നന്ദന 4 [ Rivana ] 113

“ ഹോ ഞാനും വിചാരിച്ചു നിങ്ങടെ പേപ്പർ വാങ്ങി വെച്ചെന്ന് ഭാഗ്യത്തിന് അതൊന്നും ഇണ്ടായില്ലല്ലോ, അല്ല നിനക്ക് എക്സാം ഒക്കെ എങ്ങനെ ണ്ടായിരുന്നു “

“ എക്സാം ചോദ്യങ്ങൾ ഒക്കെ സുഖായിരുന്നു പഠിച്ചെന്നെ വന്നുള്ളൂ “
പിന്നീട് എക്സാമിന്റേം മറ്റു കാര്യങ്ങളും ഒക്കെ ചർച്ച ചെയ്യാൻ തുടങ്ങി.

ക്ലാസ് കഴിഞ്ഞതോടെ സ്കൂളിൽ അധിക നേരം നിൽക്കാതെ ഞങ്ങൾ വീട്ടിലേക്കു പോന്നു.

വീട്ടിൽ എന്നത്തേയും പോലെ അച്ഛന്റെ ദേവൂട്ടിയായി, ആ വാൽസല്യത്തിലും സ്നേഹത്തിലും കരുതലിലും ഒക്കെയായി ഞാൻ ചിലവഴിച്ചു.

പിന്നീടുള്ള പരീക്ഷ ദിവസങ്ങളിൽ അവന്റെ നിർബന്ധത്തിന് വഴങ്ങി ഞാൻ എഴുതിയ മുക്കാലും അവന് കാണിച്ചു കൊടുക്കേണ്ടതായി വന്നു. അവൻ ആണേൽ എന്നെ എപ്പോഴും ബുദ്ധിമുട്ടിപ്പിച്ചു കൊണ്ടിരിക്കും.

ടീച്ചേഴ്സിനെ എനിക്ക് നന്നായി പേടിയായിരുന്നു പക്ഷെ അവൻ യാതൊരു കൂസലും ഉണ്ടായിരുന്നില്ല. ഭാഗ്യത്തിന് പിന്നീട് ആരും ഞങ്ങളെ പൊക്കിയില്ല. അവൻ വളരെ സമർത്ഥമായി കോപ്പിയടിക്കും.

ഈ എക്‌സാമിന്റെ കാലയളവിൽ ഞങ്ങൾക്കിടയിൽ ഒരു നല്ല ബോണ്ടിങ് രൂപ പെട്ടു. നല്ല ഫ്രണ്ട്സിലേക്ക് വഴി തെളിയിച്ചു എന്ന് തന്നെ പറയാം.

പരീക്ഷ ഒക്കെ പെട്ടെന്ന് തന്നെ തീർന്നു. എക്സാം കഴിഞ്ഞുള്ള പത്ത് ദിവസം ക്രിസ്തുമസ് അവധി ആയിരുന്നു. ആ പത്തു ദിവസവും ശെരിക്കും പൊളിയായിരുന്നു.

രാവിലെ ആറ് ആറര ആകുമ്പോഴേക്കും ഞാനും അച്ഛനും എണീക്കും. എന്നിട്ട് ഞങ്ങൾ രണ്ട് പേരും കൂടെ നേരെ അടുക്കളയിൽ കയറും രാവിലേക്കും ഉച്ചക്കും ഉള്ള ഭക്ഷണം രാവിലെ തന്നെ ഉണ്ടാകും.

അച്ഛനും ഞാനും കൂടെ ഉള്ളോണ്ട് കാര്യങ്ങൾ എല്ലാം സടപടേന്ന് തീരും. പിന്നെ ഒപ്പം ഇരുന്ന് ഭക്ഷണം കഴിച്ചു മുറ്റവും വീടിന്റെ അകവും അടിച്ചു വാരിയിടും. അപ്പോഴേക്കും ഒരു ഒൻപത് ഒൻപതര ആകാനായിട്ടുണ്ടാകും.