ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

അവരെ നമ്മുടെ കൈയിൽ കിട്ടുമെന്ന കാര്യത്തിൽ എനിക്ക് സംശയമില്ല….

അത് വരെ ക്ഷമിച്ചേ പറ്റൂ….”

“ഓക്കേ… ”

“നിങ്ങൾക്ക് വല്ല ബുദ്ധിമുട്ടുമുണ്ടോ അവിടെ നിൽക്കാൻ ?

ഉണ്ടെങ്കിൽ ഞാൻ വന്നു നിൽക്കാം…”

“ഇല്ല ഡെറിക്.. ഞങ്ങളിവിടെയുണ്ടാകും..ഞാൻ അറിയാതെ…”

ഗീതയെ വാക്കുകൾ പൂർത്തിയാക്കാൻ അനുവദിക്കാതെ ഡെറിക് ഫോൺ വെച്ചു….

ശേഷം കമ്മീഷണറുടെ ഓഫീസിലേക്ക് കയറി…

അവിടെ എല്ലാവരും അക്ഷമരായി അവന്റെ വരവിനായി കാത്തിരിക്കുകയായിരുന്നു….ദേഷ്യത്തോടെയുള്ള അവന്റെ വരവ് കണ്ട കമ്മീഷണർ എന്ത് പറ്റിയെന്ന് കണ്ണുകൾ കൊണ്ട് ആരാഞ്ഞെങ്കിലും മിഴികളടച്ചും കൊണ്ട് അവനതിന് മറുപടി നൽകി…

“മോനെ…. എന്തെങ്കിലും വിവരമുണ്ടോ ? ”

“അമ്മേ.. നിങ്ങളെല്ലാവരും വിഷമിക്കാതെ വീട്ടിലേക്ക് പോയ്ക്കോളൂ….

കുട്ടികൾക്ക് ഒരു പോറലുമേൽക്കാതെ ഞാനവിടെയെത്തിക്കും…

ജീവൻ നൽകേണ്ടി വന്നാലും ആ വാക്കിൽ നിന്ന് ഞാൻ പിന്മാറില്ല…

അതിന് സാധിച്ചില്ലെങ്കിൽ എന്റെ ജീവനില്ലാത്ത ശരീരം മാത്രമേ തിരിച്ചു വരൂ….”