ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

അവൻ ആ അമ്മയെ അവിടെയിരുത്തി മറ്റുള്ളവരേയും സമാധാനിപ്പിച്ചു… അവരുടെ കുട്ടികളെ കുറിച്ച് ചില കാര്യങ്ങളൊക്കെ ചോദിച്ചറിഞ്ഞു…

അപ്പോഴാണ് അജിത് അവിടേക്ക് വന്നത്….

“ഡെറിക്…. ഗീതയാണ്…”

അവൻ അവിടുന്ന് എണീറ്റും കൊണ്ട് പുറത്തേക്കിറങ്ങി….

“പറയൂ ഗീതാ…..”

“ഡെറിക്…ഇത് വരെ സംശയാസ്പദമായി ഒരു വണ്ടിയും മുന്നിൽപ്പെട്ടിട്ടില്ല…സമയമിപ്പോൾ രാത്രി പത്തായില്ലേ….ഇനിയുണ്ടാകാൻ സാധ്യതയുമില്ല…..”

“അത് കൊണ്ട്..? ”

“നമുക്കിത് ഇന്നേക്ക് നിർത്തിയാലോ.. നാളെ രാവിലെ നോക്കാം…. പറ്റുമെങ്കിൽ രണ്ടാമത്തെ പദ്ധതിയും നോക്കാമല്ലോ…”

“ആ പദ്ധതി സാധിക്കുമെന്ന് തനിക്ക് പ്രതീക്ഷയുണ്ടോ ഗീതാ…? ”

“അതല്ലാതെ വേറെന്താണ് നമുക്ക് ചെയ്യാൻ പറ്റുക..? ”