നന്ദന 4 [ Rivana ] 113

അത്രക്കും ടയേർഡ് ആയിരുന്നു. പക്ഷെ അച്ഛൻ എന്നെ കിടക്കാൻ സമ്മതിക്കാതെ അവിടെന്ന് എണീപ്പിച്ചു കുളിച്ചു ഫ്രഷായി വരാൻ പറഞ്ഞു. ഒട്ടും താല്പര്യം ഇല്ലെങ്കിൽ കൂടി ഞാൻ പോയി ഫ്രഷായിട്ട് വന്നു വീണ്ടും ബെഡിലേക്ക് കിടന്നു. ആകെ ക്ഷീണിച്ചത് കൊണ്ട് എന്നെ പെട്ടെന്ന് തന്നെ നിദ്ര ദേവി കടാക്ഷിച്ചു, ഉറക്കം എന്ന് പറഞ്ഞ പോരാ പൂരാ ഉറക്കമായിരുന്നു ഞാൻ. വാതിൽ ഒക്കെ അടച്ചു അച്ഛൻ എപ്പോളാണ് ഉറങ്ങിയത് എന്ന് പോലും എനിക്കറിയില്ല.

പക്ഷെ എന്തിരുന്നാലും രാവിലെ നേരത്തെ തന്നെ അച്ഛൻ എന്നെ വിളിച്ചു എണീപ്പിച്ചു. എന്നിട്ട് വീട്ടിലെ സ്ഥിരം പണികൾ എല്ലാം ഒരുമിച്ചു ചെയ്ത്‌ തീർത്തു.

രണ്ടു ദിവസത്തേക്ക് പാടത്ത് പണികൾ നിർത്തിയതാണ്. ക്രിസ്മസ് കഴിഞ്ഞിട്ടേ ഇനി പാടത്ത് പണിക്ക് പോവുന്നുള്ളു. എന്നിരുന്നാലും നനക്കലും മറ്റുമായി ചില അറ്റ കുറ്റ പണികൾ ഒക്കെ കൃഷിയിലും ചെയ്യേണ്ടത് കൊണ്ട് ഒരു രണ്ടു മണിക്കൂർ അച്ഛൻ പാടത്ത് പോയി പണി ചെയ്യും.

ആ പണിയെല്ലാം തീർത്തതിന് ശേഷം ഞാനും അച്ഛനും കൂടെ വീട്ടിൽ ക്രിസ്മസിന്റെ ചെറിയ അലങ്കാരങ്ങൾ ഒക്കെ നടത്തി വെക്കും. അത് കഴിഞ്ഞാൽ വീട്ടിൽ ടീവിയും കണ്ട് ഒരു പണിയും ഇല്ലാതെ ഇരിപ്പായി.

അന്ന് വൈകുന്നേരം ആയപ്പോ അടുത്തുള്ള ഒരു പറമ്പിൽ ആമ്പിള്ളേർ കുറച്ചു പേർ ക്രിക്കറ്റ്‌ കളിക്കാനും ഫുട്ബാൾ കളിക്കാനും ഒക്കെയായി വരാറുണ്ട്, അതും കാണാനായി ഞാൻ അച്ഛനേം കൂട്ടി അങ്ങോട്ട് പോയി.

അവിടെ ഒരു സൈഡിൽ ഇരിക്കാനുള്ള സൗകര്യം ഒക്കെയുണ്ട്, ഞാനും അച്ഛനും അവിടെ ഇരുന്നു കളികൾ കാണാൻ തുടങ്ങി. അവരുടെ കളി കാണുമ്പോ എനിക്കും ഇറങ്ങി കളിയ്ക്കാൻ ഒക്കെ തോന്നുന്നുണ്ട്.

എന്റെ ഇരിക്കാ പൊറുതിയില്ലായ്മ കണ്ട് അച്ഛൻ എന്നോട് കളിയ്ക്കാൻ പോണോ എന്ന് ചോദിച്ചു.
ഞാൻ യെടുത്തേക്കെന്നെ വേണ്ടാന്ന് പറഞ്ഞു. ആ ഇനി ഇപ്പൊ അവരുടെ ഒപ്പം കളിയ്ക്കാൻ പോയിട്ട് വേണം എന്റെ കയ്യും കാലും ഒടിക്കാൻ. വെറുതെ എന്തിനാ വഴി കൂടെ പോണ പാര വിളിച്ചു വരുത്തി ഏറ്റെടുക്കുന്നെ.