ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

ആ പെൺകുട്ടികളുടെ മുഖം മനസ്സിലുണ്ടല്ലോ….അത് ഓർത്തു വേണം പരിശോധിക്കാൻ….”

“ഓക്കേ മാഡം…”

പോലീസുകാർ ബസ്സുകാരോട് ലൈറ്റുകൾ തെളിക്കാൻ പറഞ്ഞു…ആദ്യമൊന്ന് മടിച്ച് നിന്നെങ്കിലും , വൈകാതെ തന്നെ അവിടെയാകെ പ്രകാശം പരന്നു…പോലീസുകാർ ഓരോരുത്തരെയായി , അവർ ഇരുന്ന സ്ഥലത്തേക്ക് പോയി ടോർച്ച് അടിച്ചും കൊണ്ട് പരിശോധിച്ചു…ലൈറ്റുകൾ തെളിഞ്ഞിട്ടും , അവർ ടോർച്ചുകൾ ഉപയോഗിച്ചത് ഗീതയുടെ നിർദ്ദേശമായിരുന്നു….

ഉറങ്ങിയിട്ടുണ്ടായിരുന്ന പലരും എഴുന്നേറ്റും കൊണ്ട് അവരെ തുറിച്ചു നോക്കി….

മറ്റു ചിലർ എഴുന്നേൽക്കുന്നുണ്ടായിരുന്നില്ല..

നല്ല ഉറക്കിലായിരുന്നു…

“ടോ…. ഇവരെന്താ എഴുന്നേൽക്കാത്തത്….?

ഇവിടെ ബൾബുകളും ടോർച്ചുകളും പ്രകാശിച്ചിട്ടും ഒരു കുലുക്കവുമില്ലല്ലോ..? ”

“ഇപ്പോൾ ഉറങ്ങിയതാണ് സാർ…പൊലീസാണെന്ന് മനസ്സിലായിക്കാണില്ല…”

“ഹാ….. ഓക്കേ…. ഓക്കേ…..”

ഇത് കേട്ടപ്പോൾ ഗീത പോലീസുകാരോട് അവരെത്ര പേരുണ്ടെന്ന് പരിശോധിക്കാൻ പറഞ്ഞു…