ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

ഡെറിക് എബ്രഹാം 5
( In the Name of COLLECTOR )

~~~~~~~~~~~~~~~~~~~~~~~~~~

✒️ അഹമ്മദ് ശഫീഖ് ചെറുകുന്ന്

PART 15

Previous Parts

 
 

 

അശ്വിൻ ഈ ലോകത്ത് ജീവിച്ചിരിപ്പില്ല എന്ന് കേട്ടപ്പോൾ എല്ലാവരും ഞെട്ടി…

 

“അശ്വിനെന്ത് പറ്റി ഡെറിക്…? ”

 

“ഞാൻ പറഞ്ഞിരുന്നില്ലേ…

അശ്വിൻ ചെട്ടിയാരുടെ ഏറ്റവും വിശ്വസ്തനായിരുന്നുവെന്ന്…

ഒരു ദിവസം കുട്ടികളെ തട്ടിക്കൊണ്ടു വരുന്ന ദൗത്യം ചെട്ടിയാർ അദ്ദേഹത്തെ ഏല്പിച്ചു…

അത്രയും കാലം വരെ അതിനെക്കുറിച്ച് തന്റെ അനുയായികളോട് സംസാരിക്കാത്ത ചെട്ടിയാർ , ഈ കാര്യം അശ്വിനോട് പറഞ്ഞപ്പോൾ തന്നെ എനിക്ക് സംശയം തോന്നിയിരുന്നു….

ഒന്നും ആലോചിക്കാതെ എടുത്തു ചാടല്ലേയെന്ന് ഞാൻ ആയിരം പ്രാവശ്യം പറയുകയും ചെയ്തു..സ്വന്തം ജീവനെ പോലും അത് അപകടത്തിലാക്കുമെന്ന് എത്ര പ്രാവശ്യം പറഞ്ഞുവെന്നറിയോ….

അന്ന് അദേഹത്തിന് ആത്മവിശ്വാസം കുറച്ച് കൂടിപ്പോയി…

തന്റെ ജീവൻ നഷ്ടപ്പെട്ടാലും പ്രശ്നമില്ല , അത് ഒരുപാട് കുട്ടികളുടെ രക്ഷയ്ക്ക് വേണ്ടിയല്ലേ എന്നും പറഞ്ഞു ചെട്ടിയാരുടെ വാക്കനുസരിച്ച് നീങ്ങിയ അശ്വിന്റെ വാക്കുകൾ അച്ചട്ടായി….പിന്നീട് ബോഡി കിട്ടിയത് റെയിൽവേ പാളത്തിൽ നിന്നാണ്…”

 

ഡെറിക് , അത് പറഞ്ഞു കഴിഞ്ഞപ്പോഴേക്കും എല്ലാവരുടെ കണ്ണും നിറഞ്ഞു…അവനും സങ്കടം സഹിക്കാനാവാതെ കരച്ചിലിന്റെ വക്കിലെത്തി..

 

“ഡെറിക്…..”

 

“ഓഹ്…സോറി സാർ..

ഞാനിത്തിരി ഇമോഷനലായിപ്പോയി..അശ്വിനോട് വല്ലാത്തൊരു ആത്മബന്ധമായിരുന്നു…ഒരു ജ്യേഷ്ഠസഹോദരനെ പോലെയായിരുന്നു അദേഹത്തിന്റെ പെരുമാറ്റവും…..”

 

“അത് താൻ വിടെടോ…”