ഈ ഭാഗം കുറച്ചതികം നാളായി വന്നിട്ട് എന്നറിയാം, എക്സാം ആയിരുന്നു അത് കൊണ്ടാണ്. നിർത്തി പോയതൊന്നുമല്ല കേട്ടോ.

നന്ദന4 | nanthana part 4 |~

Author : Rivana | previous part നന്ദന

നന്ദന 2[Rivana]നന്ദന 3[Rivana]

അവൻ പറയുന്നത് കേട്ട് അറിയാതെ തന്നെ എന്നിൽ പുഞ്ചിരി വന്നു. അവനിലേക്ക് എന്നെ എന്തോ ഒന്ന് അടുപ്പിക്കുന്നത് പോലെ അവനോട് വല്ലാത്തൊരു അട്രാക്‌ഷൻ ഈ രണ്ടു ദിവസം കൊണ്ട് തന്നെ അവൻ എന്റെ ഉള്ളിൽ കയറി കൂടി. ഇനി ചിലപ്പോ എന്റെ അച്ഛനോട് സാമ്യമുള്ള ഒരു ക്യാരക്‌റ്റർ ആയത് കൊണ്ടാകാം.

അവൻ അവിടെന്ന് പോകുന്നത് ഞാൻ നോക്കി നിന്നു.

“ നന്ദേ നീ എന്ത് നോക്കി നിക്കുവാ “ റംഷി വന്നെന്നെ തട്ടി വിളിച്ചു.

“ ഹാ… അ. അതൊന്നുല്യാ “ ഞാൻ പെട്ടെന്ന് ഞെട്ടി കൊണ്ട് പറഞ്ഞു.

“ എക്സാം എങ്ങനെ ണ്ടായിരുന്നു നന്ദു “
“ റംഷി ദാ ആ പോണ ചെക്കനെ കണ്ടോ, അവനാണ് ഞാൻ ഇന്നലെ പറഞ്ഞില്ലേ എന്റെ അടുത്തിരുന്ന് കോപ്പി അടിച്ചവൻ “ റംഷി എന്നോട് ചോദിച്ചത് ശ്രെദ്ധിക്കാതെ നടന്ന് പോകുന്ന റോയിയെ കാണിച്ചു കൊണ്ട് ഞാൻ പറഞ്ഞു.

“ അവൻ കോപ്പി അടിക്കെ അടിക്കാതിരിക്കെ എന്ത് വേണേലും ചെയ്തോട്ടെ അതൊക്കേ എന്തിനാ നീ നോക്കാൻ നിക്കുന്നേ “

“ അതല്ലെടി അവനിന്നെ എന്റെ ആൻസർ ഷീറ്റ് മേടിച്ചിട്ടാണ് കോപ്പിയടിച്ചേ അതാണേ മിസ്സ് കാണേം ചെയ്തു “

“ എന്നിട്ട് മിസ്സ്‌ നിങ്ങളെ ആൻസർ ഷീറ്റ് വാങ്ങി വെച്ചോ “ അവൾ ചെറിയ ഞെട്ടലോടെ ചോദിച്ചു.

“ ഹേയ്… മിസ്സ്‌ ആൻസർ ഷീറ്റ് വാങ്ങേ പറേ ഒന്നും ചെയ്തില്ല, ഞങ്ങക്ക് അലീന മിസ്സായിരുന്നു. മിസ്സൊരു പാവയോണ്ട് രക്ഷപെട്ടു “