നന്ദന 4 [ Rivana ] 113

“ അച്ഛാ പതിനൊന്നരക്ക് അല്ലെ ഷോ അപ്പൊ ഇനിം ഒരു മണിക്കൂർ സമയം ഉണ്ട്, അത് കൊണ്ട് നമുക്ക് ആ ബേക്കറിയിൽ നിന്നും എന്തെങ്കിലും കുടിച്ചിട്ട് വരാം “ തിയറ്ററിന് ഓപ്പോസിറ്റ് ഉള്ള ബേക്കറി കട ചൂണ്ടി പറഞ്ഞു.

“ പോരുമ്പോഴല്ലേ നീ വയർ നിറച്ചു കഴിച്ചേ “

“ അതൊക്കെ എപ്പോഴേ ദഹിച്ചു കഴിഞ്ഞച്ചാ “
“ നീ എന്നെ ലോൺ എടുപ്പിക്കോ “ അച്ഛൻ ഒരാത്മ ഗദം പോലെ പറഞ്ഞു.

“ ദേ അച്ഛാ, നിങ്ങൾ ആണ് എന്നോട് വരുമ്പോ എന്തും പറഞ്ഞോ ഒക്കെ വാങ്ങി തരാന്ന് പറഞ്ഞത്, എന്നിട്ട് ഇപ്പൊ വാക്ക് മാറുന്നോ “ ചെറു കലിപ്പിട്ട്‌ ഞാൻ പറഞ്ഞു.

“ എന്റെ ചുന്ദരി കുട്ടി അപ്പോയെക്കും കലിപ്പായോ ഞാൻ നിന്നേ വെറുതെ ദേഷ്യം പിടിപ്പിച്ചത് അല്ലേ, വാ നമുക്ക് എന്തേലും കഴിക്കാം “

അങ്ങനെ ഞങ്ങൾ അവിടെ കയറി രണ്ടു ഷെയ്ക്‌ ഓർഡർ ചെയ്തു കുടിച്ചു.

അവിടെന്ന് തിരിച്ചു തിയറ്ററിലേക്ക് വന്നപ്പോ പതിനൊന്ന് മണി ആയിരുന്നു. കുറച്ചു നേരം ഞങ്ങൾ പുറത്തിരുന്നു. സമയം ആയപ്പോ തിയേറ്ററിന്റെ ഡോർ തുറന്ന് ആളുകളെ ഉള്ളിൽ കയറ്റാൻ തുടങ്ങി.

ഞാനും അച്ഛനും അവിടെ ടിക്കറ്റ് കീറുന്ന ആളുടെ അടുത്ത് ചെന്ന് ടിക്കറ്റ് എടുത്ത് കൊടുത്ത് ഉള്ളിലേക്കു കയറി. ആവശ്യത്തിനൊക്കെ ഉള്ള ആളുണ്ട് തിയേറ്ററിൽ. തിയേറ്ററിന് ഉള്ളിൽ ഒക്കെ നല്ല തണുപ്പ് ഉണ്ടായിരുന്നു.

ഫിലിം ഓടാൻ തുടങ്ങിയപ്പോ ഞാൻ അതിൽ ലയിച്ചു ഇരുന്നു പോയി, നല്ല സിനിമ തന്നെയായിരുന്നു. ഇന്റർവെൽ ആയത് അറിഞ്ഞില്ല.

ഇന്റർവെല്ലിന് ഞാനും അച്ഛനും പുറത്ത് ഇറങ്ങി ഐസ് ക്രീമും പോപ്കോണും വാങ്ങി വന്നു കഴിച്ചു കൊണ്ടിരുന്നു.

ഉച്ചക്ക് രണ്ട് ആകാറായപ്പോയേക്കും സിനിമ കഴിഞ്ഞു ഇറങ്ങി.

തീയറ്ററിൽ നിന്നും ഇറങ്ങിയപ്പോയേക്കും വിശപ്പിനുള്ള സമയം ആയിരിക്കുന്നു അത് കൊണ്ട് ഞങ്ങൾ നേരെ ഒരു ഹോട്ടലിൽ കയറി രണ്ടു ബിരിയാണിയും ഓറഞ്ചു ജ്യൂസും പറഞ്ഞു. അത് കഴിച്ചു കഴിഞ്ഞു ഒന്ന് ഫ്രീ ആകാൻ വേണ്ടി ഞങ്ങൾ നേരെ അവിടെ അടുത്തുള്ള പാർക്കിലേക്ക് പോയി അവിടെ പലയിടത്തും അച്ഛന്റെ കയ്യിലും ചുറ്റി പിടിച്ചു ചുറ്റി കറങ്ങി.