

****

അൽപ നേരം ആകാശത്തിൽ കൂടി മെല്ലെ സഞ്ചരിച്ച സ്പേസ് ഷിപ് മെല്ലെ താഴേക്ക് ഇറങ്ങി..

ഒരു കൊടും വനം.. അതിലെ ഒരു പാറക്കെട്ടിലേക്ക് വണ്ടി ഒരു കുലുക്കത്തോടെ ഇറങ്ങി.. ഞങ്ങൾ മെല്ലെ പുറത്തു ഇറങ്ങി നിന്നു.. കുറച്ചു കേഴകൾ കരഞ്ഞുകൊണ്ട് ഓടി ഒളിച്ചു..

“വൈറ്റ് തന്ന ലൊക്കേഷൻ ആണ് ഇത്.. ഇവിടെ കാത്തിരിക്കാൻ പറഞ്ഞു..

അവൾ റെവനെ കൊണ്ടുവരാം എന്നാണ് അറിയിച്ചതും.. സഹായം വേണ്ട എന്ന് പറഞ്ഞു…”

മെല്ലിറ്റ ഞങ്ങൾ രണ്ടുപേരോടും ആയി പറഞ്ഞു..

കാത്തിരിപ്പ് തുടങ്ങി..

വൈറ്റ് ആരാണെന്നു എനിക്ക് അറിയില്ല.. എന്തായാലും കാണാമല്ലോ എന്ന് കരുതി ഞാനും ഇരുന്നു..

***

ശോഭ അപ്പാർട്മെന്റ്..

“റോഷൻ ഉടനെ വരും എന്ന് പറഞ്ഞിട്ട് കണ്ടില്ലല്ലോ.. എവിടെ ആണാവോ…”

ഭക്ഷണം കഴിക്കുകയായിരുന്നു അവർ നാലുപേരും.. ലിസ അത് പറഞ്ഞപ്പോൾ ആരും ഒന്നും മിണ്ടിയില്ല..

“വന്നാൽ കുറെ കാര്യങ്ങൾ പറയാൻ ഉണ്ട്…”

അർച്ചന അത് പറഞ്ഞപ്പോൾ ലിസ ചിരിച്ചു..

“മെറിനും ഞാനും തല്ലു വാങ്ങി തന്നു എന്നാണോ?”

“ഒന്ന് പോ ചേച്ചി… നിങ്ങളുടെ ഒപ്പം ആയതുകൊണ്ട് രക്ഷപെട്ടു.. അല്ലേൽ.. ദേവീ… ആലോചിക്കാൻ വയ്യ..”

അവൾ പറഞ്ഞ കാര്യവും സത്യം ആണല്ലോ എന്ന് മെറിൻ ആലോചിക്കാതെ ഇരുന്നില്ല.