നന്ദന 4 [ Rivana ] 113

പാർക്കിൽ കുറച്ചു സമയം ചിലവഴിച്ചതിന് ശേഷം ഞങ്ങൾ അവിടെന്ന് നേരെ അടുത്തൊരു മാളിലേക് കയറി, അവിടെ ഉള്ള ഓരോ ഫ്ലോറും കൗതുകത്തോടെ അച്ഛന്റെ ഒപ്പം നടന്ന് കണ്ടു. എനിക്കും അച്ഛനും ക്രിസ്മസിന് വേണ്ടി പുതിയ ഡ്രസ്സ് എടുക്കുന്നതിനായി ഒരു ടെക്സ്റ്റൈൽ കടയിൽ കയറി നല്ല വസ്ത്രങ്ങൾ തിരയാൻ തുടങ്ങി.

എനിക് ഒരു ടോപ്പും ജീൻസും കൂടാതെ വീട്ടിൽ ധരിക്കാനായി രണ്ട് ടീഷർട്ടും പാന്റും വാങ്ങി. അച്ഛൻ മുണ്ടും ഷർട്ടും ആണ് എടുത്തെങ്കിലും ഞാൻ നിർബന്ധിപ്പിച്ചു ഒരു ജീൻസ് പാന്റും എടുപ്പിച്ചു.
പിന്നേ കുറച്ചു ഫാൻസി സാധനങ്ങളും മറ്റും ഒക്കെ വാങ്ങി മാൾ ചുറ്റിയടിക്കാൽ തുടർന്നു.
എനിക്ക് നടന്ന് നടന്ന് ക്ഷീണിച്ചപ്പോ വീണ്ടും വിശക്കാൻ തുടങ്ങി.

അച്ഛനോട് പറഞ്ഞു ഞാൻ kfc കഴിക്കാൻ പോയി. അവിടെന്ന് kfc ചിക്കനും ബർഗറും കോളയും ഒക്കെ കഴിച്ചു ഞങ്ങൾ ഇറങ്ങി. അടുത്തതായി ഞങ്ങൾ ഒരു സ്റ്റാർ കൂടെ വാങ്ങി മാളിൽ നിന്നിറങ്ങി.

പാർക്കിങ്ങിൽ നിന്ന് സ്കൂട്ടറും എടുത്ത് ഞങ്ങൾ വീട്ടിലേക്കു തിരിച്ചു. അപ്പോഴേക്കും സമയം ഏകദേശം ഏഴുമണി കഴിഞ്ഞിട്ടുണ്ടായിരുന്നു.

“ അച്ഛാ ഇനി രാത്രിക്ക് ഒന്നും വാങ്ങണ്ടല്ലോ, എന്റെ വയർ ഒക്കെ ഫുൾ ആയി “

“ ഹാവൂ സമാധാനം ഞാൻ കരുതി നീ ഇനിയും വല്ലതും പാർസൽ വാങ്ങാൻ പറയുമെന്ന് “

“ ഹേയ് ഇനി ഒന്നും പോകില്ല അച്ഛാ ആ കോളയും കൂടിച്ചതോടെ വയർ നിറഞ്ഞു, ഇനി ഒരു ചാൺ പോലും വയറിൽ സ്ഥലമില്ല “

“ വേണന്ന് വച്ചിട്ടല്ല ഞാൻ അതൊക്കെ കഴിച്ചത് ഒന്നും നാശാക്കി കളയണ്ടല്ലോ എന്ന് കരുതി മാത്ര “

അങ്ങനെ ഞങ്ങൾ ഒരു എട്ട് മണി ഒക്കെ ആകാറാപ്പോഴേക്കും വീട്ടിൽ എത്തി. ഞാനും അച്ഛനും ആകെ ക്ഷീണിച്ചിരുന്നു. വീട്ടിൽ എത്തിയതും വാതിൽ തുറന്ന പാടെ ഞാൻ നേരെ പോയി ബെഡിലേക്ക് ഒരു വീഴ്ച ആയിരുന്നു.