നന്ദന 4 [ Rivana ] 113

വീട്ടിലെ പണിയെല്ലാം ഒരു വിധം കഴിഞ്ഞാൽ പതിനൊന്ന് മണിക്കുള്ള കഞ്ഞിയും അതിലേക്കുള്ള കൂട്ടാനും എടുത്ത് പണി സാധനങ്ങളുമായി പറമ്പിലേക്ക് ഇറങ്ങും.

ഞാനും അച്ഛനെ പോലെ തലയിൽ തോർത്ത് കൊണ്ട് ഒരു കെട്ടും കെട്ടി അച്ഛൻ പറയുന്നതിന് അനുസരിച്ചു ഓരോ സഹായങ്ങൾ പാടത്ത് ചെയ്ത്‌ കൊണ്ടിരിക്കും. ഞങ്ങൾക്കൊപ്പം ഞാൻ ദിവാകരൻ മാമ എന്ന് വിളിക്കുന്ന ദിവാകരൻ ഏട്ടനുമുണ്ട് അച്ഛന്റെ കൂടെ സ്ഥിരമായി പാടത്ത് പണിക്കുണ്ടാവാറുള്ളയാളാണ്. എന്നെ ഭയങ്കര കാര്യമാണ് ആൾക്ക്.

അച്ഛൻ പറയുന്നത് ഒരോന്നും ചെയ്ത് പെട്ടെന്ന് നേരം പോകും. ഒരു പതിനൊന്നര ആകുമ്പോ തൂക്ക് പാത്രത്തിൽ കൊണ്ട് വന്ന കഞ്ഞി ഞാനും അച്ഛനും ദിവാകരേട്ടനും കൂടെ ഒപ്പമിരുന്ന് കഴിക്കും.

കഞ്ഞി കുടിച്ചു കഴിഞ്ഞാൽ കുറച്ചു നേരം വിശ്രമിച്ചതിന് ശേഷം വീണ്ടും പാടത്തേക്ക് ഇറങ്ങി പണി തുടരും. പിന്നെ ഒന്ന് റസ്റ്റ് എടുക്കുന്നത് ഉച്ചക്ക് ഒരു രണ്ട് മണി ഒക്കെ ആകുമ്പോഴാണ് ഭക്ഷണം കഴിക്കാൻ വേണ്ടി.

ആ സമയം ആകുമ്പോ ഞങ്ങൾ വീട്ടിലേക്ക് പോകും അതികം ദൂരം ഇല്ല വീട്ടിലേക്ക് ചോറും കറിയും എല്ലാം നേരത്തെ ഉണ്ടാക്കി വച്ചത് എടുത്ത് കഴിക്കും. ഒരു അര മണിക്കൂറോളം ഒന്ന് വിശ്രമിച്ചു വീണ്ടും പാടത്തേക്ക്.

അവസാനം എല്ലാം കഴിഞ്ഞു പാടത്ത് നിന്ന് കയറുമ്പോ സമയം അഞ്ചു മണി കഴിഞ്ഞിരിക്കും.
വീട്ടിൽ വന്ന പാടെ കുളിയും വസ്ത്രങ്ങൾ അലക്കിയും നിലം തുടക്കലും മറ്റു ജോലികൾ എല്ലാം ചെയ്ത്‌ തീർക്കും. അപ്പോഴേക്കും അച്ഛൻ വൈകുന്നേരത്തേക്കുള്ള ചായയും കടിയും ഉണ്ടാക്കാൻ തുടങ്ങും.

വീട്ടിലെ മറ്റു പണികൾ എല്ലാം തീർത്ത്‌ പൂമുഖത്ത് വിളക്കും വച്ച് രണ്ട് പേരും ഒപ്പമിരുന്ന് ചായ കുടിക്കും. അതിന് ശേഷം കുറച്ചു നേരം ടീവി കണ്ടിരിക്കും.